原帖由 kok69 於 2007-9-11 02:48 發表
好勁呀@@
可唔可以分享下呀?? 例如幾時播, 追肥, 個棚點搭等等??
好多謝你嚟分享我嘅收成呀,我家在北美,天氣同香港唔同,因為能種植嘅時間不多,通常我在四月中左右就响室內播種,在室內栽培瓜苗到Victoria Day就移到室外種,這段時間內不時要搬啲瓜苗出去室外曬吓等佢慢慢適應室外嘅氣温,當啲瓜苗開始起瓜子時我就開始落肥,每兩星期左右追肥一次,直到啲瓜大定之後我就唔再落肥,同時我一見側芽就摘,咁棵瓜先壯,長啲瓜先巨型。因為夏天好熱,所以我早晚都淋水。個棚就好簡單,因為冬天落雪嘅關係,我個棚係portable嘅,四個角每個角棟一條六呎長嘅木條入啲泥喥,個頂就用四條木條將四個角嘅木條用鏍絲連在一起成個四方形,咁我就再用啲木條橫放及直放在頂上就得喇,容易整又容易除,收埋時得幾條長木條,又唔咗地方。 |