迷迭香就枯死咁……

可以點救佢 thx thx

剪出未乾的部份插枝, 如果真的是乾枯的話

回復 1# dickymx5
1 剪枝再插種
2 挖出盆撿查根部睇吓咩事
3 你要講埋平時點打理佢先得架！唔好要人估你點種佢至攪成咁，
   否則人家畀你嘅救援方法同樣都係估估吓。

無打理佢架，每日俾少少水佢，泥就溝左50%既沙落去。

前排剪左幾條去插,唔出根不特只，本體仲開始枯

回復 4# dickymx5
咁就似乎渴親兼營養不良，留咗枝後，撿查過根冇爛晒嘅話（爛得多就冇得救），加返少少新泥，淋水每次要淋透而唔係「畀少少」，次數就視乎啲水乾得幾快。
放番喺陰涼處，然後等。

我枝迷迭香剪出來就咁插都唔出根, 但浸水就一個星期出根, 尋日落泥種. 不如係都試吓啦

我果盆都冇乜點理佢,只係日日淋水,隔兩三日就淋洗米水,
放既地方重要係冇陽光添(北面窗)
生到好大棵呀~勁粗生

其實上年都有棵rosemary .. 又係同1死法，個陣諗住俾得太多水佢爛根。
今次溝沙同俾少d水佢..,死法1樣....
d泥俾佢都無2個月~應該唔關泥事啦
好多人都話rosemary 好粗生，但係我個d就死...睇黎我住個樹d風水唔夾佢喇

我聽人講過可能水質都有影響,所以我慣性用水樽裝隔夜水淋花架,
我以前都係種乜都死~用左呢個方法之後,
情況改善左好多喇,不如你都試下...

喔....我試試~~多謝你既意見

你有無曬太陽，我以前棵放係曬太陽位，結果就死咗，依家新一棵放在太陽邊的蔭地方，就好粗壯

你有無曬太陽，我以前棵放係曬太陽位，結果就死咗，依家新一棵放在太陽邊的蔭地方，就好粗壯

其實上年都有棵rosemary .. 又係同1死法，個陣諗住俾得太多水佢爛根。
今次溝沙同俾少d水佢..,死法1樣....
...
dickymx5 發表於 2010-3-7 18:36

1 淋水方式呀，唔係多水與少水嘅問題，係你每次淋得夠唔夠透，淋唔透有啲根就吸唔到水咪死畀你睇囉。
2 仲有「濕」＆「熱」嘅組合，「濕＋涼」問題唔大；但「濕＋熱+焗」好多植物都會頂唔住爛根，棄膠盆改用陶盆或地種就可避免「焗」問題；
   至於「熱」同「濕」你就要按天時作適度調節淋水與日照喇盡量唔好畀盆栽同時承受高濕＆高溫！
3 曬日頭之前請先畀植物飲飽水。
4 如果你聽埋啲貼士話乜乜植物好粗生或耐乜耐物嘅話，唔好當係秘笈去盡信，植物嘅耐力同佢嘅大細＆年紀成正比，
   你個盆一啲都唔大枝葉更非茂盛，儲水量唔可能好高，耐力更免提，所以喺佢真係長成前都唔好當佢係野生咁來種。
5 同一批嘅泥如果本身質素有問題，用咗幾耐一樣都係有問題。

1 淋水方式呀，唔係多水與少水嘅問題，係你每次淋得夠唔夠透，淋唔透有啲根就吸唔到水咪死畀你睇囉。
2  ...
緲緲 發表於 2010-3-8 05:41

    絶對贊成﹗..... 有時啲經驗係需要累積+思考﹗

你有無曬太陽，我以前棵放係曬太陽位，結果就死咗，依家新一棵放在太陽邊的蔭地方，就好粗壯 ...
carmenchan815 發表於 2010-3-8 01:20

    有曬呀..,近排 30度未夠既天氣..咁都頂唔住？ 會唔會佢仲算係bb身型所以弱d

1 淋水方式呀，唔係多水與少水嘅問題，係你每次淋得夠唔夠透，淋唔透有啲根就吸唔到水咪死畀你睇囉。
2  ...
緲緲 發表於 2010-3-8 05:41

又學到野喇!~謝謝緲緲~~

有曬呀..,近排 30度未夠既天氣..咁都頂唔住？ 會唔會佢仲算係bb身型所以弱d ...
dickymx5 發表於 2010-3-8 09:47

身型唔算係 BB 啦
已經木質化左
理論強光係沒有問題
如果真係要強光的話
每日要注意土既乾度
每日早上都稱重一下
我那邊差唔多每日都要淋水
因為天台大風而且全日照

回復 17# davisze
但啲枝條唔算粗大，「木質化」過多有可能係提早老化~未老先衰（缺磷定鉀？），
或因缺水而木質化以減少水份揮發（植物自我保護機能）。
佢啲泥有著一半係沙喎，補唔到濕之餘仲要制水+曬，唔渴死就奇喇。
泥中養份要有水至釋放得出後被根吸收，缺水嘅就算乾唔死都可能慢慢餓死！

回復  davisze
但啲枝條唔算粗大，「木質化」過多有可能係提早老化~未老先衰（缺磷定鉀？），
或因缺水而 ...
緲緲 發表於 2010-3-8 16:39

其實我也不知道木質化是否迷迭香必經階段
不過我有兩顆迷 「街市迷迭香」
一顆買回來就是成棵樹一樣
型不錯，並不是營養不良的樣子
不過全身係木頭
另外一顆是像他一樣缺水就死咁
過左五個月都係慢慢生長
身上都係硬硬地木化
所以我想「街市迷迭」都應該是呢個樣係正常
add4icon

回復 19# davisze
其實我覺得冇乜必經唔必經，「木質化」除咗係老化跡象，亦都係植物對應種植環境嘅一個自保反應。我有兩盆原本係超市枝條，種落都差唔多一年但因室內種冇被烈日曬，基本上只得最底近泥嘅部份變成硬木，整盆仍然偏嫩。我見樓主盆草啲枝幹都唔係咁粗大，唔覺佢草齡有幾高，先至懷疑係未老先衰。仲有你睇佢啲葉色，已經開始灰白，唔係濃濃嘅綠色喇，幾乎同我啲rosemary花茶（乾葉）差唔多色水。