我都算忍耐力超高, 可以用咗佢兩個contracts
和記寛頻越嚟越慢, 原因係大廈多人用咗唔夠分
第二個contract約 $128, 快到期, 和記當然狂打電話嚟
第一個電話: 多謝你用咗我地寛頻咁多年, 我地依家以優惠價$99給你續兩年
我話: 你當我白痴呀, 依家你到在我屋企樓下做緊$98, 送$50百佳禮卷, 還有甚麼東西送, 我唔記得咗
佢又話: 果d係俾指定屋園的
我話: 咁你做吓功課先打嚟俾我吖, 我去樓下問過我依度就係指定屋園
收綫
幾日後第二個電話: 多謝你用咗我地寛頻咁多年, 我地依家以優惠價$138給你續兩年
我話: 你有冇check個我個file呀, 早幾日果個拎住個$99plan都俾我鬧到pk, 你夠膽拎個$138同我講嘢
佢又話: 我地冇$99plan
我話: 我唔想聽咁多無謂電話from你地, 唔該你寫喺我個file度, 拎唔到個平過$98, 送$50百佳禮卷, 還有甚麼東西送的, 不要打電話俾我, 附註埋: 此人鬧人好勁
你有你話, 佢有佢打, 大大話話收到十個電話, 每次都俾我鬧到開花, 不過咁, 我每次都同佢地講: 你做得和記就預咗俾人鬧, 況且我係鬧和記, nothing personal, 不過我唔鬧你就鬧唔到你公司
終於有個拎唔到個平過$98, 送$50百佳禮卷, 還有甚麼東西送的plan, 打電話嚟
我同佢講: 錢係面子問題, 你地service真係好好好好唔掂, 我都係決定轉台
於是打電話去cut綫, 當然係聽咗98段錄音, 按咗3次身份証頭6個位數字, 先聽到一把人聲
我同佢講cut綫, 佢好有禮貌話: 其實我地可以用每個月$50優惠價俾你, 你唔會考慮
我話: 你地哩d咪叫做pk囉, 唔到死果一秒都唔攞個plan出嚟, 成日當d客戶係白痴, 略得你略, 不過我依家轉咗pccw, 你都知人地貴你好多, 我都轉, 就係因為你地真係好唔掂.
各位, 唔想俾人當白痴, 最好唔好用和記 |