天台好或花園好?

如果有一天, 我住在村屋/獨立屋...想有機耕種, 地下連花園好? 3樓連天台好?  原因?

我都想知呀~
大家不如俾吓意見吖~

如果你打算用盆種, 咁天台同地下都冇咩分別... 如果地下花園可以落地種就當然揀地下啦, 而且可以種埋果樹....

不過我覺得最重要係睇吓有冇太陽照到...

地下連花園好,一大早起來推開門就可以欣賞到所有植物

天台好~
地下好可能照唔到太陽

種野落地，
一定好Ｄ

天台好, 地下好似冇咁安全....驚有蛇....或會...有人偷你辛辛苦苦種嘅農作物!!!!!!

如果只計種植, 我都覺得花園好D,
但係有花園即係住地下果層啦.....
咁你要有好多心理準備啦......
成日要通渠啦, 有各種爬來客人啦,
落大雨會水浸啦, 成日聽到有人係你身邊講野啦...
唔可以成日開窗啦.... 最重要係小偷光顧(唔係光顧你D農作物喎-.-)...
等等...

我覺得睇下你要種的乜野先 如果係種瓜瓜菜菜果果
我就覺得天台好過花園 因為天台 斷估都應該係全日照 而農作物 通常都係全日照
而種農作物 係 花園都有優點 就係如果 你想種係地上面 就一定係花園先可以種係地啦

但係如果實際的諗 我假設你係租/買新界個的丁屋 住既話 ( 即係話唔係真係買間價值幾億既獨立屋去住 )
個考慮又唔同
因為通常只會買/租一層既單位去住

通常連天台個層頂樓係夏天會曬到好熱
熱到開冷氣都頂唔順 ( 電費超貴唔使講 -0- )
落雨 亦都好可能 滲水 而且 亦都可能唔落雨都滲水 .....
而且 滲水問題 好多時唔係肯比錢整 就整得好

而最底個層既問題 上面的大大都提過 O,O
日照問題 保安問題 蟲鼠滋生問題 ( 雖然老鼠真係會爬牆 不過肯定地下問題會比3樓大 )

雖然我把口係咁講 其實我都好想整個有天台既單位 種花 熱死無怨呀

花之美子 發表於 2011-4-5 22:44
天台好, 地下好似冇咁安全....驚有蛇....或會...有人偷你辛辛苦苦種嘅農作物!!!!!! ...

我以前住地下GA! 係屋企門前種野, 自加左欄柵, 都有人可以偷到你的野, 仲要偷左四次野,

天台 只有你屋企人先上到去, 仲可以BBQ~

花園, 最好有高高圍牆~

我覺得地下方便D，天台要上多層！因我成日唔記得帶野又要行多轉

投天台 1 票~~  私隱度高d~ 地下好似住係條街咁，聽到人講野~~

不過養高危車1流~睇住架車~~唔驚俾偷~~

地下連花園好d, 頂樓夏天可能會好熱, 而且住地下種野唔駛行樓梯嘛

花園 可以大過700呎；天台，冇啦。
揀有管理地方，治安唔會差，車泊門口果d仲唔洗行，爽呀。<--我度唔係。
養狗的話，有花園跑吓開心d
地下咪一樣可以bbq，仲唔洗拎嚟拎去上上落落d嘢。尤其女仔，擔泥、大盆、剪呀剷呀幾辛苦，係可以响上面整間組合屋擺，不過又冇咗一截位喇。天台全日照，咁都你想遮陰咪又要整個頂俾佢，僭建硬，地下整9吋內收得埋蓬唔算僭建，唔會俾人告，賣樓唔怕俾人撻訂。<-- 離曬題tim
唔洗行樓梯，一眼睇曬d花花蝴蝶蜜蜂，不過種農業植物就冇所謂啦，但天台種倒幾多棵果樹呢？淨係棵荔枝我都種到去二樓。可惜……點解……佢冇果o既呢？
小強老鼠果d，全屋裝蚊網就冇有怕啦，靜唔靜其實好睇地區，不過屋呢d嘢，住落至知。

不過懶人如我，都係會揀地下。

天台分子！
少D蛇蟲鼠蟻蜈蚣，又吾怕個個行過望入屋～
當然，種果樹要用盆，無用地咁好，但種花花草草蔬果都OK GA！

如果兩邊都陽光充足
花園會比較好, 始終植物落地會好d,
不過以人住宿角度出發, 住高d會好d 囉 ~~

回復 青蛙媽媽 的帖子

嘩! 嘜 d 人真係咁冇品, 重要偷四次咁多!!! 都話天台好 la....

錦田近地鐵/巴士站, 有沒有屋苑式管理, 地下花園大過間屋? 向南是否好D? 不用時不時有吸糞車來吸糞?

我都比較 喜歡天台

thank you