關於病蟲，新手種乜都有病，好氣餒

新手初到，希望各位指點

1﹕種左盤薄荷，發現葉上出現白點，用紙巾一禁塊葉，紙巾上有紅點，應該係紅蜘蛛了。請問係咪搵D 橙皮浸水，然後拎D 水去噴植物就清除哩D 紅蜘蛛 ?

2﹕紅蜘蛛對人會唔會有害架，好驚地會走上我個身度咬我 ?

3﹕屋企另外有棵鐵樹，就咁搵個盤裝水，直接放係入面，頭頭都冇咩野，又開花又好綠，但係種種下唔知點解好似越黎越多灰咁，樹頂個橫切面仲好似發左霉咁，係咪中左「白粉病」呢?
補充一下﹕我估果棵係鐵樹，圓柱體，頭頂橫切，個身好似厠紙筒咁大，然後左右生。阿媽年幾前種落，話係鐵樹，仲開過花...

4﹕D 白粉好似D 灰咁，人吸左會唔會有事架 ?

5﹕中左白粉病係咪要掉左成棵佢架啦 ?

冇人回，自頂一下，順便再講下情況

琴晚搵D 白醋水狂噴棵 鐵樹同 薄荷，今朝見到 棵鐵樹D 葉好似綠左，不過 灰左O既地方就冇咩改善。同埋浸左D 橙皮水

今朝搵左 D 橙皮水噴左棵薄荷同鐵樹，希望放工返到屋企有改善。

雖然上面冇人回，不過為左救2棵野，再虛心求教

噴橙皮水，同醋水有冇分份量同時間呢 ?

我都係新手, 大家可以討論吓啦! 咁多植物都有病! 可能係你啲泥有問題呀! 試吓換咗啲泥啦! 我通常落種之前都會晒吓啲泥, 然後用啲苦楝粒或石灰粉吽吓先用嫁!

>浸橙皮水
係冇用的

>浸橙皮水
係冇用的
oneonewe 發表於 2010-10-22 23:57

    真係冇用，我已經狂噴了，佢地仍然好開心快速咁係d 薄荷度走黎走去...sosad

再報告一下情況，我已經將棵薄荷剪到禿頭了，希望冇曬d 紅蜘蛛啦

有冇試過用牛奶?

有冇試過用牛奶?
oneonewe 發表於 2010-10-24 00:04

    牛奶唔敢用呀，因為怕會引埋D 螞蟻來。

    修剪完之後，沒了紅蜘蛛，但來了蚊滋仔....真係煩到呢~

    最後買左枝BIO KILL 返黎噴，希望攪得掂啦 /   \