怪人

今日在地鐵見到兩個怪人, 點怪法?
1. 香港十一二歲的男孩, 竟然在地鐵唔打機
2. 香港十一二歲的男孩, 竟然响地鐵度睇書
3. 香港十一二歲的男孩, 竟然唔係睇公仔書, 亦唔係睇打機攻略
4. 香港十一二歲的男孩, 竟然係睇一本有學術性嘅書, 叫 "世界上下5000年"
5. 香港十一二歲的男孩, 竟然唔駛戴眼鏡

有專家統計,
1. 每週打x小時以上機的男孩, 9x%以上要戴眼鏡
2. 戴眼鏡的男孩, 9x%以上每週打x小時以上機

咁你話哩兩個係唔係怪人呢?




我覺得佢兩個家教好好.

只要他們的爸爸和媽媽不是怪獸父母,他們便是一個好正常的小孩.  

ps: 我新年在太古城food court 見到一個有中三高度的男仔同父母吃tea, 他的父母就是怪獸父母. 因為我見到佢亞媽喂佢吃藥水. 比我你病死我都唔會喂啦.

wendy_choy_hk 發表於 2011-2-12 22:10
只要他們的爸爸和媽媽不是怪獸父母,他們便是一個好正常的小孩.  

ps: 我新年在太古城food court 見到一個 ...

就因為依家太多怪獸父母, 正常的小孩變成怪人 ( endangous animal  )

就是因為太多公主...所以我過去週未同D中一同學去camp..半夜比個女仔叫醒要陪佢出厠所(但厠所只在門口), 第二早因要個男仔幫手洗碗, 比佢鬧完白痴走左去, 我堅持要佢洗...最後比佢打左下, 走左去!!  超無奈!!

lammachingching 發表於 2011-2-21 10:03
就是因為太多公主...所以我過去週未同D中一同學去camp..半夜比個女仔叫醒要陪佢出厠所(但厠所只在門口), 第 ...

有錯吖, 而家D細路個個都俾人種到不似人形
我以前教個仔讓座, 依家D父母唔教不特只, 還要霸埋位俾個仔女坐
所以話依家D人冇家教

最近有本書叫<怪獸家長>

有次坐地鐵有個得三四歲小朋友唔小心撞到我，即刻同我講sorry，呢d叫做家教，但真係萬中無一。
好多都係一開地鐵門就衝入去霸位，有次我屋企人見有位，正想坐落去，個petpet差唔多掂到張椅之際，突然有個小朋友唔知係邊衝埋黎用一對手㩒住個位，好彩睇到冇坐落佢對手到，佢係霸比佢媽咪坐，佢媽仲好似好開心好自豪咁，OMG，我真係o咀呀，我屋企人就梗係嬲到震，我地唔係同人爭，咁啱見冇人坐，點知會有人咁樣，超野蠻。

除左呢d怪獸外，係百貨公司同商場都經常見到d小朋友扭計瞓係地度又碌又喊，另外有d牛高馬大o既出街仲坐bb車食奶咀，琴日搭lift返屋企，同lift有一對小姊弟，細佬坐係架bb車度，睇佢至少都有四五歲，差唔多逼爆架車仔，家姐我估有七八歲，話細佬，你咁大個仲坐bb車，細佬就發脾氣打家姐，但媽媽全程無反應，最近經常都見到呢d咁o既小朋友，我屋企人話：唉~咁後生就要坐輪椅。講到底，係邊個俾佢地坐呀？咪又係d父母。 呢d怪獸家長同仔女真係無處不在。

依家d細路俾大人種到乜又自私又貪心又冇禮貌
大個出嚟被人問候佢娘親, 諗落都不無道理

~唉~咁後生就要坐輪椅~  呢句說話夠尖酸, 不過真係講得冇錯
周街都見到d怪獸, 怕怕 + 討厭
講到話讓坐呢, 自己都有一套. 起碼有4-5歲~~~唔讓
俾個位佢都唔會正正經經咁坐. 企我面前都係咁話.
只有老人家就俾啦! 呀爸呀媽抱住d未企得穩嘅大BB都會俾位佢.
仲有, 無論坐車, 食店坐位, 見附近有魔童, 唔會埋去坐送死

我主動一點, 見到魔童我會鬧佢, 話知佢老母唔高興

以前巴士規則裏面有: 兒童未滿兩歲不佔坐位不用購票, 我在巴士見到d屁股未坐定就霸個位的, 我會叫佢父母抱起佢, 不過依家冇咗哩條例, 有話唔買票不可坐.

講到讓座，我發覺一個怪現象，見到老人家同大肚婆，學生同小朋友唔駛講，一定唔讓座，貌似地盤佬裝修佬o既..唔讓，師奶..唔讓，西裝友...唔讓，反而好多時係d你見到會驚驚地o既金毛飛同rock友仲有禮貌。

比得大帝 發表於 2011-2-12 22:15
就因為依家太多怪獸父母, 正常的小孩變成怪人 ( endangous animal  )

...
眾人皆醉我獨醒~~~
唉~

呢種細路點做社會未來棟樑? 嬌生慣養害佢一世! 好似早排英國大風雪, 個d家長就話香港政府點解無專機去接佢地既仔女回港. 挑! 咁好既機會俾佢地去面對應付難題. 正啦! 咁驚d仔女有事,就咪鬼俾佢地去外國啦.
而家d怪獸家長, 咁鐘意仔女入名校, 我就贊成呢類學校收生條件, 就係要去參加過外展挑戰, 甚至軍訓. 為期起碼一個暑假, 即係一個月. 唔係二三日既度假營生活呀!最好去落後地方生活, 咁就可以磨練個人意志

Vienne 發表於 2011-2-22 17:28
講到讓座，我發覺一個怪現象，見到老人家同大肚婆，學生同小朋友唔駛講，一定唔讓座，貌似地盤佬裝修佬o既. ...

同意

有次坐地鐵, 有個阿婆上車, 站在個後生女前面, 但冇人讓座, 我大大聲講: 點解冇人讓座俾阿婆?

個後生女居然咋瞓, 反而我後面有個師奶起身叫阿婆坐, 個後生女全程車都唔敢抬起頭見人

有次我係西鐵入lift,我係最後入果個,入到去咪按關門,但有個細路猛按開門,攪到lift門關吾到門, 我便對那細路講吾好玩制,應該按關門制,佢阿媽即刻好吾老like話"佢按錯制姐",lift門開後就急急腳拖住個仔出去, 呢D就叫"家教".