謹選DIY美容課程 手工皂班

謹選DIY美容課程 手工皂班

自己參加了工聯會的護膚手工香皂工藝(四)，發覺除了教學有問題，也賣很多黑心貨給學生~
有興趣學手工皂的朋友請小心~~
我們一班受害同學自發地四出提醒大家~



若工會課程要停一停,諗一諗,在雅虎看到一些資料

LiWing
同學遇上問題 問老師, 竟然更可笑的是, 老師反問同學問題, 真係又無奈又可笑, 老師不是有一定的知識和學歷才可以在工會上教授的嗎? 在美容院裡的美容師都要受過專業訓練和知識啦, 更何況是教授知識給別人的人呢? 老師不回答問題都算了, 態度非常差勁, 更令人氣頂的事, 她只會回答一些找她代購的同學問題, 而且態度極度有善…真令人費解….難道只會招呼有利益的同學嘛???!?!??!?!?!?

課程有10節, 老師只在第一課堂上給同學唯一一張的筆記, 筆記超級簡單, 上網找資料還清楚很多, 做皂方法來得更詳細, 本來一心想報讀希望更了解做手工皂的知識和程序…唉…原來還比自己在網上找資料或買書本來看更還難, 簡直浪費時間和金錢….老師又hea 又現實….更可惜的事情是 工聯會所有diy 護膚課程都是唯一一位老師教授的..沒有其他選擇???? 勁無奈!!!


LiWing
我也參加了diy 護膚手工皂班, 老師亦是劉x琪, 工聯會簡介上註明”包括材料費用” , 雖然沒有註明同學可否向老師代購, 但代購事宜是不是應該留待課堂完了才辨理呢, 課堂時間為1小時30分, 首先開課時間已遲了15分鐘開課, 之後老師只花了10分鐘時間講解做手皂的材料和造法, 其餘的時間是用來排隊交收, 至於做皂程序任由同學自由發揮, 老實說做手工皂有一定性的危險, 老師是否帶領和講解當中的程序和危險性呢, 萬一真的出了意外什麼辦呢????

kelly ( 小學級 3 級 )
2010-06-03 18:52:59
正面       我也有打過電話投訴，但無跟進！我重報左佢兩班我沒有買她的香水瓶，但她的香水瓶是抄anna sui等牌子！她自己都話個香水瓶anna sui先剛剛出！重有買材料重來無清晰的prize list 古古怪怪咁~無出處 but 向消委會投訴有用嗎？？買賣貨品投訴應該無乜用，但只不過有無方法杜絕工聯會內的劣質導師！亦希望想報這個老師課堂的同學考慮清楚，因為教製作手工皂及這些護膚品其實要有牌，需要香港無立法，但工聯會咁大個機構都唔好搵人亂教~

kelly
唉！無計啦，被佢搵笨左~
投訴都無用我已打過電話去投訴，唯有多d人討論等多d人睇到！
佢d衰野點止咁少~

無論護膚產品DIY製作班或護膚手工香皂工藝都係琪琪老師教~ 大家認住係 工聯會 的琪琪老師~ 唔幫她代購就理都理人~
上堂顧住傾電話，打皂打唔成就話學生ge問題！？
問題係佢重來無示範過！重學人出書，搵笨d學生！

她當然只招呼對佢有利益的同學，因為她食水超深。
我找到入貨的批發商，她平均一樣貨品都賺廿幾蚊！
你睇到批發商個價重火！重未計佢開稀晒個d用品~由其係花水
資料  (誠信化工原料公司http://www.meru-hk.com/)
我都買左佢d膠原蛋白，我兩個星期就發現變了，
我問批發個邊，人地係賣粉狀，
批發話開水後要盡快用，同可能佢開得太稀，所以咁快變
人地成樽粉都係130蚊，一樽夠用黎一年

