應廢除丁屋權

新界原居民獲丁屋權

丁屋政策存在是反映了香港政府的無能, 一個完全不合理, 不公平, 不合時而的政策, 竟對被一班既得利益者弄得朿手無策, 亦反映了唔駛講理, 夠惡就大哂

所謂的新界原居民, 唔理你是否居住香港, 或三代移咗民, 唔駛做都有間三層樓, 住唔哂又可以賣咗去搵一筆, 而香港人做餐死都冇個殼.
最諷刺香港土生土長的, 做到死都搵唔到個殼, 有個原居民移咗民外國, 生咗個半唐蕃, 個半唐蕃都唔知香港响邊度, 佢又可以分塊地, 如果哩個半唐蕃娶個蕃妹, 生個四份一唐四份三蕃, 金頭綠眼又好, 黑炭頭又好, 中文都唔識, 佢又叫做新界原居民, 又有地分.

當我地買唔起樓, 而人地又生出嚟就有塊地, 嘆一句, 對住啲無能嘅政府, 夠惡就得咖嘞

參看丁屋-歷史:

1967年六七暴動後，及1970年代政府計畫發展新界，為了得到新界原居民的支持，當時的香港政府於1972年12月實施的“小型屋宇政策”，規定年滿18歲，父系源自1890年代新界認可鄉村居民的男性香港原居民，每人一生可申請一次於認可範圍內建造一座共3層高（上限27呎／8.23米高），每層面積不超過700平方呎的丁屋，無需向政府繳付地價。
政府同時定立“限制買賣轉讓條款”，規定擁有丁屋的原居民如果想把丁屋出售及轉讓予非原居民，需向政府申請作補地價，並取得地政專員書面同意，才可進行。興建丁屋的土地，通常是位於新界或離島的村落或農地。根據新界鄉議局的估計，擁有申建丁屋權利（俗稱“丁權”）的原居民（只限男性）有24萬。
1973年制訂的《差餉條例》則規定在鄉村範圍內的屋宇，包括丁屋，可獲豁免繳交差餉。1987年，政府把條例作出修訂，丁屋及村屋需取得由地政處發出的豁免紙後，才可興建。

丁屋-改革及爭議
     
1995年8月，香港政府曾經檢討新界小型屋宇政策。雖然根據《香港基本法》第40條規定，新界原居民的原有合法傳統權益，在香港主權移交後仍然受到保護，但在1997年7月1日前，仍有大量新界原居民向香港地政總署提出興建丁屋申請，令丁屋申請一直積壓。地政總署擬於2004年4月1日開始實施“新審理丁屋申請程式”，但其後因原居民反對而暫時擱置。
一些非原居民的香港市民，質疑丁屋制度令新界原居民享有特權。聯合國消除對婦女歧視委員會，曾表示只有男性可享有丁權的丁屋政策，對女性造成歧視。
合和實業主席胡應湘曾建議政府實施“丁權證券化”，讓擁有興建丁屋權的原居民，可以將發展權在市場上自由買賣，以增加新界土地供應。
由於香港可供發展的土地越來越少，為了善用土地資源，政府在2006年2月建議放寬地積比率，嘗試准許原居民興建超過3層的丁屋。政府計畫先在沙田排頭村、上禾輋村，及元朗蝦尾新村進行試驗，興建高達20層的多層丁屋，預料可提供2000個丁屋單位，希望可解決積壓的申請個案。長遠而言，政府亦正研究“一次性”解決新界男丁興建丁屋的安排。

唔好中佢計呀, 哩d又係幫緊地產商諗埋買咗丁地點樣發展

政府唔係要討論將來點安排佢地, 而係要盡快取消咗丁屋政策

丁屋政策養肥左班原居民,令到佢地更加財大氣粗,
部分人更不務正業.

鬼佬都可以係香港嘅新界原居民, 我地百分百中國種在香港出生都唔算係原居民!!!add8icon

嘩, 咁起廿層咪賺死佢!!

我聽過有d 圍村, 男丁唔洗做都有錢分,
係每個月都有錢俾佢洗, 幾鬼好

雖然多左樓供應有利打壓樓市, 令樓價下滑
但講真, 薪金一直都上升得很慢, 有時甚至比唔上通賬,

加上香港人的競爭力大左, 通街都係大學生
想買樓....難上加難

丁權好似係有權起屋，塊地 要自己出。
有d 圍村係靠村屋收租,  靠塊田/空地收租, 靠賣地收錢, 男丁係唔洗做都有錢分。

取消丁屋政策? 難矣！

註 - 我係城市人。

丁權好似係有權起屋，塊地 要自己出。
有d 圍村係靠村屋收租,  靠塊田/空地收租, 靠賣地收錢, 男丁係唔洗做 ...
tommysze8 發表於 2010-6-3 19:32

塊地邊度嚟?

昨日班鄉民又去衝擊鄉議局, 燒林門鄭氏紙人, 留黃髮身為行會成員, 居然知法犯法, 教唆鄉民拖延執法.  哩個係乜嘢社會?  可以有一班人一出世就有三層樓, 還要違法加建, 要佢拆暴力抗拒, 總之一味靠惡.

