問題newbie: 花肥與種子品種

大家好 ! 我係newbie一名, 想問下以下圖片問題, 希望大家幫幫手啦, thanks!

請問哩種花肥係organic的嘛? 有無版友用過?
想問一下如果種下列植物, 建議用全用organic肥/化學與organic肥並用(alternatively)
因為買哩包花肥之前又買左盒花寶, 但又擔心種野又化學又organic咁樣會污染d泥
而且睇左哩度好多帖見到好多人自己堆肥亦都有開始試驗中
如果係咁, 係咪應該用哩包日本野菜肥(如它是organic的話)加我自己開始的堆肥呢?
堆肥係咪一定要全部化好先可以開始用? (因網上見過有台灣網站教可以一邊堆肥一邊上面育苗)

請問哩種花肥係organic的嘛? 有無版友用過?

喺韓國買左d種子但因為寫韓文所以唔確定正確品種, 估計:
a)日本蔥
b)red lettuce
c)lemon balm
d)italy大白菜(同一般白菜有分別嘛?)
e)endive
請問正確嘛?

喺韓國買左d種子但因為寫韓文所以唔確定正確品種, 估計: a)日本蔥 b) red lettuce c)lemon balm d)italy大 ...

謝呀~~~!!

penguinkoala 你好, 小寶以上各項全部都未用過, 幫唔到你添~

首先，想問下你種係邊啊？
如果只係小型種係窗台，當然未必一定要堆肥，因為反正都未必用到咁多，加上堆肥時易有味，如果沒有室外通風的地方放，就未必一定要整堆肥，因為堆肥唔係三幾日就攪得掂，少說都要三幾個月，我有做堆肥，因為只放膠桶內，不通風，故要花更長時間。
我見台灣有賣日本的廚餘桶，它是放一段時間，不會太長，就可以拿出來用，但係要係泥度掘個深少少0既洞埋入去。所以，如果你係用盆種，我覺得唔係太適合。試想，比方說用個8號盆種一株蕃茄，d根都纏晒盆，仲邊度有地方比你掘個深少少0既窿呢！！

你選的種子都係蔬菜類，我估你係想種黎食。
如果種黎食，當然唔好用化肥啦……(花寶d肥我只會用黎種花)


至於大白菜係十字花科，易有蟲咬，要注意。
紅生菜，幾好啊，易種，少蟲害。
秋天種植，會種得好開心架，我建議你也可種蕃茄。

開始種植，除了肥料和種子，植料和農藥 (當然係指有機)都好重要。
你要先規劃一下你種植的位置，想想應用甚麼盆來種植，比方說，我就會用8號、10號和12號的膠盆，加埋發泡膠盒。
然後也要準備一些用來培苗的泥、盆等……因為你個d紅生菜、大白菜都可先培苗，然後再定植，到時可汰弱留強。
當然，直播也可，到時就要疏苗囉……

呵呵呵呵…我都只係種咗三年嘢，經驗唔係好多。
想學多d，去花園仔度刨下文啦！好多嘢學！
http://hkplants.com/viewthread.php?tid=11235

多謝晒兩位呀.

係呀, 家住屋村, 所以其實種植嘅地方唔大. 依家都係培緊苗(沙律菜&大白菜).

因為之前睇過推肥的thread, 所以試用吉x家盒篤穿好多個窿試緊(小小小型規模). 尋日先開始, 慢慢觀察中.

如果跟照你的意見, 那我會用上面將相入面嘅日本野菜粒狀肥(但我唔sure係咪organic肥)先做基肥, 然後再等遲d我d堆肥成功的話再用黎做追肥.

這樣暫時ok嘛?

係呀, 我亞媽買左車厘茄, 等佢食完留d核俾我試下! 等我種到咁上下成績一定會同大家分享下(仍然係newbie中)~!!!

如果種葉菜，主要係氮肥...堆肥既話，有無諗過用尿肥呢?好似比較容易做，要既用具又唔係咁多...
我最近試緊，好似都OK喎...

hi cklife, 請問點樣做尿肥?

尿肥 @@ 真係生物科技啊！

penguinkoala ，我會拿堆肥做基肥，追肥就用有機肥。所以，你可以將堆肥留係下季用。
追肥用番呢隻野菜肥。

hi~其實現時有機耕作唔會用人的排泄物(就我所知)
因為人體有太多抗生素or化學物
最簡單用麩粉骨粉or自制堆肥
睇你種d咩

哩隻菜肥睇黎都唔係太化學呀呵 <-- 傻仔問題

係呀..用人尿肥要考慮埋你食既野架....
尿就咁入樽，放太陽下一個月吽熟佢....佢會變左好深色。
之後加水溝稀黎用，我仲試緊...有網友話100ML尿+1000ML水都醃唔死D菜喎...不過我仲未試...剛剛試緊2ML尿+1000ML水...

我D尿肥放左一年囉...係上年秋天做完斷食排毒，之後儲起架...果時斷食前後都係食素，都係自己煮，無乜點落調味料，食有機菜...諗住D尿乾淨D....唔好浪費，所以儲起左一樽試下囉...