超新手種田求教

大家好, 如果有一塊好大既地, 想做個花圃, 我想請教各位有經驗既花友, 第一樣野應該係做D乜野先呢? 塊地而家暫時黎講都係養緊草, 未經修飾, 我想種D菜, 可以點搞好呢? 因為我真係對種田呢樣野真係乜都唔識架, 希望各方花友可以幫到我啦, 謝謝.

回復 Fong_Fong 的帖子

太好了,可以有塊田

其實有無d乜野課程可以教人點翻土架?? 好苦惱, 真係乜都唔識. 如果係用磚砌一個個四方框出黎種野都可能易d, 但係唔知點將一塊平地變成一條條既田, 唔知邊度有得學呢?

第一樣野係除草,之後翻鬆d泥土,加石灰中和酸鹼,再落d基肥,之後可以種野
新手呢講,可以種d容易管理既花,我推薦大波斯菊,幾靚,害蟲較少且可以自行散播繁殖,又耐旱,基本上唔洗點打理
菜方面,豆類係幾容易種,你可以試下,生菜果d葉菜類會較多害蟲,管理上較麻煩
另外番茄都可以試下

唔知你塊地有幾大,如果新手種植,一次過要處理一大塊田都幾辛苦,我諗你可以將d地劃分幾個區,從每一個小區開始,如上面各位所講咁做,可以種小小時令適合嘅蔬菜瓜豆開始,我諗樓主嘅成功感會大d,最緊要唔好急,慢慢來..

其實有無d圖可以參考下點樣將塊田由零開始既過程呢? 我應該點除草呢? 因為成塊地都幾多草下, 用手拔就真係手都軟呀, 我應點點翻土呢? 我見人地種野d田, 一條條凸起架喎, 我應該點樣整高佢呢?

係啦....先除草啦....落基肥啦......之後再諗種乜囉...

知道種乜先知要整咩設施幫助架......

未諗到種乜咪先堆肥囉....堆定實有用...

我建議新手種香草同野菜之類無乜虫既野....

依家....九層塔、羅勒、紫蘇....都適合.....川七都好好種....由得佢自己就生得好好....紅鳳菜聽講都幾好...我都剛插左枝....蕃薯葉都無乜虫...幾方便.....辣椒(可以食葉)唔怕曬....

地方夠可以種下木瓜樹....聽講生得幾快....青瓜、苦瓜都生得好快...容易有成功感(不過結果時要包瓜)....

回復 Fong_Fong 的帖子

http://www.seed.org.hk/chi/03_d1.htm

回復 PACO 的帖子

你好,
你個條田係咪用個鋤去刮走哂d草就得?? 刮草之後其實駛唔駛成塊地既泥都要翻起?
之後要將條田整到兩邊凹, 中間凸起, 其實係咪將d泥好似去沙灘玩泥沙咁將d沙砌起? 用手撥定係用其他工具??
另外, 加肥要加d乜野肥? 係咪好似張相入面咁, 成條田連凹位兩條坑都要淋埋呢?
你係咪都有去上你俾我機構既課程?
希望你唔好介意我咁多野問啦.

唔該哂各位前輩呀, 你地既資料真係好有用呀, 但好可惜個d course岩時間上已開班, 要等呀, 真係想快d有新既班.

回復 Fong_Fong 的帖子

http://www.producegreen.org.hk/agronomy_13.htm

你睇下依條片...佢教種蕃薯...有平地點挖成一塊塊既既步驟...你參考一下...

http://www.youtube.com/watch?v=70dH3fQL-vc&feature=related

Fong_Fong 發表於 2011-5-13 00:02
其實有無d乜野課程可以教人點翻土架?? 好苦惱, 真係乜都唔識. 如果係用磚砌一個個四方框出黎種野都可能易d, ...

這是我之前租田情況,比你參考吓!!

回復 小巫 的帖子

我諗住會留一個區係用黎整一條條田, 另一個區就好似社區苗圃咁整一個個四方框去種野呀.
其實我見好有d花友係0係屋企天台用磚整左個種野既磚盤去種野, 其實唔知係咪用磚砌完後就咁倒d培養土就得呢?
其實駛唔駛連個底都要駛埋磚呢? 定係咪需要圍個框就得呢?

回復 Fong_Fong 的帖子

你個條田係咪用個鋤去刮走哂d草就得?? 刮草之後其實駛唔駛成塊地既泥都要翻起?
係用鋤頭!我建議最好成塊整返鬆佢!因為要清雜草,草頭及大石頭,之後仲要加底肥!!

之後要將條田整到兩邊凹, 中間凸起, 其實係咪將d泥好似去沙灘玩泥沙咁將d沙砌起? 用手撥定係用其他工具??
都係用鋤頭完成!鋤頭係可以做到好多野!!

另外, 加肥要加d乜野肥? 係咪好似張相入面咁, 成條田連凹位兩條坑都要淋埋呢?
睇你之前塊地係種緊乜野囉,如果唔係太過食肥嘅作物,買豐收一號落去囉,不過最好加少少石灰落田殺吓菌先.我嗰時收田係好乾架,所以我先沉田,平時照頭淋就OK,多咗嗰D水會自然流去凹位然後吸返哂!

你係咪都有去上你俾我機構既課程?
有,不過已數年前,忘記得七七八八了.(我的田亦都是有機協會度租的(上年租),但覺得管理一般所以現已冇租了

希望你唔好介意我咁多野問啦.
唔煩,我都唔係好熟,有些地方是個人意見,不是全對,大家研究吓囉

回復 Fong_Fong 的帖子

http://jump.mingpao.com/cfm/CourseSearch3.cfm?uid=29076

回復 PACO 的帖子

多謝你咁有耐性答我咁多問題呀, 大致我都明白點樣整, 不過我都要上下堂再實習下先得.

回復 silicon 的帖子

唔該哂你呀, 你提醒左我仲有工聯會會搞呢d班.

Fong_Fong 發表於 2011-5-16 01:57
回復 silicon 的帖子

唔該哂你呀, 你提醒左我仲有工聯會會搞呢d班.

那是職工盟搞的，是再培訓課程，不用學費有津貼的