生飛滋

條脷生飛滋, 好大粒, 好鬼痛...無哂心機.....
點算好 / 吃(飲) 乜好?

回復 1# hipo

資料來源 : http://yukz.com/vol/treasure/live/html/mouth.html

生痱滋成因及預防方法
--------------------------------------------------------------------------------
「痱滋」雖然細細粒，但已足以影響人食飯、講話、刷牙心情。只要食熱、酸同辣，或者稍微觸碰患處，就痛到人成個彈起，想避免呢苦楚，平日留意飲食同生活習慣實在唔少得。

痱滋成因多
家庭醫生關嘉美表示，痱滋（ Aphthous Ulcers ）屬口腔潰瘍一種,一般七至十日痊癒，最普遍是由創傷性之原因引起，例如咬傷、擦損等。
不過痱滋形成原因唔止得一個，以下中醫及營養師所講，都會促使痱滋形成：

口水分泌不足
營養師鍾英明解釋，常常口乾的人患上痱滋的機會也較多，原因是人的唾液屬鹼性，如唾液分泌不足，便不能有效中和能破壞黏膜的酸性物質。

熱氣 + 虛火上升
呢個係普遍人都知原因。中醫師關之義話，夜同唔夠休息,都會令到人虛火上升同熱氣，因此容易生痱滋。

缺乏維他命B雜
營養師鍾英明話，人體細胞分裂時，需要維他命B雜。當口腔內舊有的細胞脫落，新的細胞便會因缺乏維他命B雜而未能及時補上，口腔便容易有破損之機會。

缺乏維他命C
情況與維他命B雜相似，維他命C是幫助人體製造軟組織的營養之一，若沒有足夠的維他命C，口腔黏膜便容易破損。

口腔衛生不佳
據鍾生所講，若不注重口腔衛生，口腔內容易滋生細菌，在細菌的新陳代謝中，釋放出酸性物質，破壞口腔黏膜而導致得痱滋。

壓力大或過度疲倦
另外，壓力大或過度疲倦時，人體抵抗力降低，細菌也會因此比較活躍而容易形成痱滋.

預防痱滋3大食物
要預防痱滋，可從食物入手。
營養師鍾生話，除了最少要一日吃一個生果、吸收足夠的維他命C以對抗細菌外，以下三大類食物也可補充人體所需的維他命B雜，常吃可減低生痱滋的機會，如已患上痱滋，亦有助它的痊癒。

維他命B雜豐富來源
鍾生話痱滋的形成會在身體缺乏維他命B雜時分外活躍。當身體內吸收的維他命B雜量少，不論你是否虛火上升或口腔衛生不佳，都非常容易令痱滋出現。故應盡量多從天然食物吸收維他命B雜。以下三樣都是含豐富維他命B雜的食物:

豬湯 肝臟
想更有效地吸收維他命B雜，鍾生建議不妨每星期吃 1-2 片 動物肝藏，但不宜吃多過3安士約2片，因肝臟所含膽固醇較高，建議可放湯或與菜花同炒。

麥皮 全麥食品
麥皮及紅米都是含豐富維他命B雜的食品，常吃能有效預防痱滋形成；如已患上痱滋，則每日最好三餐中吃一碗紅米飯或兩碗麥皮，直至它痊癒為止。

海帶綠豆糖水 紫菜、海帶
建議每星期吃一次含紫菜或海帶的食物，已有足夠維他命B雜的補充。每次宜6片紫菜或2塊海帶，可用紫菜來做壽司或把海帶放入糖水中飲用均可。

痱滋舒緩法
濃茶、濃鹽水
建議用約5茶匙食鹽沖水，或以1湯匙茶葉泡茶漱口，但關醫生提醒，要讓水溫放涼後才漱口，效果較佳。一般兩三日便痊癒。

要舒緩已形成的痱滋，中醫關之義話可用濃茶或濃鹽水早晚漱口，因茶及鹽對痱滋有消炎、殺菌及降火作用，能即時舒緩痛楚及幫助加速痱滋傷口癒合，若情況嚴重，可多漱幾次。不過若超過一星期痱滋仍沒有好轉跡象，關嘉美話就必須立刻看醫生，這有可能是口腔癌的先兆，不容忽視 。

痱滋問答題
痱滋與唇瘡類同嗎 ？
不。
據關嘉美講，唇瘡是過濾性病毒引起的疹，成因與痱滋不同，一般透過接吻，與患者共用杯碗及觸摸患處後接觸自己皮膚而感染的。通常生長在嘴唇或嘴角上，外表像一粒粒的水滋，又癢又痛，一般要七至十日才痊癒。

有甚麼食物吃後容易生痱滋？
鍾英明話如果成日生痱滋，最好戒吃煎炸、辛辣食物。
另外，吃完熱帶生果如木瓜、芒果等，要立刻刷牙或漱口，因為此類生果含鬆肉粉( Papain ），會局部消化口腔內的蛋白質，令到口腔損傷，增加生痱滋之機會。

痱滋會否經Kiss 傳染 ？
會。
據中醫關之義表示，人的口水本身有抗菌能力，即有消腫治療作用。痱滋因過濾性病毒引發，故當人體抵抗力下降時，口水的抗菌能力同時減低，痱滋亦因此可經口水傳染。

口腔癌的先兆 ??
I think I only have 細菌 or 熱氣..... hehehe

Thanks for the information !

食雪糕啦!

飲涼茶啦..............

我老公之前都係脷底生飛滋.....我焗左[溪黃草]茶佢飲，第二朝就無事好番晒喇...
溪黃草我係大陸買，焗出黎好似綠茶咁..但帶少少甘，香港唔知有無得賣...
據說...對肝火旺幾好....即係夜訓，又煙酒個類....

