節瓜成長的過程(收割喇)

今年種咗十棵節瓜，早排計吓已食咗十條嫩瓜，依家收割十七條老瓜、兩條嫰瓜，仲有四條細細嘅希望佢可以再大啲先摘。十七嗰老瓜中，一個十七磅，兩個十五磅，三個十磅，其他嘅六至八磅一個，最長一個二十五吋。今年大豐收，可能因為雨水少嘅原固，希望明年會更好。伯爺婆在此多謝各位欣賞我啲瓜。

好犀利丫. 而且可以種到咁巨型. 佩服佩服. 好多謝你既分享. 希望我都有少少既收成啦. 唔貪心. 有一隻肥嘟嘟都滿足.

超變態，種到咁勁！

原帖由 sandy 於 2007-9-10 10:32 發表
好犀利丫. 而且可以種到咁巨型. 佩服佩服. 好多謝你既分享. 希望我都有少少既收成啦. 唔貪心. 有一隻肥嘟嘟都滿足.

Sandy.....我種植嘅季節已完，就等睇你嘅收成啦。

好勁呀@@
可唔可以分享下呀?? 例如幾時播, 追肥, 個棚點搭等等??

好勁呀~ 真係好想向你學下野呀~~

犀利呀 太好成績喇

原帖由 kok69 於 2007-9-11 02:48 發表
好勁呀@@
可唔可以分享下呀?? 例如幾時播, 追肥, 個棚點搭等等??

好多謝你嚟分享我嘅收成呀，我家在北美，天氣同香港唔同，因為能種植嘅時間不多，通常我在四月中左右就响室內播種，在室內栽培瓜苗到Victoria Day就移到室外種，這段時間內不時要搬啲瓜苗出去室外曬吓等佢慢慢適應室外嘅氣温，當啲瓜苗開始起瓜子時我就開始落肥，每兩星期左右追肥一次，直到啲瓜大定之後我就唔再落肥，同時我一見側芽就摘，咁棵瓜先壯，長啲瓜先巨型。因為夏天好熱，所以我早晚都淋水。個棚就好簡單，因為冬天落雪嘅關係，我個棚係portable嘅，四個角每個角棟一條六呎長嘅木條入啲泥喥，個頂就用四條木條將四個角嘅木條用鏍絲連在一起成個四方形，咁我就再用啲木條橫放及直放在頂上就得喇，容易整又容易除，收埋時得幾條長木條，又唔咗地方。