求救- D泥出左咩事?

買左包培養土種野. 加左堆肥同有機甲肥做基肥, 移左D已經開始結果既士多啤梨落去, 用膠枱布舖左泥面. 再係邊邊唔舖膠枱布就咁培苗(豆角).

士多啤梨D葉變乾同黃, D果唔大就變紅, 慢慢1個月內死晒. D種子就有發芽.

唔知係米換盤換得唔好又唔知係唔係唔夠肥,  唸住掉左佢.  打開個膠枱布掉既時候入面好多一隻隻似蚊滋既野. D泥有D好似結晶體既野係面. 我就再加左D菜肥, 撈撈D泥將D豆角移苗種好D.

而家一個禮拜, 又好似就快死咁. 有冇人知咩事呢? 會唔會係D泥個D似結晶體既野? 太多肥? D泥有虫/菌? 點算???~~~

你點落肥法呀？落咗幾多呢？我覺得有機會係過肥醃死啵~

有冇人可以教下我呀？唔該！

撈落泥，個盤70*15cm,第一次落堆肥時落左半磅左右，再加左小半磅甲肥。多唔多？

D泥而家好似起鹽粒咁（第一次種士多啤梨中途已係咁），肥多係唔係會咁架？係唔係撈多d泥溝淡d？
好多一隻隻蚊滋仔，會唔會之前包左膠袋"牛＂左菌？

之前種士多啤梨用，轉左豆角苗就冇包，不過都係起左d鹽咁既野，蚊滋依舊，苗已經死晒，唔敢再培苗住，都唔知點好

mrscheung 發表於 2011-4-11 17:07
撈落泥，個盤70*15cm,第一次落堆肥時落左半磅左右，再加左小半磅甲肥。多唔多？

D泥而家好似起鹽粒咁（第 ...

因為沒有說明用的是什麼有機肥，所以我以海鳥肥來計算：

一般海鳥肥的使用量 = 1 metric ton per acre
　　　　　　　　　 = 0.2 kg per sq. m

你的使用量是 0.22 kg per 0.1 sq. m，是一般用量的 11 倍

而你發現的結晶應該是鉀肥的結晶，亦是過肥的現象。其實外國的黑色培養土亦已加肥料，所以第一次使用可以不下肥(或只下少少鉀肥)，只要長大後再追肥便可。

相信你現在可以做的只有換泥，留起現在的肥泥日後溝淡使用。

(另：蚊滋是因為有機肥過多造成，並非蚊滋或細菌整死你的種物)

士多啤梨比較困難種，
試種其他先啦！

一於種生菜先啦！
容易d架‥‥‥‥

個包有機鉀肥係d壙物，真係發雞盲，原來包裝上面有寫30-70克／平方米。我落左成十倍！

D士多啤梨本來已經開始結果，三棵加埋有十幾粒，怕佢酸黎換盤加肥,c得好慘呀＞＜：
豆角苗又c埋~~

而家再去買泥，再請教下，其實買培養土定買靚土好呢？

mrscheung 發表於 2011-4-11 23:16
個包有機鉀肥係d壙物，真係發雞盲，原來包裝上面有寫30-70克／平方米。我落左成十倍！

D士多啤梨本來已經 ...

唔好意思，泥呢樣嘢唔係我專長，每種泥都各有特性，而且為咗配合不同作物，用之前都會按需要溝一些 砂/泥/堆肥 之類，未必會單一使用。通常用開某種泥，知到特性之後都好少會轉。我諗其他版友經驗多d 。

好肯定係太多肥啦,下次唔急o既話,落完肥淋下水,過幾日先種o野落去啦,另外,如果你唔係o係大田種,唔駛落膜啦......
要配合埋用滴灌的,同埋一般農用o既地膜係黑色,用料多數係LDPE,唔知你用咩膠枱布,可能物料唔arm都唔出奇

唔該嗮各位！！會努力再買泥種過！