重成日扮闊佬，送d試用， D試用係批發商係派ge~~ 上去就有得拎~

http://hk.knowledge.yahoo.com/question/question?qid=7010051600033

應該去番工聯會投訴!!~~

可以留底啲料俾大家引以為鑑。

我覺得事情要睇兩面，始終唔係當事人，我資料唔足夠，唔敢下判斷。

工聯會d 野.... 唔係第一次~~
試過有朋友去工聯會學西樂, 佢地個老師堂堂tum學生買樂器, 二千幾蚊買大陸野, 我check過, 質量差到不得了, 一定要俾幾百至一千蚊修理才可以用. 咁既價錢, yamaha student model 都買到喇!
我朋友學了八堂, 居然淨係識睇簡譜和幾首歌, 問佢識唔識睇letter name, 佢話唔識, 淨係識幾個數字要按乜野制!!!!! 有無攪錯!!!!

呢d可以話係興趣班，所以師資參差不齊係正常架喎！！
不過工聯會都應該要篩選下d老師先請/開班。

n年以前，我都去「公鑾」學過結他。 個老師上堂淨係講私人電話(手機)。
同學們自己彈。好彩結他係自己彈得多都ok，如果唔係真係乜都學唔到。

工聯會課程師資有d ok, 睇你好唔好彩.

有朋友學日文遇著個幾好既阿sir, 一路跟住佢d課程走, 依家讀到高班, 幾ok. 不過呢類課程好靠課餘自律溫書, 否則嘜都係假.

另外有朋友玩過工聯會陶藝, 真係好一般, 導師有料, 但唔會輕易教俾學生. 呢類課程就視乎導師既教學心態 - 真心推廣一門手藝, 抑或只志在接觸多d目標(學生), 及於自己的resume上可以加上"導師" / "上過報紙"之名.

咁我係好彩果個...

學過古箏，教得幾好，好滿意自己既進度...

學瑜伽個導師好好，唔係淨係教動作，會有講解身心平衡之類既理論，同埋教動作時點樣放鬆邊部份既肌肉，點樣避免受傷等等...覺得佢好用心....

不過係幾年前既事.....

e,咁我隻公都算好彩,教打鼓又教得幾好~

老實說做手工皂有一定性的危險, 老師是否帶領和講解當中的程序和危險性呢, 萬一真的出了意外什麼辦呢???? ...
yysyeung 發表於 2010-8-22 01:25

多謝你的分享,
的確diy是有一定風險, 並不是絕對的安全的!!
很感謝你這段文章, 讓大家知道這不是100%無風險的嚐好

可惜現在diy是一個潮流, 這些潮流讓某些人顯得更無知和無奈,
最可笑是...現在的diy者未必是自用家, 而是出售, 寫書寫配方賺錢....!

所以我在這裡不受歡迎, 因我已不止一次跟別人說過: [你認為自己做的, 就等於一所LAB所做出來的嗎?]

一般人在缺乏科枝之下, 是無法辨認成分的纯度、等级、提取纯化的保证、貨源、原料生產日期以及是否在店家分装时已被污染。
講膚品是一個精密的科學, 我常反問花友們:［你用筷子匙更攪拌出来的，就等同商業化制造出售的乳霜嗎？］
好明顯, 那老師已私下分裝, 還已污染了原材料. 其實只是開蓋那一刻, 原材料已被污染了!
但為甚麼原材料可以用一年有多? 只是生產商在花水原材料當中加入少量防腐劑而只! 試想想由生產過程到你手中, 是需要多久的時間? 生產商們也需要一點保証吧!

