荃灣街市買肥料的店舖還在嗎??

我剛剛 search 到資料,荃灣街市都有種子/肥料買.
但個 post 已經是 08年, 請問此店舖還在嗎?
今天經過,有東西要買.

仲有, 荃灣街市街地下, 向恆生銀行個邊. 有兩檔.

loyuensau, thanks.
晏少少過去睇睇先.

嘩....正! 我住荃灣, 唔駛下下去花墟....有無有機俾果果既肥?

仲有, 荃灣街市街地下, 向恆生銀行個邊. 有兩檔.
loyuensau 發表於 2010-9-25 11:32

   有一檔係一家人(老豆、亞媽同個女)。佢地恃住自己係獨巿生意 (聽講呢家人叫批發商除咗送貨俾佢地之外，唔準送俾其他人，不過呢樣就聽番嚟，唔知真定假)，態度奇差。尤其係個女，去親都見佢講電話，叫佢招呼客人，佢就黑口黑面，用對眼睥住你，晦晦氣氣，極度無禮貎。個亞媽就你慢D俾錢都俾佢大聲喝：喂﹗俾錢啦﹗呢D都係本人親身經歷。唔係叫你唔好去幫襯，不過要俾定D心理準備你，隨時換來一肚氣。如無記錯，網上曾經有人講過幫襯呢家人嘅激氣經歷。隔離有檔亞婆，賣肥嘅種類就少D，不過如買基本嘢如花生麩、骨粉、菜種等，都可以幫襯亞婆。今時今日咁嘅服務態度重可以生存，真係奇聞﹗

我都係幫襯亞婆， 佢好好架，上次我问佢有無生果箱，佢就话帮我留两個，我第二天去拿，花生麩、骨粉仲好平添， 不过可能大粒DD， 但我用过都唔错呀。
我次次都係幫襯亞婆架， 隔離果一檔就無试过， 好彩！

我就兩檔都試過。
樓梯口係阿婆，她貨色少一D，價錢好似同隔離一樣。
話晒阿婆搵餐晏仔，我會幫襯得多D。
至於隔鄰，有種子，有肥料，回應問題時有一句沒一句，也別望會主動介紹或甚麼分享心得。

大家仍可有多一個選擇，就係喺阿婆個檔90度前行 。
有一檔花檔，個老板娘上次見阿婆唔係度就主動黎幫阿婆秤花生麩比我。
後來佢見我想行過隔離檔睇，就問我仲想買乜，我話想睇下種子，佢就叫我跟佢行。
去咗佢個花檔，同我傾咗一輪，佢自己都玩有機種植，仲SHOW咗本佢睇開0既書比我睇。
最後，我幫佢買咗D皇帝菜(佢強調係細菜蓎蒿)，十蚊，但發芽率唔算高，約50%，可能種子唔算好新鮮。
但佢個人都幾好傾，可以交流下有機種植0既心得，當然係佢比較空閒時才有時間嗲啦！

上次我係幫襯門口個婆婆檔~
婆婆好環保,會將膠袋循環再用~
幫婆婆買過花生麩,骨粉,白蘿白 & 生菜種子, 發芽率好高~
我落種0個 D 種子全部都有發芽~
雖然婆婆動作慢少少, 不過婆婆過下日晨搵餐飯食, 等一陣無咩所謂啦~

我今日放工都想去嗰度，想問吓大概幾點收?

我有時7時半去到已經收咗檔LU.

我頭先去咗嗰度，完全同意(nhf)嘅說法。起初見唔倒啊婆嗰檔，所以去咗nhf 講話衰嗰檔。
我見倒應該係啊媽尼，問佢問題時真係有一句沒一句，重要話種生菜只落(因多素有機肥)，
花生麩唔需要wor(是關前者要$12/Kg, 後者$5/Kg), 之後我只幫襯佢買1kg熟石灰。然後再行先見倒啊婆，就同佢買$4/kg花生麩、種籽、有機肥同骨粉。佢重同我分享心得

$4/kg花生麩>>>咁平???

$4一斤

$4/kg花生麩>>>咁平???
Chubby仔仔 發表於 2010-11-18 23:38