新手—介紹自家天台

各位前輩好！

我看了這個網站3個月了，很多前輩的經驗令我受益良多，但始終沒有膽量上O黎，因為只是新丁一名，我可始種花只有三個月。今日的起心肝，希望有前輩指導！首先，介紹自家天台。

你的天台很整齊,種的花兒也很美,多來這裡交流一下心得

原帖由 vincentma 於 2007-12-29 09:01 發表
各位前輩好！

我看了這個網站3個月了，很多前輩的經驗令我受益良多，但始終沒有膽量上O黎，因為只是新丁一名，我可始種花只有三個月。今日的起心肝，希望有前輩指導！首先，介紹自家天台。 ...

我都係响天台種花花, 不過你d整齊好多, 我d好似擠迫戶咁住封一齊 , 但我想建議你d花花搵嘢乘起佢, 因我聽人講話天台個地全日曬住會好興(熱), 會傷花花d根, 雖然我只係新手一名, 但都希望可以交換吓天台種花大法

圖8是蟹爪？幾靚哦！

新天台啊？多種啲木本植物，如果有地方嘅木本或者草本嘅攀藤植物都幾好，可以遮蔭之餘可以散熱。如果唔係，好多草花放在天台一日都吃不消啊

冬天天台係一個非常好的地方 小心夏天

水仙都好多盆喲
好清爽的花園

好多謝 Jade, 呵呵笑，Fonica, prodorothyhkg, yuwaiman 等前輩的分享，估唔到出左街半天，已經有五位前輩指導，真是令我非常驚喜！你們的回覆對我真是很鼓勵。這個天台已經有十年，但之前小朋友細，有時間都掛著幫他們溫書，所以很少到天台，現在小朋友大了，不用太多照顧，所以有時間照顧下天台及發展下自已興趣，(女人就是這樣! 不能停下來的！)

yuwaiman, 請問是否所有花都要承起嫁？ 用 1cm 高的瓦磚得唔得嫁 ? 會唔會矮得滯

呵呵笑，看你的大作已經三個月，非常羨慕你這麼專業、愛花惜花之人！ 估唔到可以跟你在這裡溝通溝通，以後將會很多東西請教，不要嫌棄我煩啊！我剛剛在工聯會學完雕刻水仙，所以有點 crazy, 我已經雕了十幾個蟹爪水仙，不個，唔係個個見得人，但相信是在進步中，我前幾天在花墟又買了十個，每星期雕兩個，希望到過年有些0野睇下啦！

Fiona/Jade, 你們見到的天台一角是最整齊的，其他角落都很 messy！希望慢慢整好佢

間屋仔好童話啊~ 我都諗緊住三樓連天台可以種花.

樓主, 其實我都唔係好知嫁, 不過聽過人地咁講咪照做囉, 又冇壞嘅

間屋仔是親戚搬屋留低，我用0黎做工具屋，幾實用，不過打風都幾大鑊，要用繩綁實，不然，屋頂都吹走，我都好擔心打風時怎樣收埋0的花？  

又有些照片，是比利時杜鵑，除了矮牽牛，我覺得是幾 arm 新丁如我學種的，夠漂亮！

三個月已有這樣的成績，真是不簡單啊！看來你是天生的「綠手指」呢！

WA~~~ 種左3個月花就已經種得咁有睇頭~~~好西利ar~~

原帖由 vincentma 於 2007-12-29 18:30 發表
好多謝 Jade, 呵呵笑，Fonica, prodorothyhkg, yuwaiman 等前輩的分享，估唔到出左街半天，已經有五位前輩指導，真是令我非常驚喜！你們的回覆對我真是很鼓勵。這個天台已經有十年，但之前小朋友細，有時間都掛著幫他們溫書，所以很 ...

係ar~~~夏天時天台超熱勁曬~~花花都會頂唔住~~試下用遮光網ar~~~
有小朋友ge話~試下同小朋友一齊打理d花草ar~~當同小朋友ge一種親子活動都好~~~
如果同小朋友一齊種d小蔬果~~~到有收成時小朋友都會好開心ga~~ 或者當從小比小朋友培養中意種野ge興趣~~XDD

[ 本帖最後由 阿晴 於 2007-12-29 23:56 編輯 ]

多謝鼓勵！我都是到花墟買花苗，然後換盤、加泥而已！最有成功感就是矮牽牛跟比利時杜鵑 jah !其間死了幾個品種啊！看見前輩們由種子開始種這麼多花花草草，真是由心羨慕啊！ 不過，我想自已都是由花苗開始種多些品種又死唔去，才會嘗試由種子開始呢！

小朋友已是青少年，不彈自已的作品已多謝了！他們有自已的天地 lu ！

另外，想請教各前輩問題，請看附圖。

好整齊好靚的天台花園呀~~
我都覺得襯埋間屋仔好有童話feel呀

多謝欣賞啊！我都很喜歡上天台休息，透透氣！

請問有沒有前輩解答我之前兩張相片的問題呢？

好靚，3個月已有如此成績，努力。

睇下自己個天台   要努力d。

原帖由 vincentma 於 2007-12-30 08:54 發表
多謝鼓勵！我都是到花墟買花苗，然後換盤、加泥而已！最有成功感就是矮牽牛跟比利時杜鵑 jah !其間死了幾個品種啊！看見前輩們由種子開始種這麼多花花草草，真是由心羨慕啊！ 不過，我想自已都是由花苗開始種多些品種又死唔去，才 ...

第2棵個樣好似榕樹喎

原帖由 vincentma 於 2007-12-30 08:54 發表
多謝鼓勵！我都是到花墟買花苗，然後換盤、加泥而已！最有成功感就是矮牽牛跟比利時杜鵑 jah !其間死了幾個品種啊！看見前輩們由種子開始種這麼多花花草草，真是由心羨慕啊！ 不過，我想自已都是由花苗開始種多些品種又死唔去，才 ...

茉莉係夏季花卉。呢個時候應該修剪佢，間中淋下水就得啦。到佐春天時佢會自己再標新葉芽出嚟，果時要加肥，然後曬太陽，水、肥、太陽對於茉莉開花好緊要，每次開完一輪花後再修剪，然後落肥，再開花。我屋企棵茉莉種佐十年有餘啦！