賤人

今日在中途站上巴士, 後排有個肥師拉, 一直在講電話, 一個接一個, 大大話話講咗十幾個電話, 又大大聲, 好似演講咁, 最少講咗半個鐘, 好多人都厲住佢, 都當唔知, 這時有個男人拎個電話出嚟打俾朋友, 又係大大聲咁講

"...成架車震哂, 由上車震到依家未停過" (起初唔知佢講乜)
"講英文囉, 又講中文囉, 總之唔中唔西囉" (這時我知佢係講個肥師拉)
"我講法文添, 我就嚟講x埋外星文添"

這時個肥拉知係鬧緊自己, 馬上把聲調降低, 大槪係好似上堂偷偷地同隔離位講嘢咁細聲, 睇到附近的乘客都偷笑, 有個直頭笑咗出聲.

俾人鬧先識得收聲, 哩d就係攞嚟賤嘅人囉

呢招幾好, 又唔駛當面話佢撩交打, 等其他人都聽見等佢冇面大家得啖笑~~~唔錯唔錯

有d人係唔會理你，仲好串咁話番你！
話說一次我同媽咪行超巿，有個女人講電話勁大聲，我老媽竟忍唔住口出聲話佢﹕而家d人講野咁大聲架，嘈住晒隔黎D人。個女人發晒茅提高八度話﹕而家講野無言論自由架！
我唔抵得佢話我媽咪，我話番佢﹕師奶，言論自由唔係比你咁樣亂用架！
個女人勁燥底，我都廢事理佢講乜， 我即刻拖住阿媽閃人，怕我老媽係度周街佢嘈。而家d人真係唔知諗乜的。

呢個都算吧啦！有次搭巴士，剛好是放工時間，全車都好迫，有個女人用個袋霸住一個位，自己坐一個(較出的那個，她係度扮訓覺)，有人上黎坐拍佢講聲唔該謝謝，佢極度唔願意，仲"蓆"左佢一聲。我幾嬲，我又係好似你見到的男士一樣，講住電話串果個女人，我話呢d 人梗係想好似個"賜坐男"咁上youtube等全世界都知佢咁cheap先心息，未見過D人咁衰格。佢知我講緊佢，我係講啊 =p 佢落車時，頭dump dump，又偷望我，我係咁望住佢！呢d人咪犯賤囉.....

這關乎個人品格問題~ 我都好怕d 人响公車箱內大大聲打機, 講電話和睇劇集, 製造噪音, 強佔別人思想空間.

當然, 冇人賤得過哩個人

世紀賤男下場
http://hkplants.com/forum.php?mo ... 44724&fromuid=6

哩個都係世紀賤人

你想點呀!
http://hkplants.com/forum.php?mo ... 71857&fromuid=6

S咯，我只喺行路返工，好少搭車，少咗哩啲煩惱。
不過，若真係搭巴士，有人講手機，唔係好大聲，或者同隔籬位講嘢，我都覺得好騷擾。
仲有，最憎路訊通，搞到車廂好嘈。

如果人人都會考慮一吓別人, 世界會少好多煩惱

可惜現今世上沒公德心和禮義廉欠恥的人多了。

claudiatang 發表於 2011-3-1 12:43
可惜現今世上沒公德心和禮義廉欠恥的人多了。

應該係: 欠禮義廉恥的人多了

比得大帝 發表於 2011-3-1 13:27
應該係: 欠禮義廉恥的人多了

仲慘d添..............
現今的學校是教什麼呢............

claudiatang 發表於 2011-3-1 14:14
仲慘d添..............
現今的學校是教什麼呢............

學校冇時間教,但家長更加唔教.

回復 wendy_choy_hk 的帖子

以前所謂的家教現在全沒了。

claudiatang 發表於 2011-3-1 16:16
回復 wendy_choy_hk 的帖子

以前所謂的家教現在全沒了。

好多都冇家教啦! 我見到好多父母買早餐比d小朋友在MTR 吃(仲好似佢地冇錯),又教小朋友想樣爭位坐.

wendy_choy_hk 發表於 2011-3-1 16:37
好多都冇家教啦! 我見到好多父母買早餐比d小朋友在MTR 吃(仲好似佢地冇錯),又教小朋友想樣爭位坐. ...

我成日都話, 我哋教小朋友讓座, 依家d人教小朋友爭位

我個仔由兩歲開始, 見到有人上車, 唔理係唔係有需要人仕, 就坐上我大肶, 讓個位出嚟等其他人有得坐
到四五歲太大個坐唔落我大肶, 就企出嚟讓座俾大人, 我哋教佢細路哥企吓唔緊要, 大人做嘢辛苦, 讓個位俾大人坐

我哋自細教佢禮讓, 佢大個咗都係一個有禮貌嘅人

哩個都係攞嚟賤嘅人

你對財政預算的整體評分
http://hkplants.com/forum.php?mo ... 71974&fromuid=6

哈哈, 將d賤人登記哂响哩度

小孩肯坐定定還好，最慘是在座位上亂跳，對鞋不知有多骯髒，後來的人不知就裡就坐下....