倉鼠(肥美)

原帖由 donaldleung 於 2008-6-16 22:52 發表
哈哈,我都覺得佢痴肥...
冇計啦,佢又唔成日做運動!
但唔知大家覺唔覺得倉鼠冇野食一陣會縮左水咁?!
大家得閒post d相上黎分享下ar!

我覺得佢地好似識節食咁囉
因為日日都係俾咁多野佢地食
但係有時佢地會無啦啦瘦一排
都幾羨慕佢地想肥就肥,想瘦就瘦

d bb細細隻岩岩開眼果陣得手指公咁大隻嫁詐
勁得意，不過俾佢地生過一次之後都唔敢lu
因為冇咁多地方養
同埋呀媽好唔滿意...

我覺得養鼠鼠果陣真係會上癮
好想越養越多嫁
不過我d鼠鼠依家都走哂lu
因為呀媽既關係亦都無再養
不過果時真係好開心

養過好多隻品種
覺得小銀狐係最溫馴同最得意既
男仔冇女仔咁惡嫁
除左岩岩買返黎果陣
我無論點舞佢(小豬)佢都唔會咬我嫁
好掛住佢地...

嘩! d鼠bb好得意呀!細細粒,他們很溫馨呢!
但我呀媽唔比我養一男一女,因為一生就生好多,唔知點好!
你隻小豬都好靚呀!佢咁好唔咬你ge,
我果隻就咩都咬!比佢咬到仲好痛
咁你有冇諗過遲d再養鼠/其他動物??

係呀
佢地好得意嫁
有時會聽到佢地細細聲咁叫媽媽
又會反轉個肚訓係度食野 <--好懶

女仔係會惡d,佢地既地盤意識重d
初時小豬就成日俾佢老婆(拖鞋)蝦嫁啦
拖鞋會搶佢d野食
佢就會好驚咁反肚
等佢老婆行遠左先敢反返轉個身嫁
不過後尾就冇野lu
仲埋仔tim

其實d bb得意就得意
(果胎生左5隻)
但係佢地大個仔有地盤意識就會係度打架嫁啦
如果養唔黎又要俾人領養真係會好唔開心
加上佢地大得好快開左眼之後冇耐就同爸爸媽媽一樣咁大嫁啦
所以細粒既時間其實唔多

我果時都好後悔呀
人地話媽媽生左bb會短命d嫁
本黎諗住買多隻等小豬有伴
點知害左拖鞋...
後尾唔想佢地再生
始終都係要分開,,,
所以我都係建議一隻夠曬數

果時我養隻女仔都有咬過我
真係好痛,仲咬到我流血
你下次試下放隻手係佢旁邊等一陣先掂佢睇下會唔會好d
因為無啦啦掂佢,佢可能嚇親咪咬你囉

短期內都唔會再養lu
都可能要等到第時自己搬左出黎先會諗
依家冇咩時間照顧佢地
自己又未有經濟能力
同埋我呀媽係超級潔癖怪黎嫁
廢事佢唔高興啦

哈哈,係呀,有時養一隻就覺得佢好孤獨!
兩隻唔同性就會生好多bb...兩隻同性就會打交..........
所以我都覺得養一隻好d!
小豬同拖鞋好似兩粒雪米糍,好得意!!

咁你遲d先再養啦,覺得被你養ge動物好幸福~

原帖由 donaldleung 於 2008-6-16 22:52 發表
哈哈,我都覺得佢痴肥...
冇計啦,佢又唔成日做運動!
但唔知大家覺唔覺得倉鼠冇野食一陣會縮左水咁?!
大家得閒post d相上黎分享下ar!

肥就會唔想做運動 @@||||
你可以try下多d同佢玩

又或者平時唔餵, 要玩完先餵

原帖由 donaldleung 於 2008-6-17 17:49 發表
哈哈,係呀,有時養一隻就覺得佢好孤獨!
兩隻唔同性就會生好多bb...兩隻同性就會打交..........
所以我都覺得養一隻好d!
小豬同拖鞋好似兩粒雪米糍,好得意!!

咁你遲d先再養啦,覺得被你養ge動物好幸福~ ...

多謝你讚佢地呀^^
依家我會諗我地同佢玩多d咪唔會咁孤獨囉
養得多果陣又會偏心
對其他好似好唔公平咁
唔知我再養既時候你仲會唔會養緊呢

同佢地玩多d就應該幾有用
但係佢地無狗狗咁叻...
應該唔識咩野係玩完先餵嫁喎...
同埋佢地有個頰囊可以收埋d野食嫁
所以都幾難實行...

