請問有無紫蘇葉既食譜?

請問各位高手, 紫蘇葉可以點整?

蒸蟹

煮各款海鮮都可以~

煲水飲...驅風驅寒...

煲水飲...驅風驅寒...
fianfumy 發表於 2010-9-29 23:50

   一樣煲水飲解蝦蟹毒....
我以前試過...每次食完蟹喉嚨都會痕.....後來知道紫蘇解蝦蟹毒.....咁食完蟹未開始痕時就飲紫蘇水，就唔會痕喇...


老公最近一次試過.....食左蝦蟹，喉痛開始唔舒服....鼻竇炎又有想發作既跡象，剛好果日收左新鮮紫蘇，放左係保鮮盒，佢竟然就咁空口食晒，但佢話得囉....第二朝就乜事都無....

所以，依家去旅很會用紫蘇加溪皇草茶，做定解毒茶包堂平安茶...旅行其間每日焗黎飲。

==============

另外....係大陸食過涼拌紫蘇...佢係將紫蘇稍稍用沸水燙過...跟住加醋、麻油、豉油等等<---(我淨係食得出幾種味..有無架其他野唔知。)  幾好食架。

少既我會炒蛋，多既滾湯。紫蘇好多時會用黎煮海鮮，見得最多既係炒蜆或貝殼類。

紫蘇炒排骨,入面加少少豆豉。

整梅酒~~

這個葉，日本和韓國菜比較多用。
其中還分為 青紫蘇 和 紫蘇。
紫蘇日本人多用在做紫蘇梅，即食了會變超人的酸梅乾。
日本人就咁將一點紫蘇梅放入飯團中，咁就叫做「有餸」！

青紫蘇可以用來拌燒烤肉食，即是韓國烤肉中的拌菜。
用來包住烤肉，辣醬食。也可以包飯和其它肉類，例如三層肉。

差點忘了，日本人炸脆青紫蘇，用來做拌碟，好似玻璃葉咁樣，當然食埋喇！
也用來做天婦羅，就咁沾啲脆漿炸來食，都ok架！

嘩, 原來有咁多用法! 多謝咁多位高手既指點, 以後屋企既紫蘇就唔會被堆肥了

豉椒炒蜆(花螺)加紫蘇都好好味。如果煮南乳炆豬手這道菜，食時：將紫蘇葉切絲、腐乳、少少沙糖、麻油混起來(食辣可加指天椒)做個醬來蘸.....很好味。