試飲杯

唔好意思呀，
想問下各位既試飲杯係幾多oz架？
因為我都想買啲黎種苗仔呀

thx

我的１．５ｏｚ，＄１５＝１００個，上環買．之前好多ｐｏｓｔ都提過，你可以ｓｅａｒｃｈ來看看．

唔該晒呀，咁我search下先
我之前search過1 oz果啲好似得燒味鋪載"薑茸"啲耷咁大？

噢，我ｄ就係咁大！你可以去上環看看，有幾間，或者打電話去問問先．

剛剛搵到有圖既post啦 ~

http://hkplants.com/redirect.php?tid=2084&goto=lastpost

thx~

請問点解要用試飲杯呢？
它沒有排水孔或氣孔，係咪發芽、插葉和種小苗時較保濕呢？
重有係咪要蓋上蓋呢？
唔好意思，一次問咁多問題，希望各位多多指教！

原帖由 RosesGarden 於 2007-12-14 00:05 發表
請問点解要用試飲杯呢？
它沒有排水孔或氣孔，係咪發芽、插葉和種小苗時較保濕呢？
重有係咪要蓋上蓋呢？
唔好意思，一次問咁多問題，希望各位多多指教！ ...

哈哈，我覺得主要係因為平，同埋慳位（＆慳泥）．當你有過百盆小苗，而且每隻苗只有四塊葉的時候，你冇可能全部用兩吋盆去種．如果天氣太乾，我都會加蓋（留氣孔），可以唔駛成日淋水．當然用試飲杯種，介質的組合就要小心調較，以免積水．通常我會加多些珍珠岩．

唔好意思, 我順路經過問吓, 用冰格可以嗎？屋企雪櫃造冰果d。

冰格咪重貴過試飲杯？其實冇話規定用什麼做盆，只要你覺得方便就得．不過我個人覺得冰格太細，好快要換，而且格與格之間相連，換盆時較易弄傷小苗．另因試飲杯是半透明，較易看到泥的情況，例如會否過濕．有時花友間會互贈花苗，用平價試飲杯就不用問人攞番個盆咁肉酸．總之，用試飲杯種花不會特別靚，只是個人喜好問題．

嗯嗯, 咁又係。

希媽，先多謝你長細的指導，和上次送我的小苗種子！

另外想再問清楚哪些剛出的小苗和發種子是不是要加蓋保濕和留氣孔透氣呢？

想問‘下ｄ試飲杯係咩地方有得賣？日本城？雜物鋪？
或者有冇ｄ近觀塘既地方有得賣？

原帖由 RosesGarden 於 2007-12-14 19:49 發表
希媽，先多謝你長細的指導，和上次送我的小苗種子！

另外想再問清楚哪些剛出的小苗和發種子是不是要加蓋保濕和留氣孔透氣呢？

最好啦，我自已好大頭蝦，有蓋保護小苗會好ｄ．

明白啦！ 其實從上星期起已開好儲透明凍飲杯、雪糕杯和沙律杯等，可慳錢又環保，而且試過好以真係好好用！