開新田預備

請問開新田應該要準備d乜呢?

聽田友說要用 3斤 花生麩, 2斤骨粉...唔知岩唔岩呢?

請幫幫忙~

塊田有幾大?

就係社區園圃計劃果d咁大咋

我都想問下各位園友, 如領到園圃計劃的田, 這田是否有泥供應的 ? 一般是什麼泥 ? 需不需要加泥呀 ?

園圃計劃是包泥的，一般只會加肥，開田時加基肥(一般為花生麩骨粉)

3斤 花生麩, 2斤骨粉 是足夠的，若你種"瓜果"多可加小小1-2斤骨粉或調節比例。

另外，由於花生麩和骨粉分解較慢(三、四個月，視乎天氣和環境)，可加一些堆肥在泥面，5 KG 都OK。

再者，在開田時，通常會加一些熟石灰中和泥酸醶度，令佢地好D和消毒，用時，不要用手接觸。

希望幫到你們。

其他園友有冇補充?!

你既 info 好正喎, 參考參考先
我收田時會攞過年時開咗水既花生麩水, 我唸會快過只用花生麩, 同整定些海藻水
下個月培定瓜瓜豆豆既苗, 到時就慳咗少少時間

原帖由 hellohello 於 2008-3-13 14:42 發表
園圃計劃是包泥的，一般只會加肥，開田時加基肥(一般為花生麩骨粉)

3斤 花生麩, 2斤骨粉 是足夠的，若你種"瓜果"多可加小小1-2斤骨粉或調節比例。

另外，由於花生麩和骨粉分解較慢(三、四個月，視乎天氣和環境)，可加一些堆肥 ...

HELLOHELLO, 謝謝您 !
另請問熟石灰在哪裡可以買到 ? 謝謝 !

不好意思 !
我想再問, 之前在家中種了車厘茄的苗, 現在須要換大的盆, 是否也在新泥加上熟石灰來消毒的呢 ?

原帖由 carolc 於 2008-3-13 14:48 發表
你既 info 好正喎, 參考參考先
我收田時會攞過年時開咗水既花生麩水, 我唸會快過只用花生麩, 同整定些海藻水
下個月培定瓜瓜豆豆既苗, 到時就慳咗少少時間 ...

我只是分享一下，其實我仲有好多嘢都唔識。
花生麩水同海藻水真係好有用。

是的是的培定瓜瓜豆豆既苗，我這個星期就開始。

原帖由 美美 於 2008-3-13 14:50 發表

HELLOHELLO, 謝謝您 !
另請問熟石灰在哪裡可以買到 ? 謝謝 !

不用謝!

可在園藝及種子行買到

原帖由 美美 於 2008-3-13 15:03 發表
不好意思 !
我想再問, 之前在家中種了車厘茄的苗, 現在須要換大的盆, 是否也在新泥加上熟石灰來消毒的呢 ?

忘記 了告訴你們，因熟石灰會產生高熱會燒根。

不建議 ，熟石灰也不應加太多!

原帖由 hellohello 於 2008-3-13 17:13 發表


忘記 了告訴你們，因熟石灰會產生高熱會燒根。

不建議 ，熟石灰也不應加太多!

我可以在收田當天翻翻土後下熟可灰嗎?? 過幾天再落苗及種子???

原帖由 carolc 於 2008-3-13 20:55 發表


我可以在收田當天翻翻土後下熟可灰嗎?? 過幾天再落苗及種子???

不好意思，我成日講D唔講D，絕對正確!!

原帖由 hellohello 於 2008-3-13 22:58 發表


不好意思，我成日講D唔講D，絕對正確!!

nevermind 咁先多野講嘛

不好意思, 第一次抽中園甫, 很多問題
1. 請問花生麩和骨粉及堆肥在哪裡買???及怎樣施在田上, 步驟是怎樣???
2. 防雀仔及昆蟲的砂網在哪裡購買??

希望各位幫幫忙解答, thanks!!!

我上次種苗圃個導師話1磅花生麩,1磅骨粉做基肥都夠.因為以佢既經驗,苗圃既園友一向係好重手咁落肥,所以塊田本身都已經好肥沃.但大家如果唔放心,可以做基肥時落多少少,磅半都ok.

原帖由 hellohello 於 2008-3-13 14:42 發表
園圃計劃是包泥的，一般只會加肥，開田時加基肥(一般為花生麩骨粉)

3斤 花生麩, 2斤骨粉 是足夠的，若你種"瓜果"多可加小小1-2斤骨粉或調節比例。

另外，由於花生麩和骨粉分解較慢(三、四個月，視乎天氣和環境)，可加一些堆肥 ...

純粹講吓:
1)你地都知道佢開田前已補了肥,何必要咁重手再自己落呢!!
2)純粹用作發芽同培苗,有基本適當的環境應該就得啦!只要其後有追肥就得!!
3)雖然得4個月,但慢慢來都一定有得收(如果無天災橫禍),只是收成少D姐!!
4)你地試想吓:小朋友的時候已給予咁多營養,驕生慣養成長,到遇到困難危害時能安然嗎?(太多的肥只會令植物的根生得唔好,佢都唔駛生去第二度吸營養,D根就唔會向周圍生長了!)唔好比飽飯佢食!!!
5)你如果知之前真係種咗好多食肥嘅作物,真係補多少就得嘅!
6)你地落咁多同用化肥種,就黎分別不大啦!!唔好比急於收成嘅心態,影響了你們作物的質素呢

以上只是個人意見,希望大家唔好介意

[ 本帖最後由 PACO 於 2008-4-8 04:41 編輯 ]

多謝你的意見

Paco 兄，你好!

多謝你的意見!!!

可能我講得唔清楚，

康文處只是補了一點點肥在泥面，而且佢地都話唔夠，不過，我區社區園圃經過兩年多種植，泥土的確肥沃了不少，昨日開田園友發現了不少蚯蚓，有一條我想有八吋長手指咁粗 。Haha!!!

我無用化肥呀!  花生麩、骨粉和堆肥都係大埔龍墟買架!

我好認同第四點，因為四個月的確有限，好多園友在家預先在家培苗，大家有同感，D苗的確較弱。

原帖由 hellohello 於 2008-4-7 10:39 發表
Paco 兄，你好!

多謝你的意見!!!

可能我講得唔清楚，

康文處只是補了一點點肥在泥面，而且佢地都話唔夠，不過，我區社區園圃經過兩年多種植，泥土的確肥沃了不少，昨日開田園友發現了不少蚯蚓，有一條我想有八吋長手指咁粗: ...

唔係唔清楚!!唔駛緊張 我個面都有加肥(雞屎肥),我本人認為此肥力較強,所以都唔駛點加,但因為要發芽及培苗,所以先迫住要額外加入基肥(唔知你個面又落邊種肥呢?)!
教我種植的亞SIR常掛在咀邊----若要孩兒知溫飽,常帶七分飢與寒!!希望大家的作物都能健壯成長
唔係話你用化肥呀 怕你用得多,好似化肥咁'谷'大佢地就唔好啦!!
有大蚯蚓實在太幸福啦,我個D牙籤咁幼呢