花生麩能夠做有氧發酵嗎

網上邊搵既資料都係話將花生麩+水以1:15比例放置緊閉既環境做厭氧發酵, 時間由2至12個月不等
間中仲要打開放氣, 以我所知, 厭氧發酵比起有氧發酵需要更加多既時間,
得出左一個問題, 到底, 我可唔可以將花生麩做有氧發酵, 臭味我有方法可以解決,
花生麩一直唔做有氧發酵係因為臭味問題?定係花生麩唔可以做帶氧發酵???

希望有人可以解答到, thx

花生麩應該可以做有氧發酵架.....
人地都係就咁灑萿田等佢溶(會有螞蟻偷食)，或者埋落泥度得佢發酵...
花園仔老師個帖都有教花生麩加埋、骨粉、紅牛等等既肥，放落泥做基肥....咪即係有氧發酵囉...

如果用花盆種野，泥可以預先吽定....泥、肥料(包括包花生麩)，放埋一邊吽到肥料溶左見唔到，植物換盆時就可以將依D肥泥滲入去用。

等我試下打氣落花生麩水到睇下佢幾耐先可以完全分解先

回復 comet_fish 的帖子

你打算用氣泵打氣入去? 請問用點樣可以消除臭味???

giant 發表於 2011-4-17 14:44
回復 comet_fish 的帖子

你打算用氣泵打氣入去? 請問用點樣可以消除臭味???

咁就要做個工具幫手, 臭味一定消除唔到, 唔臭就唔係花生麩啦:p
只不過可以將臭味轉移到唔影響到人既地方, 聽日試下先

回復 comet_fish 的帖子

認真耐人尋味!

gender 發表於 2011-4-17 22:46
I am using 花生麩 as fertalizer too, it doesn't smell lor.... Actually it smell just like peanut but ...

拎黎浸水你就知

有氧發酵我無意中試驗緊，原先密封的蓋比人打開左，生滿蛆蟲令我唔敢攪佢，由得佢開住蓋，成4個月，我離遠睇佢無野响入面郁，尋日近距離去睇下佢，見到樽邊生滿虫蛋，揾條棍攪下，原來仲有好多細細條虫仔响入要。得出既個人結論係：

有氧浸花生麩水係會生虫生虫再生虫。

下星期去密封佢一個月，到時希望可以用。

點評

faylo
但糸你祇要吾俾d虫走出黎,d虫最後也成了肥料...hehe  發表於 3 分鐘前
m36252
有氧發酵, 你都要蓋好, 唔好比蚊蟲走到入去生蛋. 而無氧發酵, 係唔可以有空氣嚮容器內. e+大多數人,其實做緊有氧發酵.臭既.  發表於 5 分鐘前

多謝兩位師兄點評

虫响麩水入要好食好住，根本無爬出唻既慾望，反而我思考緊，係咪可以不理虫的死活，直接搆水淋落菜菜上，趁大太陽，曬Q死佢，得唔得呢，還是都係缺氧佢一排摳死虫先淋菜好D呢？

yukyo
有蟲你蓋番個蓋就可以焗死蟲蟲同蛋蛋，我吽骨粉都試過。  發表於 3 小時前
m36252
嚮麩水入面既蟲,1)未必係要有水先可以生存.2)除非你塊田好干,同好猛太陽,否則,個田濕濕地,同咁多菜葉庶陽光,對佢地,未必有作用.  發表於 5 小時前
謝謝回覆

我都係蓋住佢，等虫死哂先淋菜，有虫曾經响菜葉面典唻典去，好難過到心理關口食佢落肚。

有氧發酵 (堆肥) 最起碼兩個條件：
1) 碳氮比 (要點做? Google 有好多資料)
2) 有足夠空氣接觸，即係唔好俾佢滴得水出咁濕，定時去翻吓佢，俾啲空氣走入去

Sorry, 呢個帖講的完全唔係呢回事！

孖吉 發表於 2013-11-25 16:44
有氧發酵 (堆肥) 最起碼兩個條件：
1) 碳氮比 (要點做? Google 有好多資料)
2) 有足夠空氣接觸，即係唔好俾 ...

噢，我又走錯方向嗱〜-_-#

真係想死，種左9個月野，發覺自己種田好底能，翻田又唔識，堆肥又唔識，種菜又未淹先酸，摳麩水又出虫，網上資料多到唔想睇，所以偷懶唻forum 問，師兄請莫見怪。

Maximum 發表於 2013-11-25 18:02
噢，我又走錯方向嗱〜-_-#

真係想死，種左9個月野，發覺自己種田好底能，翻田又唔識，堆肥又唔識，種 ...

唔好咁講，種嘢係開心事，唔好搞到自己咁 up set。你有冇同朋友一齊種田呀？一人計短二人計長，又可以交換心得，又可以分工合作，例如話一個研究翻泥，一個研究品種，一個研究堆肥 ... 其他人只要跟就得，又開心！

如果你要做有氧發酵肥液，一定要阻隔到小昆蟲爬入產卵，要不然一定會生好多蟲。
我都吾識架，賊仔試沙煲，做了兩桶，發酵了剛剛四個月，昨天用左第一次效果如何未知。至於味道問題，比厭氧發酵差得很遠。初期有些酒香味，後來也只有少許酸味。若是有強酸惡臭則應該是發酵失敗了。可以參考一下以下連結：http://tw01.org/group/newjjoin/f ... -fei-diy-da-jia-lai

孖吉 發表於 2013-11-25 18:45
唔好咁講，種嘢係開心事，唔好搞到自己咁 up set。你有冇同朋友一齊種田呀？一人計短二人計長，又可以交 ...

一個人種田咋。

隔離田係真正既農夫，會用農藥，用化肥，草水。佢地種菜賣比菜販，會笑我無事揾事做，幾蚊都買到菜食，使乜咁辛苦鋤地種，搭車錢又仲貴過買菜，而我培苗都不知有幾多亡魂，堆肥又多虫，夏天又多草，又要返工，上星期望住一大桶虫麩糊仔，又問自己攪咩都種左咁耐都無咩收成，一味除草，鋤地。

不過，我都會繼續種，鋤泥當減壓。上兩個月開始鋤地翻土時，鋤完地第二日周身脫節，酸痛到不得了，但反而令我容易面對虛假嘴臉既同事，真係痛快。哈哈

唔講啦！又努力爬文又努力堆！

多謝兩位問候。我會慢慢唻種，我預算比三年時間實踐學習，過左3分1啫。算好架啦。我的田是農夫朋友比幾勒田我玩，是朋友私家地，不便探訪。