我的小白兔

舊年10月買返黎既時候係咁:


舊年12月湖澎湃得好緊要架:


今年5月(岩岩影)就變成咁, 有d葉枯左, 同埋多左d枯兔... 有冇高人可以指點下:

高濕,換大左就再加多d

溫度如何？熱＋濕會枯～

個盆我一返黎已經換左架喇~
温度都係25度左右, 因為係晌公司種的, 所以長期嘆冷氣

生得太密
搣D出黎再種過la 平均放 留空間比佢地擴展
換泥1 take過

有無換過植料? 你之前種得咁好, 即環境無問題. 換植料啦.

無換過植料呀, 咁係咪用水洗甩晒d舊泥再插返入d新泥度? 我未試過換泥架, 之前係加泥咋...

patrickn 發表於 2011-5-12 01:37
我的做法係: 先準備一盆新植料 (例如, 水苔底加泥炭土鋪面), 之後用小夾/細鉗, meet 少少葉連根插入新盆.  ...

大師兄出動了~又學到野啦~THANK YOU!!!!!

我的做法係: 先準備一盆新植料 (例如, 水苔底加泥炭土鋪面), 之後用小夾/細鉗, meet 少少葉連根插入新盆. 盆開d插幾度. 等佢慢慢生返. 咁係最靚. 記住, 舊個盆唔好掉住, 等見到盆有新葉, 開始生長先掉左盆舊的.

如果唔想等咁耐同想簡單d, 就成盆起出黎, 連泥meet去四分三. 再將剩下的四之一放返落盆中間, 在周圍加新泥. 等新根爬出去生.

回復 patrickn 的帖子

唔該晒大師兄, 咁我洗唔洗將佢一盆分兩盆, 定係只換植料呢?

分定係換, 全睇你要唔要一盆變兩盆, 定一盆變一盆

dachjoey 發表於 2011-5-12 01:39
大師兄出動了~又學到野啦~THANK YOU!!!!!

見笑啦. 分享下經驗, 等多d人可以得到種食蟲植物的樂趣啫.

patrickn 發表於 2011-5-13 00:05
分定係換, 全睇你要唔要一盆變兩盆, 定一盆變一盆

我都係一盆變一盆算喇, 公司個窗台爆晒喇...
唔該晒大c兄!!

回復 patrickn 的帖子

大c兄救命呀!
我今日本來打算同小白兔搬屋, 點知佢d根密成咁~

我都唔知應該點起佢出黎, 用夾夾出黎依個方法睇黎唔可行... 我都唔知應該點搞 , 同埋我諗真係要分一半出黎賣先得, 佢d根好澎湃!!

chambee 發表於 2011-5-16 14:01
回復 patrickn 的帖子

大c兄救命呀!

真係好大盆呀!!!!!!!!!!

又唔洗叫救命. d根生得咁好, 咪即係你種得佢好囉. 你讚下自己先啦.

你可以成舊起佢出黎, 之後當佢蛋糕咁切. 連泥帶根直切, 由泥面切到泥底, 切斷根都無問題. 我建議你切六件. 打橫一刀, 打棟兩刀. 之後放返件入盆, 四周圍加返d新泥. 搞掂!! 再之後, 就係等佢生出去d新泥度.

用胶剪剪都得.


你都係快少少動手, 見d葉都枯得唔少.

回復 dachjoey 的帖子

唔係架, 我都種瓜過野架~ 不過吸收教訓加上公司環境岩佢地生長, 先可以咁健康咋~

chambee 發表於 2011-5-18 14:50
回復 dachjoey 的帖子

我都係初哥咋, 唔敢教人... 不過唔洗怕, 依樹有好多高人, 實有一個幫到你 (例如: 大 ...

Haha...咁又係!!!!

回復 dachjoey 的帖子

好彩我老世唔多理, 同埋果個位都比較鬼鼠, 種左佢都未必知
之前我仲有種豬籠仔, 我仲以為係迷你種, 點知又係愈種愈大, d籠本來得1/3隻手指尾咁長, 變左成隻手指尾咁長, 之後俾左個住村屋既朋友種, 早排去探佢, d籠有半隻手掌咁長呀!

chambee 發表於 2011-5-18 14:41
我都想呀, 果個位係file櫃側既窗台邊咋~

我唔可以響公司種野,因為冇陽光,兼老細好信風水...廢事公司生意唔好賴我 :p