終於買左仙人掌! 請各位指教!!

顯示全部樓層

今日行過花店, 見到開緊白花既仙人掌, 忍唔住手, 諗住攞返office添d生氣, 我沒種仙人掌經驗, 請問各位呢盆係咩品種同埋要點樣先可以種得佢靚呢? 我唔想做殺手呵!!

WNG · 發表於 2011-6-5 21:56:38

丫...差d唔記得問, 果d小小粒係咪種子黎呀? 係咪摘左佢放呢一個盆就可以生架喇? 唔該各位!!!

Monk's · 發表於 2011-6-5 22:15:48

要靚就要有充足陽光,但如果放在Office就記得要小水,我露天樣都係一星期給水一次,要放室內起碼兩星期吧. 總之,不太理它不會有大礙,過份照顧便會死給你睇...久不久給它日光浴,它會很開心

細細粒的是子球,即是BB,不用取下,但如取下放在微濕泥土上,BB便會發根.

WNG · 發表於 2011-6-5 23:04:56

回復 Monk's 的帖子

我以前都有個同事種過仙人掌, 放係可以照到陽光既窗邊, 每個week幫佢淋少少水, 結果都係死左呀, 所以我都有少少擔心架! 另外呢, 係咪要取大粒既bb先會發根呢? 唔好意思呀! 咁多問題添

GOODluck20x · 發表於 2011-6-6 00:02:55

其實冇限定每星期 or 每 2 星期淋水 . 我淋水方法糸睇d 植材好淺色,之後拎起個盆感覺好輕 , 我會淋透佢.
環境有充足陽光 , 通風系首要條件 .

大細落地却有機會發根 , 只系大粒既b系存活率高d 遮 .

Monk's · 發表於 2011-6-6 00:04:28

死可以有很多因素,可能是泥土,病害,蟲害等,但不詳細說了,總之小水多光就是

子球大定了便可取下.

WNG · 發表於 2011-6-6 22:10:50

謝謝你們呀...睇黎我缺乏左一個重要條件, 就係陽光

mcdull918 · 發表於 2011-6-7 02:46:26

夠光既用燈都得既,不過一定冇太陽咁令.

同埋呢.....你首要做既野係換泥

我買十盆仙人掌九舖花舖都係用普通科學泥架,初時唔識淋完一次水,三日都仲好濕.....

咁好易 UP 爛根,但好彩果次係三日後換泥時發現,所以冇事囉.

同埋呢.....花街好多贈品,唔知泥入面有冇野送,安全既都係換左隱陣

WNG · 發表於 2011-6-7 23:06:28

回復 mcdull918 的帖子

乜原來咁架? 係咪要去xx城買仙人掌泥架? 我又貪心想用個小種子黎發下, 睇下可唔可以送俾d同事嘛, 今日朶花又開左少少, 做到發慌時望下佢, 心情都舒暢好多架! 咁請問要唔要定時落肥架? 要咩肥先啱呢? 唔好意思呀, 好似十萬個為什麼咁添

mcdull918 · 發表於 2011-6-8 00:35:00

唔咩好意c播,開頭一定好多問號架啦,我都係架

我自己就用仙人掌專用泥,響山啦啦買果d,地震城都有不過我未用過,因為望個樣好似冇山啦啦d咁疏水同多料.

發種子好開心架,睇住佢地大,我都好 enjoy 發種子.

肥我就冇用既,要請教其他 ching.

種左花個人心情都好d,情緒都平衡d

WNG · 發表於 2011-6-9 14:22:15

回復 mcdull918 的帖子

山啦啦即係邊呀? 可以俾多個tips嘛?? 我頭先都走左去地震城睇, 見佢果d都係好化學既泥, 所以無買, 我見有人個d好細粒既啡色石仔架, 感覺幾好喎, 我而家唔敢淋水呀!

mcdull918 · 發表於 2011-6-9 15:39:02

夏天佢地訓覺,唔洗多淋水.我好懶開始熱之後成個月先比左次水佢地

咁當然都要留意返你環境啦.

園藝繽繽轉灣內街方向,咪有間專賣仙人掌肉肉既,果間就係"山啦啦".

啡色石唔知你講邊隻,會唔會係人地放響面裝飾用呢? 其實底材用左岩既野,面你就可以放你鍾意既啦.

WNG · 發表於 2011-6-9 17:44:39

回復 mcdull918 的帖子

哦...我有D印象你講邊間喇, 可惜我好難去度, 因為我唔出開去既. 不過我試下去其他地方搵下先! 唔係就XX城都頂住先啦! 希望佢生長健康, 到時幫佢開枝散葉呀

WNG · 發表於 2011-6-10 09:00:42

回復 mcdull918 的帖子

頭先睇到另一網友話賣左盆仙人掌又開花, 個shape都好靚, 但換泥時就睇到有蟲, 攞返shop人地就掉左就算, 好得人驚呀

睇黎我要快d手先得!