自住層樓升值 - 是喜是愁

住緊層樓, 由200萬(假設數字)升到500萬, 點解我一點不開心
問個朋友, 如果你住層樓升咗值, 你開唔開心,
佢話開心, 因為身家升咗, 如果賣咗層樓, 可以賺到多點錢,
我問佢, 你有兩層樓咩?  得一層, 你賣咗住邊度
佢話可以租屋
我話樓價升, 租金都升咖啦
佢話講吓啫, 都唔會賣嘅, 除非細屋換大屋啦
我話: 如果有心想細屋換大屋, 你依家應該好愁, 試想你住兩房-200萬, 想換3房-300萬, 你目標係搵多100萬或借多100萬便可, 但你間屋升到400萬, 3房的按比例也升到600萬, 咁即係你要搵多200萬或借多200萬才可以, 你間屋由200萬升到400萬, 你人工有沒有由2萬升到4萬, 冇, 即係你換樓嘅計劃要延遲, 或者告吹.
我又話: 間屋由200萬升到400萬, 差餉都俾多咗, 保險都俾多咗, 但你享用嘅完全冇升過, 都係果間樓
我又話: 還有, 假設你成功換樓, 換間由300萬升到600萬嘅樓, stamp duty....也都俾多d, 但都係果層樓

同意...除非有2層樓...
如果唔係升值只不過係一個數字

所以好多人都會回應一句講  , 升成點有乜用" 賣左買唔番"

非常同意大家的說法.
而家中左六合彩都5夠錢換層好d既樓

非常同意大家的說法.
而家中左六合彩都5夠錢換層好d既樓
wendy_choy_hk 發表於 4-11-2010 13:21

    比個Like你add4icon add4icon add4icon
家下六合彩仲要加價呀add8icon

如果得一層樓的人, 層樓升到幾高都好, 除非真是賣了租屋, 租到山卡拉好遠平租果D , 如果想換樓或UPGRADE 自己的, 都是玩死自己的...  貴賣就必定貴買啦, 唔會你特別D可以賣得比人高, 而買得比人低好多的.

今年3月我好朋支的家人發生一件買樓趣事, 她好想將自住層300幾呎一房單位 (20幾年單幢大廈) , 想以320萬賣出, 然後想以低於290萬買入近太古那邊某居屋500幾呎單位 , 她想高價買出自己層樓, 超低價買入那居屋, 當時我已說沒有咁完美的 ,  後來有一間該屋苑的中層居屋由320 講到295 , 但她又再講價至285萬, 賣家卻封盤唔賣 , 結果那間屋最後以320萬比別人買了.

朋友家人又再繼續找該屋苑的單位 , 5月時她以$260萬賣出現住單位, 再以 360幾萬買入一個500幾呎低層單位 , 還要是冇得入屋睇樓 (睇相) , 是連租約買入的 , 新屋交吉期在明年, 她這大半年在新屋屋苑要租屋暫住直至明年收樓 ....

哩家嘢好有趣嘅。每個case 都唔同。
通常都係賣舊換新，咁就唔好計賺蝕，因為能夠換新，又cover到裝修之類，咁就夠。
如果仲可以細換大，咁就更perfect！
樓係會折舊，尤其是單幢保養差的。
不過，依家啲新樓用料真係差到痺，唔換好過換！

係架, case by case  , 沒有話對與錯, 但我睇住她由當時想賺錢換大屋, 變了賺不到卻要倒貼,  有幾個單位有得睇樓她想買卻因講價而比人買下 , 後來她灰到睇相都算求其買一個 , 所以我覺得幾有趣咋...

如果單以置業安居, 慢步向前, 有機升呢, 就唔想樓價升

咁如果你有錢多, 會唔會在這個時候再買多層樓?
又如果你有樓多, 會唔會在這個時候來賣咗層樓?

咁如果你有錢多, 會唔會在這個時候再買多層樓?
我係一個不思進取的人, 怕會大跌市
又如果你有樓多, 會唔會在這個時候來賣咗層樓?
要錢嚟冇用, 不如留嚟收租養老

咁如果你有錢多, 會唔會在這個時候再買多層樓?
又如果你有樓多, 會唔會在這個時候來賣咗層樓? ...
acmc 發表於 2010-11-5 22:23

如果我有錢.....  我不會現在買樓 ,
如果我有多層樓..... 我會趁人人唱好樓市時賣樓  .  但要切記唔好貪, 唔好後悔賺得少唔夠多和埋怨 .

我覺得買樓其實是投資一種, 如果是自住的, 間屋舒服和坐向好的和合心意 , 貴少少就真是沒有問題 . 但要買多層作投資, 那看法又會不同 , 要資產增值可以轉售和出租, 一定要多留意新聞 和屋苑週邊一帶成交和當時氣氛 .     

9月中時我碰見我用開的地產Agent  , 她剛在九龍塘開會回來, 她說商討剛剛高價賣地後該區內的成交是有價沒市, 大半個月整區成交也只是4-5宗, 所以聽新聞說好旺 , 其實實際是否咁旺真係是一個疑問囉.

咁如果你有錢多, 會唔會在這個時候再買多層樓?
唔會而家買.

又如果你有樓多, 會唔會在這個時候來賣咗層樓?
不賣

這兩條問題好有趣!真夠意思!
咁如果你有錢多, 會唔會在這個時候再買多層樓?
會,而家買,跟住即刻租出去!
又如果你有樓多, 會唔會在這個時候來賣咗層樓?
不會,而家不賣,因為要租出去!

咁如果你有錢多, 會唔會在這個時候再買多層樓?
又如果你有樓多, 會唔會在這個時候來賣咗層樓? ...
acmc 發表於 2010-11-5 22:23

咁如果你有錢多, 會唔會在這個時候再買多層樓?
不買----啲錢貶值ing, 少啲又少啲.
買------一個跌市, 無得仲多.

又如果你有樓多, 會唔會在這個時候來賣咗層樓?
不賣----跌市一到, 要收幾年租至補得返?
賣------若無大事發生, 香港人多地少, 話會無止境咁升, 你信唔信?

我同事去年話-Ｄ樓無理由係咁升無跌，賣樓去租等平Ｄ再買，賺佢幾十萬、、、而家佢租緊樓住，賣左層樓就升左６Ｏ%！

美國印緊6000億美金，Ｄ熱錢四圍走，高處未算高，十年黃金變鑽石。

睇吓你hold住間咩屋, 三年前一間居屋150萬, 到現在大約都係升30萬, 但一間私人屋苑三年已經由300升到500萬. 如果你拿住300萬現金, 而無乜炒賣嘅話, 計埋銀行送嘅coupon, 都唔過兩萬, 所以不思進取嘅代價都唔少! 多諗頭的, 近一年來賣咗樓的都識有兩三個朋友, 見親都呻買唔返, 所以呢.....命也!

不過這2年的居屋也升了不少, 我朋友04年以$12x買入鑽石山某居屋 , 2個月前賣了$260萬.. 其實升幅真係好多...

最近朋友350萬買入一棟村屋, 一個月唔夠有人出480萬叫佢賣
東涌200萬樓, 5年升到500萬.

朋友買咗將軍澳樓花, 幾個月未郁過