我上次呀胶關節發炎，腫左咬唔到野，睇左幾個星期中醫...又針灸都一直唔好...後來到大陸旅行，無藥食....諗起朋友話佢個女發燒唔退...焗比佢飲就退左燒...所以咪試下囉...飲左兩日牙胶就好番喇...

所以依家放係屋企當綠茶飲....

===============
網上搵到既...
【化学成份】含黄酮甙、酚类、氨基酸、有机酸。

【性味】味苦；性寒。
【归经】如肝、胆、大肠经
【功效】清热解毒；利湿退黄；散瘀消肿。
【主治】湿热黄疽；胆囊炎；泄泻；疮肿；跌打伤痛
【用法用量】内服：煎汤，15-30g。外用：适量，捣敷；或研末搽。
【注意】脾胃虚寒者慎服。
資料來源︰本草道

我老公之前都係脷底生飛滋.....我焗左[溪黃草]茶佢飲，第二朝就無事好番晒喇...
溪黃草我係大陸買，焗出黎 ...
cklife 發表於 2010-6-30 14:40

好似x康超市有得賣

回復 2# wendy_choy_hk
補充多點:

補充維他命C及E 研究指或減飛滋復發
2010-06-22

【明報專訊】生「飛滋」其痛無比，英國註冊營養師陳國賓昨天引述兩份日本研究指出，飛滋與維他命C及E攝取量較低有關，補充足夠可減少復發，並指咀嚼含這兩種維他命的香口珠，營養成分直接經口腔黏膜滲透，有助預防復發。但註冊中醫師楊明霞指出，吃橙也有相同效果﹕「咀嚼時橙汁滿佈口腔，所含的維他命C一樣可以經口腔黏膜進入人體。」

香口珠包裝上的營養標籤指出，每兩片含0.6毫克維他命C，而一個橙的含量約為60至80毫克。

醫生﹕不應只提維他命C

飛滋正式名稱為「復發性口瘡」（下簡稱口瘡）。其中一份被引述的研究，比較了經常生口瘡與沒有的人的飲食日記，得出懷疑維他命C、B1、鈣及鐵質攝取不足與口瘡有關的結論。家庭醫生趙安慈看過研究摘要後指出，研究人員只是懷疑上述各種營養素與口瘡有關，並未證實，但趙認同此份報告的結論，理應建議同時補充維他命B1、鈣及鐵質，而不應只提維他命C。

另一份研究的結論雖然提到，補充足夠的維他命C可減少生口瘡的可能性達五成，但趙安慈稱，該研究採用高劑量的口服維他命C，加上參與研究的受試者只有16人，樣本太少，未能說明含服形式也有相同效果。事實上，該組研究人員也在結論部分指出，是次結果屬初步，日後應以大型研究再行評估。

中醫倡食療治理去心火

趙安慈稱，口瘡成因未明，缺乏營養只是其中一個誘因，而睡眠不足、緊張及壓力均會誘發。註冊中醫師楊明霞亦稱，從中醫角度而言，吃太多煎炸食物及零食（如薯片及烤焗果仁等）又少喝水，加上經常睡眠不足及面對壓力，會影響體質，導致口瘡經常復發。

楊指可以食療治理，包括粉葛鯪魚煲赤小豆湯、綠茶或以淡竹葉粟米鬚煮水喝，可去心火；多吃番茄清熱，西瓜吃紅肉外，最好吃白色的部分，亦有利清胃火。

介紹湯水:粉葛赤小豆扁豆湯

我個個月都生，有時一個口內有４粒．．．　慣晒．
瞓番夠，飲多ｄ水，搵漱口水洗下佢，好快好．

我通常唔夠訓先至會生痱滋
通常....3個月至半年先生一次, 最多都係得3粒, 平時食多d 生果

食龜0膏啦,幾work 架, 苦瓜都ok

嘩 !好多回應! Thanks !

好番90 % 啦!
其間乜都試哂....
飲雞骨草, 清熱酷, 吃橙, kiwi, 瞓覺, 效用都不甚明顯....
最後出絕招, 用鹽 lar 粒飛滋.....
好 work ! 但好死痛....極刑!!!!

嘩 !好多回應! Thanks !

好番90 % 啦!
其間乜都試哂....
飲雞骨草, 清熱酷, 吃橙, kiwi, 瞓覺, 效用都不 ...
hipo 發表於 2010-7-2 08:54

用鹽 lar 飛滋係好 work 架!
不過真係終極超勁痛喎. 我唔敢介紹你試, 居然你夠膽試, 俾十個叻你!

多謝你呢十個叻...  

"用鹽 lar 飛滋係好 work 架!"  

不單只塗上去, 重要淬佢幾下, 確保D鹽滲哂入粒飛滋 ... 呢個過程係會令你好想死! 事前要好掙扎同埋做十下深呼吸先得!

多謝你呢十個叻...  

"用鹽 lar 飛滋係好 work 架!"  

不單只塗上去, 重要淬佢幾下, 確保D鹽滲哂入粒飛滋 ...
hipo 發表於 2010-7-2 12:47

諗起都驚驚～　
我寧願用漱口水～

回復 12# hipo
唔駛直接搽「鹽」咁激阿嘩？鹽水漱口都得嘅啫。
或者含兩三片花旗參喺舌底，直到啲參片冇哂味至咬爛吞。

我地以前塞粒話梅係粒飛滋上面拿到佢白晒
拿多幾次無咩感覺, 唔覺唔覺就好返晒
不過, 我就幾年才生一兩次飛滋

其實好多方法，不过，盐係最快同有效。
平日多啲飲水，其它飲品可選擇 夏枯草，冬瓜茶，花旗參蜜，啤酒。
少飲咖啡，朱古力。