如果今次曾政府唔依法辦事, 對市區和丁屋大細超, 無論大英細英上場都好, 點有管治權威?

丁屋權本身就係錯事, 分化社會, 重男輕女, 已不合時宜, 乃港英政府留下的爛攤子.  可笑的是有一班外國出生的[原居民後代], 香港响邊度都唔知, 佢可以聲言自己 "I am born with six million dollars".  

強列要求廢除丁屋制.

比得大帝 發表於 2011-11-29 16:35
昨日班鄉民又去衝鋒槍鄉議局, 燒林門鄭氏紙人, 留黃髮身為行會成員, 居然知法犯法, 教唆鄉民拖延執法.  哩 ...

讚成！

~~~強烈要求廢除丁屋制.~~~我都好贊成, 不過, 你睇呢班人, 冇人夠膽動佢哋一條毛!  宜家講拆走一層都要殺人咁樣, <<<廢除丁權>>>講吓都唔得, 攞你條命都似.

都唔明白點解做新界原居民就有丁權, 同係香港人只不過住九龍, 我哋對上三代都係香港都冇得分, 真係唔公平

金盞花 發表於 2011-11-29 23:47
~~~強烈要求廢除丁屋制.~~~我都好贊成, 不過, 你睇呢班人, 冇人夠膽動佢哋一條毛!  宜家講拆走一層都要殺人 ...

點解新界原居民有丁屋, 香港九龍原居民冇丁屋?

因為佢地夠惡, 夠自私.  

你看訪問那些新界原居民時, 他們說佢地先人保護香港, 打日本仔, 有功於香港  1, 我唔信個個新界原居民都有打日本仔, 話唔定好漢奸添, 點話得埋呀?  2. 我好相信好多香港九龍原居民都有打日本仔, 可能比新界原居民多.

點解話佢夠惡, 如果唔係怕佢惡, 港英政府當時就唔駛買佢怕.

點解話佢夠自私, 如果唔自私就唔好分香港, 九龍, 新界, 共同進退, 你要丁屋權就會香港人都有.  就因為佢地明白, 如果全香港人都有丁屋權, 係行唔通, 就只為自己爭取.

當時港英政府又係廢柴, 以為新界地方唔值錢, 又不顧香港長遠發展, 才有這些誇世紀笑話.

基本法唔係聖經, 寫基本法的人唔係聖人

而且聖人都有錯吖, 丁屋權這部份120%係錯, 點解政府唔敢面對, 真係可以靠惡?

其實, 我就覺得, 這是歷史留下來的問題, 亦需要時間去解決。

問題是, 今次他們的行動是太過份激烈了!

有意見, 可以心平氣和商討, 在立法會某上議員有的激烈行動, 我們都不會接受吧!
為什麼"原居民"這樣的反應就是對呢?

而這是政府的政策, 而且只是要求他們把有關"建築物"登記，希望作出合適的安排, 也不是命令清拆, 政府也作出讓步了, 還不滿足?

林太都是受命執行, 為什麼要咒罵她的家族?
原居民都是講究"家族傳統"的一群, 倒轉被咒罵又是什麼感受?

不過, 亦有一陪份原居民是合理, 也沒有違規 (當然不是指這次激烈行動的人啦), 所以他們這次的行動, 反而使一般市民對原居民更加反感, 唉.......

我姐夫就喺不務正業，成世人一個廢物。
佢最有幸是娶到我姐姐，生咗,兩個仔，又有得分。

種壞哂

我有點懷疑原居民的戶籍記有沒有駁懞.  我識得個村長, 見就得一個仔, 總之好多樓出租, 又話遲一點又有二棟出租, 都唔知佢出面係唔係好多私生子.

我覺得那些在外國出生的, 都唔知有沒有假嘢, 好多地方攞出生紙有甩漏, 冇香港咁嚴謹.

vivi 發表於 2011-11-30 10:02
其實, 我就覺得, 這是歷史留下來的問題, 亦需要時間去解決。

問題是, 今次他們的行動是太過份激烈了!

正如剛才說, 丁屋權錯咗就係錯咗, 基本法唔係聖經, 社會唔可以被一本錯嘅書綁死一世.

最好哩班友搞大佢, 越亂越好, 最好暴動, 惹起社會關注, 團社社會力量, 要求推翻丁權制.

比得大帝 發表於 2011-11-30 12:08
正如剛才說, 丁屋權錯咗就係錯咗, 基本法唔係聖經, 社會唔可以被一本錯嘅書綁死一世.

最好哩班友搞大佢, ...

都係咖, 係佢地自己攪大件事嘅, 本來d人都唔記得啦
而家野起民怒, 有人冇屋住,
有屋住, 重要多多聲氣, 政府今次想偏幫都難喇
睇將來呀"特首"點攪掂佢喇

旣得利益者成日話丁屋係歷史遺留落黎旣問題，咁有問題就要解決。咁綣戀D殖民地政府旣懷柔政策，咪即係唔愛國囉，又點應該可以成為當然議員。

佢地自己攪大件事~比人知道佢地所謂既權利!!!!

其實有d圍村都近...消失..很快圍村會變成歷史...只留下沒有牙力的老不死...