新手say hello!!內有捕蠅草照數張=)

哈囉大家好!!
早幾日有個朋友係fb post左幾張捕蠅草既相出黎...話係佢朋友送比佢玩下
我一見，嘩！我都好想有個朋友送比我玩下呀
當晚就發左癲咁周圍搵關於捕蠅草既資料，搵下搵下就搵左黎呢度，之後又唔小心知道埋原來肉食植物有好多種=_=
oh no！就係咁我中毒了，不過中毒尚淺，應該未死得！

因為唔知講唔講得舖頭名（哈，我衰，我未睇版規）
所以下面舖頭名都會講得無咁清楚

但係孿左兩日，終於頂唔順，搵個朋友陪我出花墟買！（因為係度搵POST話花墟啲乜記呀乜紛呀有）
其實我去過兩次花墟咋，我以前都去過間森乜，一入就係架啦麻！但係今次去果陣唔知點解我搵左好耐都搵佢唔到=_=（我發雞盲）...繼續搵啦，去到繽fun佢又捕蠅堇又毛顫苔又瓶子草，我係度見過既名都有但係就係無捕蠅草...好失望=_=
到最後終於搵到SUM KEE啦！28蚊咋，好抵玩呀！我本身預成舊水架=)
我見佢有啲有晒盤有晒泥咁樣都係78，但係我鐘意自己執有成功感啲，最後夾夾埋埋執左66蚊...我唔知有無買貴到 ha
我執既材料有：簡左好耐好靚好得意可愛好紅既捕蠅草苗(?)一株$28，Sum KEE既無肥泥碳土$10一小包，一個陶瓷(?)花盤$20（有人話我買貴左好多=_=），珍珠岩$8
我未買肥呀，因為我諗住養到佢咁上下，確定佢唔會唔適應屎左先買，哈哈！希望佢可以陪我好耐啦！

好開心終於帶左佢返屋企，平時好懶既我係房個混亂窗台度執左個area比佢地（一個朋友見我種野又送左盤細細盤紫羅蘭比我）
平時日出佢地就可以對正個太陽，過左正午都仲係好光，無光既話我會開房燈，希望佢地可以健健康康啦！

今日貪得意比左隻細蟋蟀佢食，見到佢食野好興奮！不過將來都會聽教聽話主要用追肥（花寶五號）為主。
夾夾仔加油啊！你要快高長大！我會每日都同你傾計架啦哈哈哈哈

貼下圖先=)琴日先帶佢返黎架^^

佢裡面好紅好健康呀=)

佢真係好靚仔 我好愛佢^^

你要快高長大 生多啲夾夾出黎呀=)

我會好錫你架哈哈哈

請問我有無啲咩做錯咗又或者係需要補充？請各位師兄師姐不吝賜教！
多謝！

我都係有個FD陪我去買!先開始踏入尼個世界...HAHA!同我既情況好似!!
值得注意係...你個盆幾高? 好似見係半圓既盆來既?太淺並不太好
尼隻苗仔最好至少5CM高才好..

LUKE 發表於 2011-5-25 20:19
我都係有個FD陪我去買!先開始踏入尼個世界...HAHA!同我既情況好似!!
值得注意係...你個盆幾高? 好似見係半 ...

我個盤唔係半圓黎架=)高度既話目測應該有10cm左右
我用腰水法係度諗個盤咁高佢會唔會飲唔到水>_<?
Anyway,多謝提醒,thank you!

泥面無水 先加水都頂到,更何況係有腰水,,HAHA!
等待佳績...!!!

LUKE 發表於 2011-5-25 20:47
泥面無水 先加水都頂到,更何況係有腰水,,HAHA!
等待佳績...!!!

oh!thanks^^
希望我種到佢繼續紅卜卜 啲夾仔又可以大個啲靚啲啦!
多謝^^

小鹿MF 發表於 2011-5-25 20:53
oh!thanks^^
希望我種到佢繼續紅卜卜 啲夾仔又可以大個啲靚啲啦!
多謝^^

聽閒中午陽花直照最好加遮光布...因為過熱會黑夾架 ...
都係聽聞返離...因為我家中午唔無太陽直照的...

加油呀, 木木木記啲苗大得好快架

回復 durianpancake 的帖子

haha 我中午都晒唔到架 所以應該無問題=)

木木木記d 28$BB係幾抵玩~又Q又易種
不過係佢到買植物就好了~唔好買佢D植料,,,唔抵+唔安全
去花寶啦買啦~~同埋都唔駛專登買過盤,用平時飲野果D膠杯仲靚仲環保

durianpancake 發表於 2011-5-26 00:27
聽閒中午陽花直照最好加遮光布...因為過熱會黑夾架 ...
都係聽聞返離...因為我家中午唔無太陽直照的... ...

夾唔怕曬!
不過怕乾水!

C702 發表於 2011-5-27 00:10
夾唔怕曬!
不過怕乾水!

想問下夾根有無機會浸欄架?

捕蠅夾原生地係非常濕架!
我浸咗2年都冇爛!(靚水苔)

031504 發表於 2011-5-27 00:06
木木木記d 28$BB係幾抵玩~又Q又易種
不過係佢到買植物就好了~唔好買佢D植料,,,唔抵+唔安全
去花寶啦買啦~~ ...

花寶係邊黎架？今日我諗住出多次去幫個朋友執一盆呀

我上google地圖搵到啦=)
真係唔該晒 多謝提醒
等我問下佢啲泥炭土係唔係都係無肥架先

有些花友傳上來的夾夾很可愛，小小的，紅紅的bb夾夾，
很紅很紅那種，為什麼我在花舖都找不到的呢？