你對修訂後的財政預算案的評份

財爺順應民意, 出人意表, 大幅修改鬧得滿城風兩及害到特首雞心挨打的財政預算案

你又滿唔滿意新的財政預算案呢?  又收唔收貨呢?  你對修訂後的財政預算案的整體評份呢?

強積金幫唔到低收入市民過下半世, 一早分錢咪好, 無謂益基金佬.

kwanyeehui 發表於 2011-3-4 10:45
強積金幫唔到低收入市民過下半世, 一早分錢咪好, 無謂益基金佬.

講得好,請看片
http://www.youtube.com/watch?fea ... d&v=sbkJmej8uO8

有D人又話可能冇得派錢既?

corina 發表於 2011-3-4 00:23
有D人又話可能冇得派錢既?

18以下＆唔係永久咪冇LAW～
要等預算案通過先SURE有得派～多數都通過GA LA～

好多人移咗民還拎住個三粒星的香港身份證, 果d又點計數呢?

雖然各人俾分都好嚴, 不過可以睇到修改後已經過分咗好多.

D＄＄唔洗俾基金佬俾多少少分～但長遠問題仲係到所以都係唔合格

有錢唔識使，20分

佢以為自已做 "會計文員"，量入為出就搞掂。香港人俾幾十萬一個月佢做 "會計文員" 真係谷鬼氣！

而家用剩哂啲錢，即係錯過提高香港人生活質素的機會，抵打！！！

唔知點俾分，但我收錢..............

無論修訂前或後既預算案,都係一個唔用腦去諗既預算算案,其實應該話係段估案,有段估無辛苦.
無理三七二十一,派錢塞住人地把口, 無腦到極點啦. 唔係全香港人,都要等住呢6,000蚊. 係想長遠生活有計劃, 有將來,有希望! 求那其就派錢. 我都識啦. 駛鬼請你做財爺呀! 有人每個月搵10萬8萬, 住靚屋,有靚車有賓賓, 你又派錢俾佢地, 有人只係搵個最低工資, 住板間房, 日日洗20幾30財去返工, 你又係派6000蚊. 啊婆啊公去執紙皮搵錢生活, 又係6000. 妖!  去照顧下呢班低下層人仕生活先啦.

不如攪好民生啦, 重建居屋,加快公屋落成. 拿! 居屋根本唔會同私樓有競爭. 買居屋有條件限制既.逼小市民去買私樓, 好似有官商勾結成份啦. 好似小市民只夠錢去個茶餐填肚, 如果D大酒店,大酒樓話D茶餐(聽)影響佢地生意, 叫政府諗計,逼人去幫襯佢地???? 有錢梗係想住好D. 但係唔夠嘛! 唔通我地份血汗人工都要俾個班PK地產商掠去, 佢地日日去打Golf, D仔去買肚生仔. 撥地去俾地商, 就話會平穩樓價? 好一個天真的漢子. 地產商又掠多D!  

攪好D醫療啦, 排期去睇公院專科, 等得就等啦, 唔死好快到你. 培訓多d醫護人才, 醫生護士人手足,佢地無咁壓力大, 無咁辛苦, 病人輪候快d, 醫生可以睇症專心D, 無咁易出錯, 大家開心D啦, 我地又唔係特首, 去睇急症, 半粒鐘ok.
老人退休計劃呢? 教育發展呢? 撥錢去攪攪啦.

仲又好多好多, 財爺用下腦啦, 應該點善用呢筆錢.

我地小市民自求多福吧

回復 TIMOTHY 的帖子

鬧得好~ 但d官聽唔到

回復 TIMOTHY 的帖子

您估財爺睇唔到咩! 唔想做, 要用好多錢. 最好就喺一次過無手尾跟果D.

起初話有錢派, 我都有點開心, 橫豎佢都冇政策對付種種社會矛盾, 有錢收好過冇, 更唔唔駛明益基金經理.

不過話派之後發覺好大問題, 曾俊華在一片嘩聲下派錢, 其實係好屎忽嘅做法, 表面上係順應民意, 其實係攬住死嘅做法.  有一日老人問題嚟嘞, 佢就將個波推番俾你, 你哋話要派錢唔肯注入強積金嘛.  又到你哋哩樣要錢, 果樣要錢, 佢又話, 冇錢呀, 派哂嘞.

財爺, 俾人鬧, 你應查找不足嘛, 諗吓點樣做好個plan, 估唔到你咁大個人, 收咁多人功, 居然玩發悔氣, 真係叫人失望.  你重話想做下任特首?  唔好玩啦!

有這$6000派我唔覺會好開心囉. 由反對到遊行, 8歲小孩的胡椒噴霧事件 ,  新移民話政府派罐頭有防腐劑想食死人咩  , 真係覺得太多人立心不良....
  
如果財爺沒有提議將$6000存入強積金戶口，市民是未必要求財爺派錢。派那$6000現金未必是大部份市民的意願，我是其中一個,  很多人也希望政府利用這筆錢去改善地區的設施、幫助弱勢社群等等。這件事上，除了看到政府管治能力極度不足外，我覺得各個政黨亦是“唯恐天下不亂”，每天也撩動市民的情緒，每天也將事情放大鬧大...
我贊成政府保留大筆盈餘去改善社會 , 興建公屋和居屋，如醫療服務 , 老人福利等  , 另外再大幅D增加子女免稅額和供養父母免稅額和退稅.

我覺得依家嘅政府只係一間大公司嘅出納, 只懂賣地收錢, 征稅收錢, 從來不事生產, 從沒向外發展, 尋找收入, 太依重賣地, 賣家產, 因為抬高地價以確保收入, 甜的是地產商, 苦的是市民

fianfumy 發表於 2011-3-9 23:09
有這$6000派我唔覺會好開心囉. 由反對到遊行, 8歲小孩的胡椒噴霧事件 ,  新移民話政府派罐頭有防腐劑想食死 ...

100 個同意！

$6000 鐘意用嚟買 ipad 又得，捐哂佢又得，皆大觀喜。強積金，咪嗱，都唔知 有冇命用，又唔好益Ｄ基金佬！

大家唔好咁陰公攞財爺張相嚟打小人，佢無理由抬錢去 教育部，房署，、、、、叫佢地做乜做物，呢個係成個政府的决定，唔好針對佢一人。