家中食蟲睇全相

早排收到版友的贈品小苗, 小白兔及不同種類的毛, 但由於公司沒有那麼多位放, 所以要把大部份拿回家(女朋友家), 但如果要種得好, 又不能是但亂種,
只好去了魚街買了個細魚缸加一支18吋, 大約14W的燈去種, 搞了好一陣子, 終於完成同埋有時間影相, 而家post上黎
各高手門可否給一點意見呢?

呢個燈照高度ok嗎? 我最近較低了一點點, 大約14cm左右


影唔到既部份仲有兩個位, 想種北領地孔雀毛呢個品種同埋想種個特別既夾


原有的愛麗斯, 同埋版友送的ping, 唔知個ping呢咩名


呢棵都係版友送的Indica, 細到冇朋友, 我換盆時好驚, 聽講佢d根好弱, 好怕整死佢, 不過so far都仲生存


又係版友送的叉毛, 我對你唔住, 種到佢半死, 我諗佢唔夠光, 之前d毛冇晒水珠加開始枯死, 好彩及時買左個魚缸腰水加照長光, 而家有新叉出緊黎, 希望唔會追光啦


呢個好似叫好望角, Capensis? 早排又係冇晒水珠, 拎返黎時仲紅紅地ga, 而家就青BB, 不過佢一日唔死都仲有機會種得返靚, 分返開少少d小苗, 同埋試插緊幾塊仲青但又死死地的葉


仲未有野睇, 版友送的burmanii


小白兔算係種得最好, 係咁生兔仔, 不過有版友話有少少追光, 不過都唔算好高, 其實可唔可以白, 藍, 紫三隻一齊種喺一個盆ga?


呢個角度睇下, 有冇追光?


最後呢個都係版友送的spatulata, 都係好細, 但係比起拎返黎時都大左好多啦


最後加多張, 比你地睇晒個全相



其實仲有d問題想問, 因為支魚燈角度問題, 有d位照得冇咁光, 我呢度有冇邊個品種係散光都可以種得靚ga?
仲有我而家每日12點照到12點, 時間夠嗎? 如果用太陽光, 有咩品種啱種? 陽光直照, 照幾多個鐘先夠?

你指14cm係同個魚缸頂o既距離
定係同D花盆o既距離?
好似唔夠光
同埋點解你要用魚缸種呢?

試飲杯果盆就夠光

正如DJ所講
只係缸頂夠光
下面o個D全部都唔夠光


孔雀毛要熱
小白兔要涼
你點balance到呢?

你指14cm係同個魚缸頂o既距離
定係同D花盆o既距離?
好似唔夠光
同埋點解你要用魚缸種呢? ...
oneonewe 發表於 2010-1-26 01:12

先前見過有人都係用魚缸種, 要保濕ma, 影完呢張相後都覺得唔夠光, 已經將燈較低了,
支燈去到缸面咁高, 用尺度過, 14cm內, 如果真係唔夠光先加燈吧, 我怕太多燈會熱死,
同埋我影時全屋得呢支燈, 所以可能係錯覺唔夠光, 而家照燈時間有14個鐘,
睇一下個月後會點

我都係覺得唔夠光, 我放到好近燈的, 不過我仲會加多1-2支T5燈,
再整定把風扇for夏天用........