[哭]求救！多肉快死了

首先佢真係叫咩名我都唔sure
有人話係碧魚蓮但係有人又話唔係。
我係山car 啦 果度買，個呀叔同我講話叫黃花新月，上網search下都知唔係…

唔夠一個月
已經死左一棵，依家有2棵好危…一棵已經比我剪左爛根，等緊收檔…
唔知點解成盆得最大果棵一直生得肥肥的
其他果d又皺皮又開始爛
通常係由最底果d開始皺…然後枯…

聽日講唔好比咁多水佢，我已經比好少嫁喇。
有沒人有經驗可以救救我盆肉肉？

比好小即係比幾多呢???

好多時都係忍唔到手淋死架.

爛根有機會 up 爛,會唔會係介質唔疏水?

泥乾幾天後才淋水，多陽光。

我今日出街睇過，發現差唔多樣既有幾隻，有d 塊葉沒咁肥，長身少少，莖有紅色
有d莖係綠色，塊葉肥d沒咁長。

我發現都唔易種…又唔可以多水，又怕熱，香港d天氣好似唔大岩種咁…

其實一星期一次水已經好多架啦.....

我用透明盆種,所以睇到入面水氣,我屋企果D兩星期都仲有水氣

所以我都兩三星期先淋一次水,同埋聽聞開始熱要減水,你爬下舊文有講夏眠.

尼个系鹿角海棠，好似又叫鹿角姬。我试过系秋末和冬初扦插容易生根，但而家天热就可能有D难度.
你试下用透明胶袋lop住盆口，胶袋留个小口,D泥保持微微湿润，不要直晒太阳。

mcdull918 發表於 2011-5-7 02:56
比好小即係比幾多呢???

好多時都係忍唔到手淋死架.

我係一個星期左右比一次水啦。

其實我都唔知係米sure爛根，但係就係係泥上面有一段乾哂既莖。由底向上枯。

我都有種依隻喎, 今年花展既時候買, 種到家陣都冇乜問題~
水: 我7-10日先俾一次水, 我係將水倒晌盆底等佢自己吸上去, 水既份量係盆底裝得幾多就幾多
日照: 我將佢放晌公司既窗台, 每日都有幾個鐘有陽光到
泥: 我用仙人掌泥+珍珠岩

ronac 發表於 2011-5-7 22:51
我今日出街睇過，發現差唔多樣既有幾隻，有d 塊葉沒咁肥，長身少少，莖有紅色
有d莖係綠色，塊葉肥d沒咁長 ...

都係架, 多肉最怕濕同太悶熱, 所以晌公司種就最好喇, 因為長期開冷氣, 濕度較低~

需注意通风，少浇水多晒太阳，最好能露天养，颜色和植株更健康
夏天需适度遮阳，少浇水，通风

比你睇下我果隻, 我都唔知同你果隻同唔同... 比我愈種愈高, 好明顯唔夠光...