本帖最後由 mcdull918 於 2011-4-3 06:39 編輯
種菜 <<<< 對光要求太大啦,室內係可以用燈補救,但成本效益唔化算.
種觀葉植物, 肉質植物, 種子盆栽 <<< 睇返你種咩品種啦,每樣要求唔同,楝岩品種就冇問題架啦
av <<< 絕對合適
光管支架+配光管點樣選擇? <<< 視乎返你放花個位置幾大,你都應該係用層架種架啦 ?.?
W數又邊隻夠光?(不想浪費太多光) <<< w數都係睇你要照既地方幾大,色方面就 6500k 係最接近自然光.你寧願佢多光好過唔光呀.
市面呎吋, 購買地方及價錢如何? <<< 鴨記會比店舖平,行埋去同佢地講你要既長度w數佢會同你配埋架,想好睇d就用燈架,唔洗令既就好似天花光管咁,自己用錫紙貼上面同個邊等佢光集中d同反射作用.
另外 led 同 uvb 都係可以種植物既,led 我冇研究過唔知原理,但有質素之分,你可以去"丫烏"搵下 led 既資料研究. uvb = 太陽光 (光譜好深,我研究過都唔明,哈哈) 不過爬箱人地造景,缸入面既植物都只係用 uvb 比光源佢地,所以一定冇問題.而我自己都有養爬,我之前都有放植物入去,但比我隻高冠食哂d葉哂我先拎走
下圖係我個小花園 3呎 x 2呎 高 20".我用 14吋 t8 兩支,個燈架係以前養魚套缸剩低既,家陣廢物利用返.你可以對光要求高就 "long" 高d,唔洗太光就放下面,咁咪得囉.
|