花店買的玫瑰花可以用黎插枝嗎？

有想過去花店買束大種玫瑰返黎
剪下邊果截用黎插枝   唔知得唔得呢？嫁接又可以嗎？
ching們有冇試過   並成功過？
=D

我都試過將街買一束束的大花玫瑰(好似係香槟金) 插枝, 果次插左好多枝, 竟有一枝成功, 仲開埋花, 但D花, 係好細好細朵的...

我只係試過用自己剪嘅玫瑰枝插成功過
不過都唔係枝枝得，要睇天氣，熱D凍D都好難插
搵到D資料：
呢2個用岩棉插到生根
http://tw.myblog.yahoo.com/amy-s ... 8975&next=18971
http://igogo.pixnet.net/blog/post/27363636
呢個就插泥
http://www.tbg.org.tw/tbgweb/cgi ... m=75&topic=2594

插枝得，呢個季節最好，遲d熱返，必死。但係最好買冇去剌同葉果d，花店去剌葉果陣經常會割傷條莖，好難生，同埋要新鮮，噴左鹽水或者落過保鮮劑果d唔得。
嫁接就無可能架啦。

回復 Vienne 的帖子

今日我去左花墟睇下，有個好心店員送我束玫瑰 (未剪刺同葉) ,唔收我錢 ，返到屋企即刻修剪下再塗上生根粉插入泥度,希望可以生根啦       但點先知D花未比人用保鮮劑or鹽水？

回復 fnv234 的帖子

THX a lot    用海綿插枝果個真係好勁 又學到野

回復 armonly 的帖子

希望我今次成功就好了.......

我果次都係 求其 斜剪左佢, 插泥試吓~~

祝你成功!!  

我試過插落黃花沙，培養土同赤玉土，黃花沙同赤玉土效果比較好，培養土可能太濕，好易發黑。得唔得我諗真係同新鮮程度有關，我係屋企棵玫瑰剪O既枝條，一插就生，百份百成功，切花插枝就十支有兩枝到，點分有冇落保鮮劑，其實好難睇，買果時睇下d花o既狀態，腳新唔新鮮，青綠唔會啡啡黑黑就ok。同埋真係幫襯過先知，我最近買左束玫瑰，插左兩個幾星期都未謝，枝枝開盡，d葉冇黃仲好挺，雖然價錢貴過人地，bunbun果d就唔好啦，買十次十次都唔開同好快死。

我通常係第一塊五片葉上面落剪，下面留三節，除最頂片葉，下面d 搣左佢，會見到有芽突起，最底個芽最好插落泥下面，放係陰涼地方，記得唔好太濕，我最近插左枝英國玫瑰切花，貪就手用培養土，見佢出左葉仔，但冇諗到佢咁快生左好多根，一時淋多左水，浸爛根死左，激死我，失敗多幾次就識架啦。

回復 Vienne 的帖子

今日我插既果D都系用培養土 咁我要少D淋水先得......

唔知邊度可以買D花色特別and大種的玫瑰呢？花墟我成日都搵唔到

nightcat1993 發表於 2011-4-4 22:56
回復 fnv234 的帖子

THX a lot    用海綿插枝果個真係好勁 又學到野 ...

果舊係插花用o既花泥，真係冇諗過可以咁用bor，花泥濕度比較穩定，等我下次都試下先。

特別花色係街尾一間買日本入口花o既有，呢間我冇幫襯過，唔知好唔好。太子道超X西餅隔離果間花店有時會有荷蘭玫瑰返，一枝枝散買，品種好靚，我買過一次紫色迷你玫瑰，可惜d莖同芽刮損晒，d花又唔開就死，插唔生。大種玫瑰我諗要美國玫瑰或者英瑰，但係呢兩種好貴，美玫一束百五蚊以上，英玫更要二百蚊一束，冇散賣，仲貴過買玫瑰頭，比到呢個錢不如去買種好果d，運動場道果邊有時都有d大種玫瑰盆栽，特登買黎插枝唔化算。

回復 Vienne 的帖子

雖然運動場果邊有大種,不過D大種玫瑰盆栽都系得黃色同[粉紅mix黃色]果隻,揾唔到其他了   

X奇有其他品種，你問佢ma，我見過佢地有blue moon.

前日在X奇也見有 blue moon，花淡紫色花好大棵，約碼1.5m高。仲有開了一、兩朵花嘅鐵線蓮賣$250.

前兩年我行過見到有棵blue moon，問過一次價，果陣好平，$120，但太大棵lu，我冇位放。

咁大棵真係冇位放~ 所以玫瑰頭自己種算...