我認為最安全的diy，是就地取天然素材DIY。
以上都只是我個意見，各位可不同意，但不能說我是錯。

工聯會d 野.... 唔係第一次~~
試過有朋友去工聯會學西樂, 佢地個老師堂堂tum學生買樂器, 二千幾蚊買大陸野, ...
jellyfishy 發表於 2010-8-23 10:10

水母你好，我相信不是工聯會問題，最大問題是這些教學無人鑑管吧!阿豬阿狗都可以做導師,
我之前在工聯會學過美甲, 出去做美甲師就不能了, 但絕對夠自己玩,
又有問有答, 過程好開心

TUM學生買野都好平常, 但我相信就算去貴d的地方學, 他們也是會TUM你買野....
始終他們打開門做生意....這一切也是商業決定吧

多謝你的分享,
的確diy是有一定風險, 並不是絕對的安全的!!
很感謝你這段文章, 讓大家知道這不是100%無 ...
jeffiau 發表於 2010-8-23 18:57

   嗯...讚成...邊度教..都係[乙水]你買野，分別係....你比錢比得情唔情願姐...
好似我老公話，LV塑膠黎姐。。洗唔洗咁貴呀。。。但好多人買得好開心喎。。。。

禾今季都想去工聯會學"護膚手工香皂工藝(四)"~~
但search到你話老師有問題

咁請問有無花友知道邊度有得學又ok架?

前年我就係係工聯會學,應該係呢個老師因為果時我聽番有跟開佢班啲同學講得佢一個教呢科.果時佢都無咩點叫我地買野,只係講皂基時佢提過如果大家有興趣可以夾埋一齊搵佢買,佢攞會平啲.
不過佢教野就真係好睇心情,有時好易黑面,啲同學仔問一啲我估佢唔識答既野時佢會串番轉頭話"跟我學就唔好問咁多野,如果你地係出面同網上學到既話你自己信咪得,唔好問我,點解仲要黎上堂"咁.

而佢派啲講義真係講義,得啲point咁,份量同做法我地都要自己邊聽邊寫,果時我上堂只係想睇吓demo既手法,所以無咩特別要求.

不過最攪笑係有一堂做紅酒皂, 材料一混合人肉打蛋器打唔夠3分鐘就overtrace,當下佢都好瘀,我都唔記得佢比個咩藉口我地,而我一向都知工聯會良莠不齊,所以無咁大感覺囉.

禾今季都想去工聯會學"護膚手工香皂工藝(四)"~~
但search到你話老師有問題
咁請問有無花友知道邊度有得學 ...
chutou 發表於 2010-9-17 12:35

我知天麗有,不過好貴要成幾舊得一堂,如果你有信心,係utube搵啲片睇,用幾舊水買材料自己試玩仲好.

前年我就係係工聯會學,應該係呢個老師因為果時我聽番有跟開佢班啲同學講得佢一個教呢科.果時佢都無咩點叫我 ...
muitau 發表於 2010-9-17 14:29

   好彩我無遇到咁既老師.....我係問題學生黎架.....所以雖然幾舊水一堂，我都係天麗度學...因為佢任問唔嬲。
我上手工皂堂...連DIY野都問埋.....(呵...賺左好多)

回復 15# muitau


謝謝你的資料 ^^
等禾睇吓天麗先

好彩我無遇到咁既老師.....我係問題學生黎架.....所以雖然幾舊水一堂，我都係天麗度學...因為佢任問 ...
cklife 發表於 2010-9-17 18:05

原來你都係天麗學架

係呀...果時工聯會仲未有得學...好少地方有得學嘛...

多謝你的分享,
的確diy是有一定風險, 並不是絕對的安全的!!
很感謝你這段文章, 讓大家知道這不是100%無 ...
jeffiau 發表於 2010-8-23 18:57

TUM學生買野都好平常, 呢個我認同．
但利用學生的無知，騙學生買一些破爛的樂器，那是商業不道德！
工聯會當然有錯，人地利用工聯會個名開班，工聯會就有責任監管自己的老師，保証教學質素．

上個月，我有朋友係康文署上羽毛球訓練班，每班由一個羽毛球教練教波，朋友遇著那教練在班tum學生跟佢上私人課，唔肯跟佢上私人課的學生，佢就唔教．堂堂行行企企，上左三堂，我朋友和其他同學生向康文署投訴，該署立刻換人，第二堂已經轉左教練～