富貴竹點解變黃?

富貴竹買返屋企插入花樽，好快變黃，試過幾次都係咁。買之前見佢在舖頭插到出根都無事。請問是什麼原因？

聽d花農講過, 富貴竹唔曬得唔熱得, 太猛陽光/光源， 葉片就會變黃. 同埋富貴竹唔怕水多, 多d噴灑葉面有助減小其枯黃.

但係我棵竹又無曬又無熱（好似家陣10幾20度，仲離開窗口好遠），次次買返黎一兩日就開始黃，漸漸就黃到唔要得，試過好多次都係咁。都唔知係咪D水喉水有問題，定係太多水（我個花樽有放滿水）。請幫忙指點下。

我覺得水裝得太滿會令佢變黃,有朋友教裝水約1-2吋已經足夠！我之後都唔敢裝咁滿,我幾棵富貴竹依家生長得好好！