曾蔭權自取其辱

轉自 msn:

http://news.hk.msn.com/local/article.aspx?cp-documentid=4037012

概要:

．要我o地起錨，但連路線圖都冇，到時候我o地o係海中心度浮o下浮o下點算呢？

．一個推銷員，去推銷一個過期o既次貨，顧客唔收貨，你點可以話個客唔o岩？今時今日咁o既服務態度唔得o架o勒！

．今日點解要有呢個辯論？係特首有責任同市民解釋點解要支持政制方案，但聽o黎聽去，佢今日o黎就淨係抹黑我。

Selling his own proposal in his own place ~ his time, his way ....

What else could he say now for such a failure, again  ?!

今日食飯時上網睇咗整個辯論
好睇過戲

余若薇最後果段講到熱淚盈眶, 今人感動, 佢嘅熱誠打動到每個人

曾蔭權最後果段都眼濕濕, 好似俾人鬧到喊咁, 幾驚佢嚇到喊咗出嚟呀

好似俾人鬧到喊咁 --> I bet that is true ~

I don't think he had such terrible experience before selling his proposal this year ~

He used to be a boss ~ The highest ~

就係因為佢做慣大, 衰唔起
被余若薇窮追猛打, 鬧地一面都係

真係驚佢喊咖

學校老師在 Facebook 的評擊 add4icon

多謝曾特首短短時間便提供了這麼多思考及語理的謬誤，包括：循環論証、倒果為因、無窮倒退、偷換槪念、自相矛盾、人身攻擊......

一個辯論題目通常係一個無法定案的議題，例如有鷄先定有蛋先。但係昨天是一個不對等比賽。一個係無天無際的民主理想，一個係有限制的民主現實；點辯？   一個係政府機構做一世的人，只會聽本子辨事，唔做就一定錯，照做唔得時唔關佢事。佢無大家族包服，無政治理想，肯背起特首嚟做，俾番Ｄ分佢啦，真係一份工嚟嫁！

如果 港英政府 還在，今天又是什麽局面，普選港督？

一個辯論題目通常係一個無法定案的議題，例如有鷄先定有蛋先。但係昨天是一個不對等比賽。一個係無天無際的 ...
tommysze8 發表於 2010-6-18 20:10

作繭自縛，搬石頭砸自己腳，偷雞不成蝕把米，賠了夫人又折兵－－全部都是現在曾特首的最佳寫照。

點解要畀分佢？同情分？明知是「不對等比賽」，明知自己理虧，卻不自量力，欲佔便宜，反自暴其短，絲毫不值得同情。

一份工？四百萬遠超奧巴馬的領袖級年薪，原來只換來做又卅六、唔做又卅六、多做多錯少做少錯唔做唔錯、做錯就下次唔好、做唔到就有佢、低級打工仔般的工作表現？領袖的承擔何在？身價何在？

殖民時代，寄人籬下，冇普選我唔會怨，只怨南京條約北京條約。
特區時代，當家作主，基本法承諾普選，爭取普選自是理所當然。

回復 8# sammy
作繭自縛，不自量力。 但咁點解特首要咁做？ 想偷鷄? 無人知點解！

唔好講特首人工啦,是但一個局長人工都同奧巴馬差不多！領袖的承擔何在？身價何在？點答呢？

殖民時代  同  特區時代  有乜唔同？ 一個係派概 港督， 一個係 小圈子特首。   你又信 當家作主 呀？

咁多人鬧曾生, 就因為佢當咗自己係特區首席打工仔, 只會服從老閣, 佢還當自己好啱, 大大聲話: 我要打好哩份工

不過佢個口話老闆係全港市民, 心中卻只有中央一個老闆

要權要住大屋時, 佢就當自己係特首, 要做嘢佢當自己係中央打工仔, 佢冇圍護香港人利益, 只懂奉行聖旨, 哩d就係香港人睇佢唔起嘅地方

其實遲遲唔肯實行普選, 因為佢唔信香港人會有明確嘅決定, 怕香港人會選一個長毛之類的人出嚟反政府, 或者選一個庸材出嚟

講嚟講去, 就係唔信任香港人, 只係唔敢講出口啫

回復 10# 比得大帝
比得大帝  - 你就話係大帝啫，佢連小帝都唔係，只係縣官一個。
政治現實係 香港仲碌緊阿爺張咭，你可以點？  政治現實係 香港仲係阿爺個孫，你可以點？   阿爺 對內有天災，對外日日面對世界強國挑戰，香港仲係道想扯阿爺後腳，咪遲早一巴咯！   明未！     
唔係唔信你，只怕萬一有人引清兵人關。 你睇下Ｄ人，全無妥協，一定要A，一定要B，....唔係就.... 咁背後係乜，咪係攪亂咯！

