點解又種唔到嘅？

又話潺菜好易中，我前曰買咗啲潺菜返泥成支入泥，到咗今日佢哋已經越泥越黃，我蚊佢出泥睇，仲有啲爛添，我記得花園仔老師話  枝唔晒太陽住，我咪唔俾佢晒囉，點解 會咁架，我真係好失敗，唔通我係種嘢白痴？

有無相呀?  你唔會淨係拎D葉入泥插掛....或者比張相黎睇呀丫....就咁好難幻想喎...你識得唔好曬太陽..應該有淋水啦....我自己就早一次晚一次咁囉.....(D泥要疏水喎...我淋完水最遲5秒D水會係盆底流番出黎)
我既插法係咁...

係帶少少芽位既莖...

如果太熱的話,
剪去大部份葉 或留 下 1/4片葉 (減少水流失)
是呀,一定要有芽位啵

ck,ilaus:我嘅插法同你嘅一模一樣，亦有留芽位~
我用泥炭土，中間夾咗少許骨粉和花生麩粒...
因為泥炭土新用時不太吸水，所以我有先用水浸到佢吸夠水份先落盤架，但都失敗...好灰好灰~~
搞咗差唔多成個月，一様都冇成功過....嗚~~
我得電話可以上網，所以放唔到相上泥唷~~

泥炭土有無溝野呀?無溝砂或其他介質，唔疏水喎.....會醃爛野....
你不如去買靚土溝砂種野喇...D泥唔疏水...無咩可以種到呀....

即係淨係靚土溝沙吔？洗唔洗溝肥吔？
我之前係諗住買靚土架，但個老闆話呢隻好用啲，我咪買囉，點知沈曰發現原來呢隻土有米田共嘅，真係種完都唔敢食。。。嗚~~我又被騙了,睇泥我要改名做蕃薯一號囉...

D米田係邊種動物架...??

好多有機泥都有米田架喎....

我自己會用4:1=靚土:沙

種香草或者一般蔬菜....但如果用黎種蔥或者球根植物，淋水都仲係要忍忍手....

一般我淋水係用手摸下D泥面，摸到有水氣就唔淋住，摸到乾既就一次淋透佢(即水由面入由底出)
P.S.靚土本身己經加左肥，不過我習慣會再加入有機粒肥做基肥......我次序︰盆底加去水層-->加入一半靚土+基肥-->加靚土至八成滿-->放入植物-->淋少少水固定植物
另外，會用一個盆將新既靚土加少少水撈勻佢先放入盆，因為加左砂既靚土，一次淋好多水，砂會沈底土會浮面就唔均勻，所以會用盆將佢加左水，撈勻先放入盆。





紗網據說可以防止土壤流失，和防止小虫爬進盆裡。






因為以前住客留下了一袋燒烤炭，不想浪費，所以拿來放在盆底去水用。(太大舊啦，最好用手指公咁大既粒狀物)




把園蓋土加入珠石混和增加排水力。 (珠石淋水會浮面，日子耐左浮晒係泥面，所以依家改用河沙)




混合好後澆水濕潤泥土。




把土壤放入盆中。




直至把炭蓋著。




加入固體有機肥，作為基肥。




洒一層土蓋著有機肥(腐熟的)。
再放入要換盆的植物，芽位向天。




下土壤，把根全蓋著露出芽位(或葉子)。 澆水直至盆底下有水流出。

回復 1# miu
又話潺菜好易中，我前曰買咗啲潺菜返泥成支入泥，到咗今日佢哋已經越泥越黃，我蚊佢出泥睇，仲有啲爛添，我記得花園仔老師話  枝唔晒太陽住，我咪唔俾佢晒囉，點解 會咁架，我真係好失敗，唔通我係種嘢白痴？
======================================

你好!
我從來都唔會叫人用插枝方式黎種潺菜架! 用種籽仲易啦! 嘻嘻!

我諗你D 肥多得濟, 肥死咗囉

BB 唔洗食補品咖

回復  miu
又話潺菜好易中，我前曰買咗啲潺菜返泥成支入泥，到咗今日佢哋已經越泥越黃，我蚊佢出泥睇，仲 ...
花園仔 發表於 2010-9-5 22:35

   嘻..嘻...我未試過用種子種，因為我都係第一年試種，花園仔老師有經驗D...你自己選擇喜歡既方法啦!

會5會D泥濕得齊呀,你試下加D沙下D泥,等佢去水D,

多謝各位嘅幫忙...•_•
ck:你解釋得好詳盡吖，我放假會出花墟一轉買齊啲嘢再試過~
原本今朝真係好灰想掉晒啲嘢佢放棄架喇，而家雄心又壯志返lu....^v^

花園仔老師..^^
其實我係睇到你啲貼叫人插支千祈唔好晒太陽咋...咁我咪照板煮碗插潺菜唔晒囉...haha~~