帶Kinder出奇蛋赴美 女子險被重罰

帶Kinder出奇蛋赴美 女子險被重罰

(明報)2011年1月13日 星期四 05:05
【明報專訊】加拿大    一名女子入境美國    時，只因攜帶一枚Kinder出奇蛋，險被美方判以300美元    （約2340港元）罰款。

險因如此小事被重罰的伯德（Lind Bird），上月駕車進入美國邊境時被攔下檢查，其間警員搜出一枚Kinder出奇蛋，指它是違禁品。伯德向加拿大廣播公司記者說：「這不過是枚朱古力蛋，他們未免太小題大做了。」

「我以為那是笑話」

伯德稱，當時警員對她說，「如果你帶著這個入境美國被抓到，你會被罰300美元」。美方後來還向伯德寄出一封長達7頁的信函，要求伯德同意美方銷毀被沒收的出奇蛋。「我以為那是笑話。我要看該信兩次，但他們很認真。」

意大利    朱古力大廠金莎（Ferrero）於1972年推出Kinder出奇蛋，但美國拒絕引進，原因是當局堅稱兒童會不慎吞食朱古力蛋裏的玩具，造成窒息。加拿大及其他國家皆自1975年起進口Kinder出奇蛋，指幼童根本無力自行打開蛋內的玩具膠殼，因此不存在誤吞危險。

美國海關    表示，美國在2009年共在2000次行動中，檢獲2.5萬隻Kinder出奇蛋，大多數是在復活節或聖誕節時於機場或陸路邊境截獲。

法新社

美國佬係咁不可理喻咖啦

比得大帝 發表於 2011-1-13 15:10
美國係咁不可理喻咖啦

無奇不有

配合產品名字「出奇」蛋。
你話係咪真出奇！

Crazy American.  

盡量唔去美國...佢咁多騎呢野....好易中招....

起碼我唔想過關時被人摸身.....

如果我只係帶咗一隻蛋，我唔要睇果份7頁的 waiver，我當場食咗佢得唔得？ XD

唉~ 諗到要俾人影全相，都係唔去美國好過嘞 >.<"

八王爺 發表於 2011-1-13 16:11
配合產品名字「出奇」蛋。
你話係咪真出奇！

可能出奇蛋哩個名係因此而嚟

有個真實故事, 唔知係對美國海關的正面定係負面評價:

有個美國公民在香港買咗個金勞返美國
海關人員見到問佢: 你個錶幾靚噃, 買咗幾多錢呀?
美國公民唔知係為咗避稅又或者單係講下笑, 就話: 唔值錢嘅, 假嘢嚟咖
海關人員話: 睇我睇吓
美國公民諗住, 佢未必睇得出, 又或者睇得出就只好補稅啦, 就除咗個錶俾佢
海關人員睇都唔睇, 放隻錶响枱面, 然後從抽屜攞個鐵鎚出嚟, 一嘢就將隻十幾萬港銀嘅錶打爛, 將碎片掃入抽屜
然後對美國公民話: 美國係唔可以帶假嘢入口嘅
美國公民唔知點反應, 佢知投訴都冇用, 因為佢見到抽屜內早有好多名錶碎片

美國豬！

笑咗出黎！收一隻朱古力蛋要俾7頁紙你簽，收隻錶一個鎚仔搞掂？

孖吉 發表於 2011-1-14 17:07
笑咗出黎！收一隻朱古力蛋要俾7頁紙你簽，收隻錶一個鎚仔搞掂？

又係喎.....所以係出奇蛋囉...

孖吉 發表於 2011-1-14 17:07
笑咗出黎！收一隻朱古力蛋要俾7頁紙你簽，收隻錶一個鎚仔搞掂？

x 2

幸好簽左..如果唔係. 呢隻蛋買得好貴
(不過真係難明...一隻朱古力蛋都可以罰咁多!?)