有無簡單易做的方法煮乾鮑?

有無簡單易做的方法煮乾鮑?

acmc 發表於 2011-1-20 12:42
有無簡單易做的方法煮乾鮑?

最簡單方去，俾我整..

八王爺, 好同意你的方法呀  .

一般乾鮑 ( 30頭左右)  , 一般要玩浸泡水2天喎  , 仲要焗2次喎  , 仲要煮10幾個鐘, 點快都要3天 .

回復 八王爺 的帖子

我想親手整比屋企人食呀, 你識整就教吓路啦!  我想整大隻啲嗰啲, 都幾"溶", 不容有失!

acmc親手整但無經驗係唔得嘅，心急都唔得。整出黎有灰味，不透心，不如唔好整。
最少你之前要用啲中小型乾鮑，試做兩三次。成功，先好做吉品鮑！

另一個方法，買罐頭鮑，即食，乜都唔使整。

我都唔敢亂來, 聽過有人話明明跟足程序都失敗!

罐頭鮑成日食到架啦, 好過無送食咁囉!

又或者買急涷鮑..........

回復 candyafr 的帖子

我覺得急凍鮑好淡, 無味, 煲湯, 煲麵都淡"mad mad"!! 不過可能係我唔識整, 你哋會點整?

買罐好D 的車輪鮑啦, 快靚正呀 .
再想快買大隻的新鮮鮑 或新鮮南非鮑來扣囉,  唔駛好似乾鮑浸2-3日及蒸或炆十幾廿個鐘 .

回復 fianfumy 的帖子

有半隻手掌起大的乾鮑會係最好食, 如果識整的話, 點都好食過罐頭飽, 自己識整可以慳好多.

我都知半隻手掌起大的乾鮑會係最好食 , 但一斤得唔係好多隻喎 , 現在吉品18頭都要$15000以上 /斤喎 , 都沒有半隻手掌咁大喎  .... 要煮到半隻手掌起咁大就更加唔可以簡易咁整啦.. 浸返4日4夜, 再蒸 or  扣 16-18個鐘啦....

回復 fianfumy 的帖子

十多年前係澳洲朋友介紹到酒樓食記得 700-800港紙到己有交易, 反來香港要千多先食到, 我honey以前買落8隻攞咗無十年都有九年, 佢話有本事整就整咗佢, 我好想整咗佢, 唔食留係到仲乜姐!

如果你是8隻是大頭鮑的話 (即是一斤是10隻樓下)  , 不如你分2次整囉, 整完一次就算衰都仲有下一次可以改進囉...

其實乾鮑真係唔難整, 只係時間耐囉.

如果是大隻的, 總之浸4日是走唔甩 , 不過浸法都有唔同 .  乾鮑放在碗裡 , 加清水至滿浸水2至3小時.  用牙刷把鮑魚逐隻洗淨 , 再用牙簽把腸臟挑出 . 再用清水洗淨。浸乾鮑要用煮過的白開水浸 3-4 ( 有人教過可加一片陳皮同浸) ...


方法1 :  用一舊五花腩 / 腩排 , 一隻老雞 和幾片金華火腿炆D鮑魚 , 當然要加適量的水 (雞湯) 和一小粒冰糖, 定時要兜和加水,   炆 12-16個鐘.

方法2 :  用一隻燒鴨斬件加入鮑魚炆 , 最底層是燒鴨  , 一層燒鴨一層鮑魚,   要加少少麥芽糖的. 都是炆12-18個鐘 ( 我未咁整過, 是我朋友教,她說好好味喎) .  

方法3  : 將乾鮑浸水至一半高度 (半腰)  , 每天早晚要反轉 ,  浸大約4日4夜,  然後原碟連埋浸過的隔水蒸12-18個鐘 (當然中途要加水啦) ,  蒸完後便開蓋取出。 如喜較較腍, 可翌日再蒸6-12小時, 視乎你個人口感 .

方法3是我最鐘意, 感覺是最溏心 , 又是最容易的, 蒸好後想點就點呀 ...  

我記得咁多咋, 有時真係煮到先知呀 ...

等我試吓整得似唔似樣再話你知, Thanks!

鮑魚樣一定唔會走樣, 因為點煲都唔會爛的, 只不過點整到夠溏心囉...