~悼~1隻街貓在痛苦中離去

呢個幾星期有2件事令我又喜又悲, 一件係先前講過有隻貓女大肚, 同佢造咗墮胎+絕育, 手術好成功, 宜家正在休養中.  另1件事同樣發生喺呢個時候, 佢係1隻未夠1歲嘅貓仔, 好可愛活潑, 當佢細細個(我估計2個月大左右)就由貓女帶佢嚟我家搵食, 每晚都好似行"孖必"咁見到我開開心心跑嚟喵喵叫咁等食.  佢哋好關照大家, 邊個知道開餐就會返去叫對方嚟食嘢.

就喺我準備捉貓女前1-2晚已發覺唔見貓仔嚟食嘢, 當捉到貓女嗰晚就聽見有貓貓發出嗚嗚聲嘅哀鳴叫聲, 之後幾日都有聽見但睇唔真個樣, 後嚟睇清楚知係貓仔嗚嗚聲仲以為佢俾大貓打傷或係掛住貓女所以嗚嗚喊, 但佢始終唔俾我接近, 等我睇真d佢有咩傷, 直到24号終於可以摸到身體, 發覺身體有俾膠水黏住, d毛乾硬硬咁, 眼睛成眼淚水又有眼膠, 最嚴重係個咀不停有少少血流出, 初時搵唔到傷口位置, 後來估計係佢俾膠黏住手腳想用口解脫, 點知連下顎(或上顎)都扯破至留血不停.  之後用止血散幫佢止住血, 幫佢清潔眼睛, 但身體d膠抹不去, 同時間聯絡獸醫診所約時間.  不過, 佢捱唔到見醫生就喺25号下午1-3點期間安靜咁在痛苦中離去.

睇番呢個多星期佢係點渡過, 以往佢只會晚間嚟搵食, 出事後佢日夜都留喺處搵個地方休息.  一身膠水再加上口部受損令佢食唔到嘢, 多次見佢嗅吓乾糧就行開, 我有試俾細粒bb糧同罐頭糧佢都冇想食意慾.  水~佢又哄埋水兜發吽豆良久, 有時就咁瞓喺水兜旁邊, 我用針筒俾佢都吞唔到.  貓仔就係咁樣痛苦中死去.

雖然唔係養入屋, 但都係我餵養佢大, 見到咁樣我都好心痛, 喊咗好多次.  唔鍾意貓可以用好多方法趕走佢, 如用水噴佢已可嚇走, 點解d人用d咁殘忍方法去對付貓.  (估佢用黏老鼠膠)

想請呢個壇住喺元朗某大型平房屋屋院留意,  呢個唔係單1事件, 同鄰居講起, 佢隻自由出入貓都有受傷後返家, 又有1隻街貓本係4肢健全, 後來少咗1隻腳.  好可怕.  希望屋院住戶當發覺有事發生請通知管理處, 只有多人發聲佢哋先會注視.

文字太多, 請見諒.

我本身好鍾意猫狗,但環境唔許可,每次知道有d咁嘅新聞都好心痈,d人一d愛心都冇

金盞花 發表於 2011-4-26 12:26
呢個幾星期有2件事令我又喜又悲, 一件係先前講過有隻貓女大肚, 同佢造咗墮胎+絕育, 手術好成功, 宜家正在休 ...

係唔係人黎架

RIP...

就算唔鐘意佢地都唔可以咁對待生命!d人真係兇殘!

做流浪貓已經很可憐,點解d人連少少生存空間都唔可以比佢地!

我都唔鍾意流浪貓，不過有佢，我屋企就無老鼠
只好放佢地一馬

睇完好傷心, 小朋友好多都好命苦, 唔要求大家愛佢地, 但最少請唔好傷害佢地

貓仔, 去到彩虹橋你會幸福架啦~

好多謝大家睇完呢件事再給我回應, 我身邊只有1個養貓朋友可俾我傾訴, 講出嚟係想俾多d人知, 同時間吐吓苦水,  將件事幫我傳開去, 好等管理處正視呢個事件.

我隔離屋成日去捉流浪貓返黎做絕育，然後放返去原地，
有時我見D貓真係好慘，比人整到斷手斷腳咁，
唉...都唔明D人點解要咁做

岩岩打打吓字，隔離屋條友又話早兩日捉到既流浪貓，生咗三隻B

呀雞老豆 發表於 2011-4-26 23:40
我隔離屋成日去捉流浪貓返黎做絕育，然後放返去原地，
有時我見D貓真係好慘，比人整到斷手斷腳咁，
唉...都 ...

點解宜家d人咁可怕
好彩又有d人可以幫吓d弱小貓貓, 可惜係有d人容不下佢哋存在.

都5明d人點解可以好似冷血既咁,,可以咁狠心

你可以唔鍾意佢, 但唔可以傷害佢,
點解 d 人 連咁簡單 ge 道理都唔明,
真係好心痛呀!!

that's really a sad news.
the people are so bad lor - -
why can they treat the animals so bad.

呢件事發生後, 平日鍾意响我屋企出入嗰2隻有人養嘅家貓冇再出現, 佢哋好鍾意偷食d街貓糧, 我宜家專登放喺處都仲有剩, 另一隻嚟街貓又唔見咗.  點解一夜間唔再出現?  好恐怖~~~

宜家只可以做嘅事係同呢條街有養貓嘅人知會聲發生咗件事, 原來佢哋都知道以往有發生過毒貓事件.  咁恐怖叫我點可以放番正在休養貓返原居地, 希望可以幫佢搵個家.

傷害貓貓 ga 人, 遲早俾架車車死~無好下場~

青蛙媽媽 發表於 2011-5-9 07:41
傷害貓貓 ga 人, 遲早俾架車車死~無好下場~

你都夠惡+毒~~~不過我喜歡
有隻街貓呢排嚟番食嘢啦! 另一隻貓女宜家喺屋企休養完畢, 打算養住等吓有冇人領養, 實在唔敢放番出去.

金盞花 發表於 2011-5-9 11:33
你都夠惡+毒~~~不過我喜歡
有隻街貓呢排嚟番食嘢啦! 另一隻貓女宜家喺屋企休養完畢, 打算養住等吓有冇 ...

你個度肯定有一D唔鐘意貓GE人, 佢地會再有下一次對貓貓不利~

青蛙媽媽 發表於 2011-5-9 13:21
你個度肯定有一D唔鐘意貓GE人, 佢地會再有下一次對貓貓不利~

係呀! 因為佢已經得逞, 唔會再有貓去佢處, 但日子耐咗, 有d貓踏足佢地盤, 呢個人必定用番同樣手法去趕絕佢哋