英國口講民主，幾時俾過你？你有無好以澳門人有葡籍咁有英籍？

辯論中，有市民質問余若薇為何港英時代沒有爭取民主，現在才喊普選。這個親共人士愛問的問題，陶傑早已撰文代答：

...... 身 為 宗 主 國 ， 英 國 政 府 非 常 理 性 ， 從 來 沒 有 搞 過 「 文 化 大 革 命 」 ， 沒 有 向 地 中 海 飄 過 浮 屍 ， 沒 有 輸 出 世 界 革 命 ， 沒 有 跟 金 日 成 和 波 爾 布 特 稱 兄 道 弟 ， 沒 有 向 倫 敦 的 遊 行 示 威 者 用 坦 克 車 鎮 壓 ， 英 國 不 必 向 誰 保 證 「 從 此 不 走 回 頭 路 」 、 「 改 革 開 放 一 百 年 不 動 搖 」 ， 深 得 港 人 信 任 ...... 香 港 人 就 是 信 任 那 一 個 ， 不 信 任 這 一 個  ......

－－《殖民時代不爭普選》

沒 有 向 地 中 海 飄 過 浮 屍
sammy 發表於 2010-6-21 23:30

咩o黎o架?

回復  比得大帝
比得大帝  - 你就話係大帝啫，佢連小帝都唔係，只係縣官一個。
政治現實係 香港仲碌緊阿爺張咭，你可以點？  政治現實係 香港仲係阿爺個孫，你可以點？   阿爺 對內有天災，對外日日面對世界強國挑戰，香港仲係道想扯阿爺後腳，咪遲早一巴咯！   明未！     
唔係唔信你，只怕萬一有人引清兵人關。 你睇下Ｄ人，全無妥協，一定要A，一定要B，....唔係就.... 咁背後係乜，咪係攪亂咯！

英國口講民主，幾時俾過你？你有無好以澳門人有葡籍咁有英籍？
tommysze8 發表於 2010-6-21 17:43

甚麼縣官?
小市民一個而已

天災人禍, 好似同民唔民主冇關, 老豆搵食艱難, 唔係等於可以番屋企就專制

怕引清兵人關?  
咁唔好講"唔係唔信你", 係直頭唔信啦, 香港人人都有份, 真係民主就會夾手夾腳一齊搞彎佢?

全無妥協?  
民主係冇妥協嘅, 冇半民主, 變相民主....

英國口講民主?  
英國佬時殖民地政府, 冇話過民主?

有無好以澳門人有葡籍咁有英籍？
哩個係現實考慮, 同民主亦無關, 是嗎?  葡國跪响度都冇人去啦, 而且澳門人少, 俾個葡籍出嚟, 你睇得幾多個澳門人去葡國?  你又睇申請英籍護照時, 差不多所有香港人都去申請.

咩o黎o架?
oneonewe 發表於 2010-6-21 23:47

此乃用文革典故。文革期間，不少人被鬥死，時有五花大挷的浮屍從大陸飄來香港。假如英國有文革，死屍應飄到地中海吧？

此乃用文革典故。文革期間，不少人被鬥死，時有五花大挷的浮屍從大陸飄來香港。假如英國有文革，死屍應飄 ...
sammy 發表於 2010-6-22 00:12

呢個政府....好恐怖

此乃用文革典故。文革期間，不少人被鬥死，時有五花大挷的浮屍從大陸飄來香港。假如英國有文革，死屍應飄 ...
sammy 發表於 2010-6-22 00:12

英國都唔係 "歐洲" 國家，點會飄响地中海呀？

英國都唔係 "歐洲" 國家，點會飄响地中海呀？
marcuslee 發表於 2010-6-22 00:18

才子天馬行空, 有時會粗枝大葉, 你有冇睇《修理陶傑》?

才子天馬行空, 有時會粗枝大葉, 你有冇睇《修理陶傑》?
sammy 發表於 2010-6-22 00:23

哦，睇漏咗添