點解我種咩都咁失敗...

薄荷一粒都唔發芽＜＜三星期了＞＞
蕃薯用綿花浸都唔發芽＜＜仲爛埋添＞＞
芫茜唔係話可以留個頭落泥種架咩？？<<點解會發霉,啲根仲梅晒tim>>
仲有粒苦瓜，明明發緊芽，點解會謝咗架？？
咁我想問吓我啲泥應該掉咗佢定晒乾再用吔??
仲有我竟然晌啲泥底下搵到條幼苗，唔知係士多啤梨定蕃茄，我應該可以點樣救返佢呢...
請各位師兄師姐幫幫忙吔...我而家真係好氣餒唷~~

我D核.... 有時都係D泥發埋霉... 都未發芽...   

如果少少泥.... 我會掉左佢... 特別係發左霉既...

但係我個係中盤，加埋咁多盤都幾多架....

泥表面呈現乾才灑水

我係咁架....但係~~~哎~~

蕃薯唔係用棉花浸架...比水醃住會爛架...

我係咁發芽架...

不如你種D易D既...先比自己回復信心先啦....

好多種植物都係插枝比用種子容易架....

或者你買D紅蔥頭番黎種呀....易種又好食...不過每日淋一次水就好喇...水太多會醃爛個蔥頭架...

發左芽既薑都好種架..唔易死....

ck:我都試過好似你咁開半用水浸，都係爛薯收塲...
人哋都話薄荷易中，但我都種晤出...
不過我今朝响啲舊泥度搵到粒我上次隨手掉落盤嘅蕃茄種子發咗芽，即刻執返佢落盤，希望成功~

回復 8# miu
其實蕃薯可以乜都唔使做，
你放喺陰涼地方，唔好理佢，
過得一排佢都會標芽，不過就要耐啲，
薯仔都係咁架

回復 1# miu


    加油重頭再來過, 試吓晒吓D 泥, 再落種啦

雖然好氣餒，但我係晤會咁輕易放棄嘅....加油~

仍然等緊我d通菜同baby carrot發芽  好幾日都無動靜
一齊努力呀

大家比D耐性....我D韮菜....之前落左種...

一星期先出到一條芽...之後...再過多十二日先出第二條芽...之後再過三日出第三條芽..

就係咁...吹佢唔脹.....一條條芽咁出，第一條芽同第二條仲要隔十幾日.....

佢唔係出左第一條芽...我真係成盆野種左第二樣野喇...到佢出芽時應該當左佢係雜草鏟走埋....

大家比D耐性....我D韮菜....之前落左種...

一星期先出到一條芽...之後...再過多十二日先出第二條芽...之後 ...
cklife 發表於 2010-9-2 09:31

所以最好這星用個膠袋套實佢
防止/減少野草種籽跌落去囉

唔得咪再來過囉, 加油呀!!!

薄荷一粒都唔發芽＜＜三星期了＞＞
蕃薯用綿花浸都唔發芽＜＜仲爛埋添＞＞
芫茜唔係話可以留個頭落泥種架咩 ...
miu 發表於 2010-8-31 22:17

  1.浸蕃薯-要勤換水
  2.芫茜插種是比較難一D唷

所以最好這星用個膠袋套實佢
防止/減少野草種籽跌落去囉
llaus 發表於 2010-9-2 09:42

   睇到佢咁..都無心機照顧佢囉...遲D可能會死埋添...

芫茜用種子再種過啦, 幾日都唔發, 一發就不可收拾呀

我建議你種辣椒,好易種

番薯我會切開一嚿嚿，每嚿要留有芽位，切面吹乾，放入泥內，N日就會長出葉；或者買番薯葉吃，硬的葉梗和連約3片葉留來插枝。