問題有無ching種過紅鳯菜/紫背天葵?

因為聽人講紅鳯菜/紫背天葵很好種
怎樣種怎樣生, 好似野草咁命硬
但係我晌街市買過三次一斤
將佢葉食左/煲水, 留莖在浸水或插泥

但插泥既話, 第日就軟哂, 過幾日枯埋
浸水就無死, 但生根好慢, 等一兩個月, 都係生左2-4cm根,
我試過將生左少少根既放落泥種, 但兩日又死左,
一直浸水果d, 浸左一兩個月, 期間一兩日爛一支, 一兩日爛一支咁, 最後都係死哂
我已經日日換水
點解都係咁既呢? 有無ching 有經驗?

我覺得你種死係因為季節關係....
之前我都係買左番黎落盆種，又係無耐死左...果時近過年，好凍下....

復活節之後，我又買番黎，今次插水生根，無你講咁耐唔洗一個月...不過都比薄荷、羅勒等香草生根時間耐...有根之後就插入泥種....依家見佢開始長細葉，所以剪走晒D舊葉...生長良好...

我諗想種既，春天唔太凍種會好D...

其實我都是呢兩、三個月在種呢
但而家全軍覆沒了

cklife 發表於 2011-5-23 08:21
我覺得你種死係因為季節關係....
之前我都係買左番黎落盆種，又係無耐死左...果時近過年，好凍下....

想請問邊度可以買到紫背天葵種呀?Thank

正式既紫背天葵係屬秋海棠科...葉片呈心形...
http://big5.cas.cn/kxcb/kpwz/201005/t20100518_2847578.shtml
紅鳳菜又有人叫佢紫背天葵或紫背菜...但佢葉片係尖形唔係秋海棠科....
http://www.hudong.com/wiki/%E7%BA%A2%E5%87%A4%E8%8F%9C
攪清楚想種邊種先....

我的是紅鳳菜
但我的插入泥中,第二天就軟趴哂
你地會這樣嗎?

this one?

this one

很想知道香港在那裡能買到"紅鳳菜", 聽說它對糖尿病有幫助. 謝謝!

stella_cl_lam 發表於 2011-12-8 14:33
很想知道香港在那裡能買到"紅鳳菜", 聽說它對糖尿病有幫助. 謝謝!

如果你想要紅鳳菜(紫背天葵)和角菜(珍珠菜), 請寄回郵:
                 1. 請貼上足夠郵票在去和回的信封上, 附上堅固膠盒: (大約10厘米x10厘米x4厘米)
                 2. 膠盒厚度不要超過4厘米
                 3. 如同一時間要2種, 請用2個或一個大(請參照以上指示)的堅固膠盒及確保膠盒厚度不超過4厘米
                 4. 郵包連堅固膠盒長闊高一定要可以放入任何一個街上郵筒
                 5. 任何郵寄失誤, 本人不會負責
                 6. 重量: 請預郵包+盒+植物+保濕物(紙巾+水+保鮮紙)
                 7. 請pm我

真係好粗生...多謝網友既分享...
向北假天台，無乜陽光但夠通風，冬天都種到咁茂盛好開心....

紅鳳菜(紫背天葵)


珍珠菜(角菜)

回覆︰ckathy29  好懷念呀.. 我只有係台灣食過 我婆婆自己種既... 原來香港都有呢兩種菜
真係好易種喎。。。

角菜
兩個圓花盆（22cm直徑），每盆種三棵


紫背菜
長型花盆（18cmx32cm），又係種左三棵

我都有種，好粗生的，種好耐，不過一路都種來睇，未食過，原來係寶品

我都有種，好粗生的，種了好耐，生得過長剪短插泥再分棵，不過一路都種來睇，未食過，原來係寶品！