如果真係想佢冇咁肥可以係飲食方面著手
1.唔好以瓜子做佢地既主食
  (因並熱量高,而且成份一半都係脂肪黎嫁,食得多都仲好可能會生蒼嫁)
2.正常每日淨係餵一餐就夠嫁啦,唔好太多
  (佢地體重既5-10%,你隻鼠鼠每日5g就夠嫁啦)
3.等佢地食完頰囊入面d野先好加糧
   如果唔係佢地都可能會偏食同食過量嫁

係喎
你有冇買過可以放鼠鼠入去果種波?
我果時諗住咁樣佢地可以四周行下
唔使成日困係個籠度
點知小豬搵左個位固定左個波
係入面訓覺....
仲試過唔知點撞鬆左個蓋自己走左出黎

唔,你講得好岩,只要同佢玩多d,佢就唔會咁孤獨la~
哈哈,我也想你再養ge時候我仲養緊,不過倉鼠命短..

我會照你ge方法餵鼠鼠食野^^希望健康d~
我冇買過果d波ar.係唔係一般倉鼠店都有?

原帖由 donaldleung 於 2008-6-18 11:40 發表
唔,你講得好岩,只要同佢玩多d,佢就唔會咁孤獨la~
哈哈,我也想你再養ge時候我仲養緊,不過倉鼠命短..

我會照你ge方法餵鼠鼠食野^^希望健康d~
我冇買過果d波ar.係唔係一般倉鼠店都有? ...

我果時d鼠鼠養唔夠3年就走左啦....
我覺得最好唔好餵佢地食瓜子
瓜子間唔中餵就好啦
因為我果時其中有一隻鼠鼠因為d糧太多瓜子
可能食得多啦,生左倉...見到佢都覺得佢好慘....
Prestige既糧最健康,同埋又香,佢地好鍾意食
(將所有瓜子花生揀哂出黎,每日 2-3 粒瓜子, 花生就每個星期至俾0.5-1粒)
但係成日都會冇貨,所以唔係咁易買到俾倉鼠既
其實可以買俾金毛鼠果隻代替都得
佢地其實成份一樣,只係俾金毛鼠果d糧大舊d姐

越養就會覺得原來養鼠鼠都有好多學問嫁
開頭以為冬天俾棉花佢地好好啦
但係原來棉花可能會纏住佢地嫁
所以要撕到d廚房紙巾一條條俾佢地保暖
夏天又要散熱板喎



d波波係咁既樣嫁
擰開上面果個蓋放佢地入去再蓋返好佢地就可以周圍去嫁啦
不過d蓋好易鬆出黎,用膠紙痴實會好d
應該一般倉鼠店都有嫁啦
我仲係旺角金魚街果邊d寵物店見過有大既size俾龍貓玩,好搞笑
你係唔係想買呀?
因為我好似仲有留低d野係我麻麻度
不過我唔肯定有冇留低波波
如果你想要我可以俾你
但係唔肯定有冇留低要等到7月中我至得閒去佢果度睇
同埋係用過嫁喎
你要唔要丫?

瓜子<--雖然倉鼠好鍾意食,但真係唔好比咁多!
e隻糧我未試過ar,下次買黎試下先
但係完來要撕d廚房紙巾俾佢地保暖 我以往都係比棉花佢~
你唔講都唔知tim

多謝你呀,但係個波波我都係唔要住la,因為完來我個朋友都有,
我諗住問佢借黎用下先~ 同埋你遲d養都要ma

原帖由 舞台皇者 於 27-3-2008 16:22 發表
真係好肥美喎... 睇佢真係唔似歲半喎, 仲好似十八廿二    

不過以我都養過幾次既經驗, 都好難養到三年個喎...兩年度就....

我都養過3 次... 通常都係 2.5 年多d d就.....
我覺得只要佢健康就會長命d ga la....
比佢食多d dry 的蔬果 ^^
同埋佢乖ga 話都會長命d ga

呀！都好多日無時間睇啦！
嘩！多謝你提供嘅資料！
冬天時，我都係比棉花啲倉鼠，宜家知道唔好，下次記得比廚房紙啦！
之前見到啲鼠鼠好似好鐘意葵花子，所以一個月前，特登去買了一大包，宜家睇到你嘅資料後，又要再買過啲糧啦！

mingming

肥肥白白真係好鬼得意呀 , 可惜養唔得太耐.  我上次養個d屎咗之後都唔敢再養, 怕傷感

小孩子，

請問重有無鼠鼠的糧呀！？
我囝囝曾經見過啲波波，但係找不到！
可唔可以比我呀！等啲鼠鼠無甘悶啦！
唔好意思呀！唔該哂！麻煩哂！？


mingming

無鼠糧嚕
因為我最後一隻鼠死果陣已經係差唔多年幾前既時嚕
果時就有淨
仲有好多小食tim
但係我送哂比同有養鼠鼠既朋友仔嚕
因為野食我唔可能keep咁耐嫁ma

至於波波,可以比你呀
但係我唔肯定係咪keep左係我麻麻度啦
所以唔一定有
要等我下次過去我麻麻果邊先可以睇下有冇
到時我再pm你睇下點啦^^

小孩子，

多謝你的回覆呀！至於重有無波波，我等你啦！
OK!

mingming