多肉小窗台...求救~~~

各位好呀~ 睇見大家種得好靚,前兩日買左兩小盆栽做新手~我屋細,放左佢地o係窗台仔旁邊,從此小窗台就係佢地兩個o既天地啦~

大和錦


另一圓碌碌唔知咩名,有無前輩話我知佢叫咩名?

恭喜你中肉毒

佢地好可愛架,遲d你就會好好善用你既窗台越放越多,哈哈~

日日起身都睇下佢地,真係甘願中毒啊
我相信會~遲下可能又多兩盆囉

救命我剛剛發現圓碌碌有好多小黑點,立體的~係咪蟲蟲黎架? 而且重有一兩個地方啡左,應該點醫???

你講既黑點睇唔到,唔知係咪蟲.

我自己就返黎既植物所有都會即換泥換盆,之後再噴噴 bio-kill 以防萬一.

啡左既地方如果好小唔洗理佢,健康既植株會好似人既傷口咁自己好返架,不過一段時間冇咁令有一忽斑囉.

你係咪冇同佢地換泥呢? 花店多數用科學泥種佢地,仲要可能 n 年冇換過......我試過有次懶,過左兩日先換,一甩盆 d 泥濕到呢......即係幾日前淋水幾日都未乾......好彩冇 up 爛根咋......

果次之後我唔敢懶,幾累都換左先再格離幾日......而且仲可以防止蟲蟲入侵你其他植物.

mcdull918 發表於 2011-5-6 21:15
你講既黑點睇唔到,唔知係咪蟲.

我自己就返黎既植物所有都會即換泥換盆,之後再噴噴 bio-kill 以防萬一.

d黑點太細粒,我影左好多張都對唔倒焦......
我真係無同佢地換泥啊, 花墟買佢地返來時怕重, 於是決定家附近買~點知無仙人掌泥~然後就諗住遲d出去買......(>_<|||)原來要即刻換...

真係新手果然要學多d, 多謝你的經驗分享呀,好詳細o既解答!無咁靚都好, 養健康就好高興lu

其實我都係新手,種左野冇耐咋.....大家研究下

換泥同格離係必須,因為唔知佢上手咩泥,二來怕泥入面有蟲麻.好彩佢有贈品就野埋花架上其他植物架啦

細粒黑點應該唔怕既,有時可能係水斑,即係濕左冇即時乾,佢UP到黑左囉,唔係爛心就唔怕架啦,黑斑肉酸D比時間佢慢慢退.

加油吧~