救救我的蝴蝶蘭..嗚嗚..

我棵蝴蝶蘭種左快2年半了...
佢買返黎果時係有花架....
開完之後我就幫佢上板....
佢生葉同生根都好慢....
以前佢得3條根...不過葉就好健康....
佢一年生得一片葉仔...
而家比起買返來時多左2片半葉....
最近佢有d唔正常....
d根有d黑黑地色...
因為佢新葉出緊...
我好驚佢爛心呀....
我屋企向東南....早上好好太陽....
日落時對面樓d window會反射d陽光....
食到正一正...
我會加水苔比佢...不過會乾得好快....
比多水又驚佢死....唔比水又驚佢渴死...
因為上星期我比好少水佢...點知佢新生出來d根竟然枯左...
見人地d蝴蝶蘭大得咁快又開花好羨慕...
反觀我呢棵一年得一片葉仔又唔肯開花...
幫我救救佢...佢係咪有病呀!!!!????

P.S.上個月屋企人關window唔小心夾左佢一下...
so有片葉中間斷下斷下咁...佢真係好可憐架...

因為我唔知佢係有病定係點...所以我拆晒d水苔....
而家點搞好...佢係咪有病??
同埋點樣可以令佢生既葉大片d多根d

其實我覺得落蘭盤種較容易種控制
我自己種幾盤,都係放窗台
每盤都種咗差不多10年每1年都開好多花
今年差不多有50朵
我只係唔干唔落水,一定等到干透先落水
得閒落下肥
都無乜埋佢

回復 1# kamen18a


    可否講下你 之前落肥有幾頻密and 你係點用肥,仲有是用邊種水苔整左幾多落去?? thx

我懷疑你系太過勤力施肥