關於落肥

我剛剛買了魔肥
但又唔知點要點落


如果唔岩  我就即刻拎走!!!
同埋我想問如果落左肥咁樣又係岩既
咁淋水係咪淋係上面就得?

之前刨文睇話放係泥底做基肥GA喎，
可能唔可以放係面

其實魔肥係咪唔岩大岩桐用?
要埋入個泥入面?
係咪買錯左呢....係咪要拎走佢?...

你咁落都ok既, 可以用泥蓋一蓋
不過太多啦 個盆唔大最多落6,7 粒好啦

無論幾大粒都係放6-7粒到?係咪埋係個泥入面?
放太多係咪會傷害到佢?

回復 howah 的帖子

你呢種中粒魔肥落2吋盆5,6 粒都差唔多
因為我冇種大岩桐, 唔知佢要幾肥
我種迷岩一般落4,5粒就識開花架啦

我自己會篤佢地入泥入面釋放養份
落少好過落多呀, 會傷根

不過現階段唔建議落肥住, 你棵苗仔唔太強壯

同埋你最底2塊葉爛左, 要剪啦
植株看來不太健康呢, 是學校種植比賽的大岩桐嗎??

2塊都爛左=[??
點樣剪?
植株係咩黎架?
係學校拎來的
前排媽媽整跌左佢
有d泥係上面過左幾個鐘我先返黎洗洗佢
之後就成個軟左
好驚救唔返
但係而家中間果2塊好似精神返少少
最細果2塊重大左少少
所以就沖去買肥比佢....
人地果d又大又開左花
我果隻重細過拎返黎果陣
但係都養左幾個月喇
由聖誕節係學校拎返黎

見咁耐都唔大
就去買肥比佢囉~

回復 howah 的帖子

1. 你留意下最底2塊葉係咪黃黃爛爛呢
見到葉開始軟, 爛既時候就要剪啦
免得佢爛到發毛影響成棵健康

剪既方法就係搵把較剪(最好細把d, 試下問媽咪有冇)
輕輕翻開遮住視線既葉, 你會見到枯左既葉係有葉柄連住主莖的
剪斷佢就得了
如果唔明既話即徜問啦, 或者搵媽咪幫手

2. 植株即係指你棵植物

3. 你棵植物軟左可能係因為你洗既時候整傷左根
所以佢暫時吸唔到水而變軟

4. 你棵植物睇落唔夠健康呢
有冇俾佢曬太陽?
同埋建議你買個花盆俾佢住
又或者o係個樽底吉d窿疏水

再有唔明即管問啦

爛得好緊要果塊剪左了,就咁剪斷佢就ok?個莖重有小小係到 洗唔洗剪到最入?
咁爛得無咁明顯果塊都要剪?

佢係我洗佢之前已經軟左.....
同埋佢個根  係一個硬硬既圓形野黎  係咪根黎?

最近冇太陽
我屋企好曬架 有太陽果陣
但我又唔敢比佢曬太多
所以放係有光既地方但唔係直接曬到囉

照接曬到係咪唔係幾好??

剪完後同埋好後就這樣了~

howah 發表於 2011-3-20 00:07
剪完後同埋好後就這樣了~

岩啦, 剩返少少都可以的
根部圓形既係大岩桐既球根, 係儲存養份既器官
如果呢個球根林左就要剪走佢插水啦

發現葉林左, 又唔係因為唔記得淋水既話
可以試下剪一塊保鮮紙, 吉2個窿仔
鋪o係樽口上形成溫室仔
可以幫助佢硬返

隔離果個葉唔洗剪嗎?
球根會唔會變大架?
佢好細粒呢

點解我既大岩桐 葉子大得咁慢??
佢會唔會支持唔住好快就離開我架
落肥就咪就會大快d??
好想佢健康d

回復 howah 的帖子

如果佢繼續爛落去就要剪啦
球根會一路生長變大的

大得慢可能係唔夠陽光, d泥唔夠疏鬆, 掛住養大球根唔長葉等等原因
如果植物本身就虛弱再落肥會更傷架

種植真係一門好深既學問
我對佢正係得個愛字  都冇用啊....
泥唔夠疏鬆 姐係要點樣??
咩係掛住養大球根唔長葉??

回復 howah 的帖子

種花要慢慢培養技術既
泥唔夠疏鬆指既係泥土太實
會阻礙根部生長, 最好去花店買包珍珠石溝一溝
大岩桐咁粗生應該冇問題既

因為球根會一路生長變大的
所以如果個盆太大會俾太多空間球根生長
令佢顧住變大而唔得閒生葉

其實你d泥好似好乾,
淋水要等到泥乾先淋
淋到樽底漏水先叫淋完的
所以我先叫你吉窿

但係個樽咁高  咁多泥  淋到漏水 會唔會多得濟架?
有窿係底了~
~泥唔夠疏鬆指既係泥土太實
會阻礙根部生長, 最好去花店買包珍珠石溝一溝
大岩桐咁粗生應該冇問題既~
係咪姐係d泥實d都冇問題??

~因為球根會一路生長變大的
所以如果個盆太大會俾太多空間球根生長
令佢顧住變大而唔得閒生葉~
但係我個球根又細 d葉又細喎xd

想請教,大岩桐d根係一個球狀嗎?無一條條的根嗎?

howah 發表於 2011-3-20 11:51
但係個樽咁高  咁多泥  淋到漏水 會唔會多得濟架?
有窿係底了~
~泥唔夠疏鬆指既係泥土太實

如果有窿既話會漏返晒多餘既水出黎的

佢仲係苗仔呀嘛, 俾d時間佢啦

回復 ivyl 的帖子

兩樣都有的