本帖最後由 Peter 於 2009-12-17 14:02 編輯
你地哩d算係乜, 好多年前, 在南昌工作, 因為大霧飛機起唔到, 同事們一共6人決定開小巴落廣州, 計劃17小時到
(果時冇手機, 冇gps, 天氣都幾凍)
驚險一
己經係半夜. 車開到唔知邊度, 爆咗呔, 好好彩見到有間小屋門口寫住"補呔2元", 是唯一的希望了, 見到原來已有好幾個人在拍門, (咁啱咁多人都在那兒爆呔, 一定有嘢啦), 拍咗成半個鐘, 冇人應, 從門縫中見到入面有人, 只好大叫十元, 二十元......最後叫到二百元, 佢果然開門, 補好呔, 二百元? 行開d啦, 唔打你一鑊算多謝咗你.
驚險二
中午去到一個小填又爆, 有個材民仗義話幫我地去買呔, 等咗佢三個鐘才回來, 唔好睇少佢咁土, 佢開張單出嚟, 好多超級會計師都冇佢咁精:
車呔: 200 (ok)
因為好遠, 要開單車, 租車費三小時: xx元
因為一個人唔可以拿住條呔開車, 要找表弟一起去: 表弟三小時工資: xx元
佢自己三小時工資: xx元
因為是中午食飯時間, 佢同表弟飯錢: xx元
因為中午出咗嚟煮唔到飯俾個仔食, 個仔飯錢: xx元
中途飲水: xx元
.......
最後唔計車呔費用二百幾蚊, 當然嘈起嚟, 被成卄個材民圍住, 最後只好俾錢, 我地個司機條氣唔順, 給錢時說: 俾你睇醫生.
那個人拿起地上的呔唧就一嘢要打落佢個頭度, 死緊, 其他同事都大叫, 我一手拿住他手上的喞, 他還在咆哮著, 我說: 你要打他就拿自己的東西打他, 你不要用我的東西打他.
佢好似明明地我講乜, 放咗手走咗去, 不過唔夠十分鐘, 成百個材民又嚟過, 我地馬上開車走. 同事在車上說: 嘩, 唔知道你原來咁勇.
驚險三
同事中有個成日要停車小便, 有一次半夜, 係乜都睇唔到果種郊區, 司機停了車, 我先下車, 點了煙, 說: 肥仔, 落車呵尿嘞, 話未講完, 跌咗落條水坑, 剛好浸到下巴, 當然叫救命, 當朋友把我拉上來後, 口中的煙還在, 原來司機都睇唔到有條水坑, 開多幾尺就成車跌咗落去, 司機還打笑說: 在彩係你跌落去, 你剛好浸到下巴, 我跌落去就沒頂了, 叫也叫不出聲. 不過諗番轉頭, 如果條坑深多一尺, 我都死咗.
驚險四
又係半夜, 在小路上, 乜車都冇, 這時見到路中央橫放了一棵樹幹, 車又唔夠油回頭, 這一次最驚, 好肯定一開車門就有大批土匪衝上嚟, 個個人心想, 今次玩完, 冇計之下, 只好各人拿可以當武器的東西, 開車去搬樹, 我喺得哩度講嘢就緊係冇事啦, 不過果次真係好驚.
這個原本17小時的旅程, 終於行咗48小時, 爆咗7次呔
其實取驚都係好老婆, 我地失咗踪48小時完全冇電話. |