救命勁恐佈!!!!!!救命救命

今朝發現盆蕃茄盆邊有一隻烏蠅,趕走佢後一淋水有幾百隻烏蠅仔(我諗係)從泥中不斷走湧出黎..救我呀!!!
我係咪要成盆掉在去呀?有3棵蕃茄苗呀

我到原本都好勁蚊滋仔...噴左綠油油...依家無乜喇...幾好用喎...

我試過!! 莧菜個盆加左網...點知某日開始日日網內都有幾十隻烏蠅..d莧菜已經長成. 我都唔敢食. 連泥都唔要....如果你的是小苗. 不如考慮移走d苗. d泥留唔留自己考慮下.

回覆<<nekokaren  烏蠅OK MA???>>

應該得...飛虫都得.....不過可能要噴幾次....我第一次噴完...無左..過幾日又有D...第二次噴係隔左七日...噴左兩次...剩番一分仲有D....我諗噴多一次應該差唔多無晒喇...

比我就想起都吾想食，我話好似giveupaguy咁講，移走d苗啦

cklife 發表於 2011-6-16 13:22
我到原本都好勁蚊滋仔...噴左綠油油...依家無乜喇...幾好用喎...

請問綠油油係咪有機架? 嘖左d菜都仲食得架?
咁有冇話嘖左幾耐先可以收d菜黎食架?

我d菜又係成日有烏蠅問題, 我多數用黃色貼紙, 但都有少少, 不過我照食喎, 洗過又煮熟左怕咩呀? 田度種o個d咪仲多蟲? 士多啤梨有鼻涕蟲添啊, 咪又係冇煮過就食? 洗乾淨咪得囉.

nekokaren, 如果它們係幼苗. 移去新泥啦!
(如果係我..因我想起果場面好可怕)

綠油油係花墟果間...興業有賣...
元朗黃三興....

我記得係可以種菜用....無記錯係話有機種植既農藥黎...以下係佢既資料


可控制︰

紅蜘蛛、白蜘蛛、介殼蟲、 蚜蟲、锈蜶、木蝨、潛葉蛾等。
白粉病、锈病、黑斑病、油斑病、煤烟病等。

(樽蓋經開封後容易滲漏，可先加保鮮紙蓋著再擰緊樽蓋。)

調配︰

先將 1份藥和1份水攪拌混合，再將餘下水量加入混和。用前再搖勻噴施。

(最徍施藥時，是在最期或初現蟲卵時，以300倍稀釋使用。七天後作第二次噴施。

慣性施用稀釋300-500倍使用。 )

註︰



有效成份︰99%石臘油乳化劑
可自然分解不會對環境做成危害。
避免噴射過量藥液，不要用低於10度凍水稀釋。
不要施用於枯萎植物或幼嫰小苗。
不要經任合灌溉系統施用於泥上中。建議於早上及黃昏時施用。
施藥四小時後可重回施藥區。
食用作物建議於採收前一天停止施藥。

好...好恐怖等花店殺蟲來了買包先= =
對了,花店老闆說可開水浸底等泥吸收不用直噴在植物上

聽到都驚

我種野又係好怕蚊滋仔果d飛飛, 而家種室外, 話之佢, 之前種indoor, 討厭到呢