本帖最後由 LLGG 於 2010-11-15 11:48 編輯
我都有飲胎菊架~
我自己本身好熱氣, 以前間唔中會去藥材舖買d菊花(黃色好大朵果d)焗嚟飲, 但成日要焗好耐先出味...後來睇報紙介紹胎菊好快出味又'come'沖, 咁咪買d嚟試囉. 我問過中醫胎菊同其他菊花又咩唔同 (因為胎菊貴d), 佢話其實都有清熱作用, 係胎菊比較寒涼d, 唔係人人啱飲. 講真實際上對我既熱氣有無用就唔知, 咁平時响公司飲得茶多咪當轉吓口味囉.
我自己通常用20-25粒胎菊(搵茶袋入住), 用熱水沖洗一下, 放入保溫杯泡成日都仲有味.
另外, 如果响屋企有時間, 用胎菊+無花果煲20分鐘, 熄火後再焗5分鐘, 之後加入黑糖飲就可以.
又同大家分享吓, 我本身响開大陸既家x福, 沃x瑪度買, 散裝/預先包裝好既都買過, 我覺得質素同味道分別唔大, 最平大約係人仔0.3x(毫)一克, 唔知香港買既又點呢?? (因為我未買過) |