百里香的盤底成日都有一點點白色的蟲仔

我爸幫我在花墟買了幾棵香草, 放係露台種.
p.s. 我個露台向東北, 冬天曬唔到, 一到夏天(而家), 就由朝早陽光曬到夕陽都有. 是否合適呢?


請問呢隻係咩薄荷呢?

薄荷

迷迭香, 好似幾茂盛咁, 使唔使剪咁d?
今朝見到有d蜘蛛網, 跟手就見到條綠色肥蟲, 咁我就咁挑走佢, 抺走d蜘蛛網, 是否就可以啦?!

迷迭香

我爸話呢隻係百里香, 但我睇書又唔似喎, 請問係咩種呢?
今朝俾佢曬左幾個小時太陽, d 葉燶左, 我就收番去陰地方.

百里香

呢隻話係歐芹, 係咪 italian parsley or chervil??

歐芹

最後驅蚊草, 我聞過應該係玫瑰天竺葵

驅蚊草

我第一次種香草架咋, 之前種親紫羅蘭都死架, 所以今次去左圖書圖借左書番黎研究

希望大家俾d心得/意見, 話我知點種好啦.

唔該晒!!!

露台可以全日照嗎?
如果是全日照, 正午時要遮蔭, 或種些高大植物, 將香草置在樹蔭下, 這種做法最好. 大樹除遮蔭外, 還可以稍為降溫, 濕度也維持高點. 如果有專人幫忙打理, 可以混點沙來種, 土壤通透會生長得更好, (但保水力低, 要注意補充水份)否則用培養土或普通園土都可以.
紫羅蘭死是太熱焗所致, 香草較粗生, 應該可以.
你那株是班葉百里香
驅蚊草是天竺葵的一種.
所知是這樣了, 希望幫到你.

你那株應是green mint,但我看唔清楚.希望幫到你.

原來是班葉百里香 同 green mint, 真係唔該晒兩位!

正午曬唔到, 咁應該可以 thx

歐芹D葉邊黃晒係咩解究呢?? 我有俾足水, 又夠疏水架喎?!

係咪曬得多呢?

回復 5# kkcy0921

可否形容一下環境?
和有沒有相?
應該是通風不夠(現皆段估的)

是parsley不是chervil

parsley要晒, 好晒, 不過唔係熱
好多網友混淆了以為晒死其實係熱死

是百里香而且應該是檸檬百里香

全部都能晒, thyme和rosemary特別需要晒
但偏偏兩者怕熱, thyme更怕

祝好運

[img][/img]

回復 7# gtrnismo

如圖.
又要曬又要唔熱.. 好難應乎喎...
呢幾日俾佢曬多少少, 好似冇咁黃啦

回復 9# kkcy0921

你好, 我看完你的回覆, 我立即去影了自己果棵給你看看。

歐芹我都有種，但黃的地方很少。
（因為我要伸手出窗影，角度會得不好，請見諒。）






我的歐芹生活環境：
1. 算是室外(窗台), 通風OK, 有微風, 打風可能被吹落街(因還未試過), 但落雨就不太關它事。
2. 我住公屋(詳細環境請看我的post), 對面有坐樓, 是有太陽, 但應不算直射了...!
3. 我見你奇話又要有太陽又要不熱...我想我的就是了, 因我見它常常有風擺下擺下, 有陽光但不是直射...

希望幫到你吧,
雖然我都好似無咩答過你的問題.

um... 你d葉同我d葉好似唔係好同咁.
不過我會俾佢曬多d, 睇下有無好轉

大概種幾耐先可以拎黎煮食？

回復 12# agneslsc

基本上你修剪落黎的葉已可煮黎食

上個星期落足成星期雨, 棵Parsley 死得咁滯, 俾我拔就左一株.
另一株睇佢頂到幾奈

重有, 我想請教大家, 點解我盤百里香的盤底成日都有一點點白色的蟲仔.
係好細粒, 只係一點的, 唔細心睇係唔知佢會郁的. 淨係盤百里香盤底先有架喎?!?!

點解會咁?

全部都能晒, thyme和rosemary特別需要晒
但偏偏兩者怕熱, thyme更怕
gtrnismo 發表於 2010-6-11 01:56

虛心求教!

要晒但怕熱，我R爆頭，唔知點先至可以整個咁既環境出黎。我向北既露台，朝早右邊有太陽可以射到，黃昏左邊有太陽可以射到，應該夠晒，但中午熱到亞媽都唔認得。

我自己間房向東，無太陽直射，只能有散射光，唔會熱因為可以開冷氣，或者開窗都幾涼。但係就無太陽射到喔....

咁係咪即係....我露台春秋天先可以種，其他時間唔好種。而房...就幾時都種唔到呀?

我好想種THYME...因為要黎整野食，依家種係露台，無死到...不過生出黎既枝條就好幼咁.....我依家將佢塞左入厠所，因為怕熱死佢，厠所同露台同一個方向，但因底左一層無咁熱，但太陽唔可以直射(放磨砂窗邊)，只有散射光。


佢係咁晒太陽


新生出黎既好幼咁樣....


怕睇唔清楚...用毛巾遮光，再影多張

虛心求教!

要晒但怕熱，我R爆頭，唔知點先至可以整個咁既環境出黎。我向北既露台，朝早右邊有太陽可以射 ...
cklife 發表於 2010-7-3 07:38

    我起初都R head R到爆

其實係感既, 香港夏天根本不太適合種百里香, 冬天就可以。

我之前買過city 咩爬果D盆種好既百里香, 種極都香真係百里都香晒

解救方法就係我用種子發芽而且買亞洲種子, 希望佢本身體子習慣開暖D地方

而家我既百里香應該有5年, 一到夏天就樣雖雖(太熱), 到秋冬我儘量繁殖多D等佢夏天唔好死晒

我因為種室外亦儘量將百里香隔離既環境種多D小樹, 降溫之余又不直接檔著陽光就可以儘量營造到"不熱+全日照"的效果

唔該呀....我仲係度研究緊間屋每個地方既溫度同日照....希望搵到好方法等佢生得好D...