藤三七

以下係我自己種野既偏好，可能同正碓做法有出入架...不過我覺得OK囉...
今日落雨，唔出街得閒D....攪下D藤三七....

今日勁剪葉，因為家種，通風始終無田咁好，我個假天台其實似露台，有一半位係牆，仲有棚頂，所以好怕唔通風，所以我一般種野，近泥既葉都會剪左佢，以防病害。

一般藤三七，係春天開始入泥，早期會見佢無乜動靜，因為佢其實生緊根，越大既盆種，根生得越多，棵植物就會比較強壯，病害會較少，葉片亦會較建康。

到佢生定左根，就會開始生長，會開始爬，主藤盡量比低D既地方佢爬，因為將來所有藤都會向上爬。主藤拉到自己預定比佢爬既網或者棚既濶度，我就會剪左個藤尖，等佢生側芽。

一般春天種，根夠時間生長，棵野有番咁上下成熟，依家5-6月就會拼命生嫰芽，依個時候係收嫰芽食既季節。但亦要留意葉既生長，一般老葉，生得形狀唔多靚既葉我會摘左佢。而一般葉生到手掌咁大亦會採收左佢。

記得藤唔好比佢亂生，要整理下佢，生亂左咪剪走佢等佢再生過囉。交纏太多，葉片擠在一起既咪剪左佢囉。佢好粗生唔怕剪架。

施肥方面，因為花盆泥少，唔會一次施大量肥，都係施薄肥。我係會施比正常量少D既，一個月埋一次固體肥係盆度，花盆我多數用熟肥，係花墟買黑色固體肥放入泥度，順便幫花盆裡面露根既植物培番D泥。一兩個星期收一次葉，收完葉就淋番D液體肥係泥面。液肥我依家都係幾隻輪流用，之前花墟買未用晒既有機液肥、自己浸既廚餘生果酵液、花園仔老師教既水浸花生麩等等。



見到佢生芽位又有小小葉，咁大依塊葉咪可以剪走佢囉。狠心D剪，佢死唔去架。
如果想剪黎比其他人種，就成粒連大葉、小葉、結節位剪走佢(張相既全部位置)，入泥就會生根。




係戶外種，落雨淋到水，佢係藤位就會生出根黎，依個位落黎就實生喇...不過多數係較老既藤，所以我唔會剪囉。



係花盆邊生既芽位，攞黎種就GOOD喇...



落大雨將花盆D泥打晒出黎，根都露埋，等依場雨過左要補番D泥同固體肥，下次種戶外D泥唔填咁高...



種係唔露天依盆，近泥面既葉就被我剪光喇....用大D既盆，要補肥起碼都有位嘛....



五盆藤三七既葉....
其實雪櫃仲有包藤三七葉，份量同依度咁上下多，仲未食。但見今日得閒修下葉，順便追液肥囉....
藤三七葉用香草保存法，可以放超過兩星期都好新鮮，唔怕架。

香草保存法

回復 cklife 的帖子

好清楚呀，有朋友剛送了一塊根給我，落了盆快兩周了，前天見冒了葉子出來。等大些才移到大盆。

回復 cklife 的帖子

粟米生食好甜o架~~~~~~

有網友送咗3粒珠芽俾我, 放泥3天已出葉嘞, 希望快高長大啦!!!!

我都種緊藤三七，請問除咗葉之外，嗰嚿根食唔食得？

回復 cklife 的帖子

星期六去田，果度D農竟然生食藤三七.... muitau 又學佢地生食咁試下....佢話趙到後期有少少甜添...我唔敢生食...無試過...我懷疑果位生食既農友係[生機飲食]既信徒，佢種粟米都生食....有膽既可以試下要黎做沙律(試完請寫試食報告一下)...
==========================

你塊田就惦啦,果度啲農友見你種埋啲另類野好似發現新大陸咁呀
生食係有少少甘甜既咁又, 不過果晚zzz時我即刻有幾聲咳,唔知係咪生食寒得濟 ,
尋晚炒左食,唔....都係好潺, 男友話幾好食, 不過我都唔係好接受到食口水

feonnywong 發表於 2011-5-23 11:46
我都種緊藤三七，請問除咗葉之外，嗰嚿根食唔食得？

你係咪講佢的珠芽? 如是可以用來煲老火湯

muitau 發表於 2011-5-23 15:27
回復 cklife 的帖子

星期六去田，果度D農竟然生食藤三七.... muitau 又學佢地生食咁試下....佢話趙到後期 ...

你块田你邊呀？

ht333147 發表於 2011-5-23 15:42
你係咪講佢的珠芽? 如是可以用來煲老火湯

要曬乾先用黎煲老火涉架!!

kwokdicken 發表於 2011-5-23 00:07
我想我應該沒咩好東西跟你分享
因為我種的都十分普通,只有辣蕉番茄甚麼的,沒甚麼特別的東西,
而且最近死 ...

同你講笑姐！你要可同你分享

黃太 發表於 2011-5-24 16:14
同你講笑姐！你要可同你分享

哈
不過那樣拿一梳蕉拿你的分享不太好
不然我還有些種子,種子的話不知你有沒有興趣

請問樓主o係個長盆種左幾多棵呀?

田既藤三七...剪剪剪...


剪前



剪後...剪葉又剪藤



3月下苗....開始有珠芽



三七藤尖炒煙肉

cklife 發表於 2011-5-26 15:00
田既藤三七...剪剪剪...

果條藤好唔好食呀

回復 cklife 的帖子

即摘下來的粟米生食，就如同食生果一樣，好)好))好))))好)))))味架.....
反而放耐左先來生食，仲會食到成口粉添~

cklife 發表於 2011-5-26 15:00
田既藤三七...剪剪剪...

咁大棚
種左幾耐?

cklife 發表於 2011-5-22 20:13
藤三七....葉都係當菜食....平時蕃薯葉、潺菜、枸杞等等既做法都可以用係佢身上....

你棵野種未夠日子，如 ...

栗米生食好正常炸wo,唔見有咩問題,比煮左重好食

本人剛剛在種藤三七,這昰很有用的貼子!!!

星期六分享返來的藤三七今天晚上炒了來吃，好爽口，又唔覺得潺呢。不過我忘記了是誰分享的，sorry。