塘泥問題

大家好,,請問我想用1/3塘泥再加2/3靚土黎種植花果

咁買返黎又硬又好似石頭仔咁大粒的塘泥,需唔需要整散佢先溝靚土呢?

請指教

大家好,,請問我想用1/3塘泥再加2/3靚土黎種植花果

咁買返黎又硬又好似石頭仔咁大粒的塘泥,需唔需要整散佢 ...
window95 發表於 2010-4-12 08:17

塘泥加水會變泥漿喎

咁點解又有人用黎種花呢 ?

應該點樣用法?

請指教一下

塘泥要敲碎混合其他泥來用.

回復 3# window95

咁點解又有人用黎種花呢 ?
應該點樣用法?
請指教一下
window95 發表於 2010-4-13 23:58

window95,


咁點解又有人用黎種花呢?

= 塘泥主要係比木本植物、果樹、花木、室外植物、盆景 或水生植物等栽種使用，
    例如扁柏、檸檬、白蟾、睡蓮。

   因為大型木本植物普遍喜好壤質土，而且較厚重的土質才能支持起上面咁重嘅枝幹。
   水生植物使用塘泥因它黏重，沉底不浮水。

   塘泥是植物喜愛嘅天然植料，最接近花草樹木生長的土質。
   一提，普遍家庭用的是科學泥，科學泥係植物腐化後成的物質 + 化工原料混合成，
   用來模仿植物生長的土壤，但並不是天然泥土。

   在戶外種植盆栽的情況，
   塘泥比起淨用科學泥/泥炭土好，
   因為在戶外用泥炭土種植的盆栽，好多時都會因大雨過後盆土積水，容易爛根。
   而且夏日曝曬後，盆土亦乾得好快。
   土質太輕，大樹盆栽在颱風時還有倒伏的危機。

   - 塘泥黏性好，使土壤可形成顆粒狀，保水力好，好有肥力。
      缺點是排水性及透氣性欠佳，長期曝曬會板結或不去水。

   - 泥炭土好處係輕(易運送?)、衛生、保水性佳、可用作土質改良等。
      但幾乎不含養分，使用前應另加基肥。

   其實兩者最好都係混合其他植料使用。

   
   ◎...非常好    O...ok la    △...麻麻哋    ╳...no good

- - - - - - - - - - - - - - - - - - - - - - - - - - - - - - - - - - - - - - - - - - - - - - - - -

應該點樣用法?

= 我自己會用鎚仔打碎，或者倒哂落花槽淋水待它稍軟後，用鐵耙 耙碎佢用。
    唔知其他花友有冇第d方法？

    另外，塘泥我一般會混合其他植料嚟自製花泥種嘢 ：
    [ 塘泥6 + 泥炭土3 + 堆肥1/3 + 碎石1/3 + 真珠石1/3 ]
    種好多種草花、木本都適合的。


希望幫到你 ^  ^

回復 4# zero1
回復 5# 阿晴

解釋非常詳細及有用,,多謝

前日我試過整散左1/3盤塘泥至泥沙型狀,再加2/3靚土溝埋,結果等左好耐盤面仲有好多水去唔到

後來我就咁一舊舊塘泥再溝靚土,,暫時疏水能力非常好,,果晚盤白蟬即刻開3朵花比我睇,,超開心

請教閣下是怎樣堆肥的？

我見樓下公園既花王係將塘泥放係其他泥既面 @@

我都係一層一層咁堆,冇乜技巧,盤面再加多一層塘泥淋水時沖一沖

回復 7# siubox

請教閣下是怎樣堆肥的？
siubox 發表於 2010-4-15 22:28

siubox,

你係咪問我？ ^///^

我自己主要係買市售的堆肥(吉G島$10店有售)或是有機肥，或者用粒狀緩效化肥，
因為我沒有自製堆肥。

▼ 吉G島$10店園藝部 / 熟成堆肥.


但以我所知方法是：
- - - - - - - - - - - - - - - - - - - - - - - - - - - - - - - - - - - - - - - -
- 堆肥材料用廚餘或者剪落黎嘅枝葉、天然物質，不過有病有蟲嘅唔好用。
  有的人會放入蚯蚓製作蚯蚓堆肥。

- 先在底鋪一層泥，再鋪有機物，最後再蓋上一層泥，一路咁做。
  可以定期攪一下等佢混合和滲入空氣。

- 容器方面..有人用木箱，有人用桶(要加排水口)，有人用發泡膠箱，
  有人用垃圾桶，有人用麻布袋....

- 要放在陰涼的地方，
  及防止雨水和害蟲進入。
  最重要保持通風同唔好太濕，
  太濕，入面的物質會腐敗變臭。

幾個月後變哂黑色化哂，睇唔到大嘅殘件，好似花泥咁，
臭味減少就可以用。最好係完熟先拿出來用。
- - - - - - - - - - - - - - - - - - - - - - - - - - - - - - - - - - - - - - - -

詳細的方法及注意嘅地方，
你可以到農業版或"園藝工具篇"爬吓文可能會有花友有教，
或者用園藝館搜尋器搜索 →堆肥← 找文章，
另外，書店有時亦會有賣介紹製作堆肥的書。

這裡找到篇舊帖<堆肥桶>，裡面有討論製作堆肥的要點 ：
→ http://www.hkplants.com/thread-35460-1-4.html ←
應該會幫到你 ^  ^