小巫種植手記~[更新:02-02-2011]

小巫~

好叻呀~你種得越來越靚呀~

請問百香果由種子種起幾耐先有果果收成?

#1 的燈籠椒要種到幾高先有花結果呀?
用 5" 盆種可以嗎?
街市那種正方型椒?

回復 42# 農夫


   農夫:你好, 我都唔知要種幾耐才有果,之前睇另一位花友講種咗6年才開花結果, ,唔知種一年有冇機會開花結果呢???

回復 41# BanbieChan


    公主,你好,你種嗰d仲靚啦,最開心就係睇到你用d香草,蔬菜入饌,見到都口水流.

回復 43# 夜魔


    夜魔,你好,我挨咗好耐(大約9個月),棵燈籠椒才識得大,佢哋大約8吋高才有花冧,要d燈籠椒結果,我都比咗d海藻水淋佢哋..

回復  BanbieChan


    公主,你好,你種嗰d仲靚啦,最開心就係睇到你用d香草,蔬菜入饌,見到都口水流.
小巫 發表於 2010-8-5 09:45

嘻嘻~實在太會說話了~

回復  農夫


   農夫:你好, 我都唔知要種幾耐才有果,之前睇另一位花友講種咗6年才開花結果, :time ...
小巫 發表於 2010-8-5 09:39

如果係咁,插枝同壓枝好d啦~

青瓜種到畸形,昨日借咗本關於植物病蟲害的書,話d青瓜生到畸形,都是因為有病>>>



d作物太多蝸牛仔和千足蟲,昨日終於試用茶籽,還做了個小測試,將d蝸牛放在茶籽水中,多個小時後,d蝸牛仔全部死晒

熱情果近況

好多白花蛇舌草,可以煲涼茶了


早幾日買咗棵心葉毬蘭,幾日後出咗片新葉

快要搬屋了,d花花菜菜都要一起搬,好煩惱!!事關有幾棵花花超大棵,都唔知點搬.
早幾日發現種咗4個幾月的洛神終於有花冧了,但不是最大嗰棵有花,而是同期另一棵細的.
這是最大嗰棵,但還未有花冧>>>

最近一次大雨,令到這大棵洛神斷裂了,我用了竹枝扎實,佢都沒有死,現在巳好大棵了>>>

這是比較小的洛神,巳有花冧了>>>


另外還有2棵洛神,其中一棵今早都發現有花冧,真開心!!!

還有最近都種咗d瓜菜.
脆玉瓜巳有花冧,唔知有冇分花仔和花女呢?


唔知這棵是不是艾草>>>

聽花老師講,種一棵艾草,就可以生到週圍都係,咁樣算唔算>>>(盆底都可以生出來)

最近種在洛神下的到手香>>>

芝麻菜快可以吃了>>>

種在脆玉瓜傍的櫻桃蘿蔔>>>

芝麻菜,生菜和一棵櫻桃蘿蔔>>>

自從2001年10月搬屋後,好多心愛嘅植物都難逃一刧,終於11月份的起心肝,從頭來過,終於又有收成了..
櫻桃蘿蔔最可愛



紅葉生菜和羅馬生菜成長中>>>



這是今天巳羅生和紅生>>>




它們都是我從一粒粒小小的種子用心栽培出來的..
在此祝福各位新年快樂!!萬事勝意!!和氣生財!!!
恭喜恭喜!!

我係啱啱學種菜ga, 請問你係用咩泥種呀? 另外我見你話試用茶籽粉, 效果好唔好呀?
你好有心機呀, 我希望我啲菜菜都可以種得成功啦!

hugopoodle ,你好,我種咗菜都唔係好耐,經驗係慢慢累積番來的,比d心機種啊!!
我d泥都係d普通嘅黃泥,+d沙,炭碎,德國黑泥,再+d肥料(花生麩,骨粉,雞屎肥,紅牛鉀,等等...)和水,然後放落黑膠袋內,等待一頭半個月就用得,你可以在這段時間內,發定d種子,到咁上吓時候d苗苗就可以種落d肥泥內..
茶籽粉,效果都係一般,不過d泥而家都無乜蟲,我而家多數用網網保護d植物..

回復 小巫 的帖子

原來個泥膽要落咁多種嘢, 我去上水馬x興菜種行, 個哥哥話其實用咩泥都種到, 佢就叫我加啲豐收一號落去啲泥度, 嘔佢10日先好放苗落去, 我而家諗住試吓先! 因為我都係試種最容易嘅生菜, 已經發咗芽喇, 好開心! 咁你追肥係落咩嫁?通常播種後幾耐先要追肥呀?同埋你用嘅防蟲網係點嫁?

我好多個月前用咗d菜葉(好多)+花生麩,吽咗d肥水,每個星期一,都係我嘅施肥日子(如果有空),通常我d菜苗種到有4,5塊葉,移咗落大盆,再等幾日適應咗新盆,就可以追肥,我會將d肥水開稀(+8,9倍水),用來淋菜菜,到d菜菜大d,就加多小小雞屎肥,骨粉,鉀肥喺面,每隔10日,落一次肥,直到d菜菜長大為止..
我d網網係普通嘅網布,好似蚊帳布,我喺深水埗d賣布市場買的..
這是我吽咗成年嘅肥水>>>

今日影嘅菜菜(紅生菜和羅馬生菜)>>>