本帖最後由 無比仔 於 2010-4-10 18:24 編輯
係既，一面鏡子～
我準時番工架，每天都是最早一個回到公司，開燈開電腦，準備他們的工作．．．． ...
jellyfishy 發表於 2010-4-9 10:19 
有時做錯野, 我係會覺得好唔好意思的, 通常講句唔好意思話下次做好d便算, 上司再追問多兩下我就真係硬哂軚, 有時我上司會覺得我態度唔好. 諗諗下死狗的語氣同態度唔好的語氣真係一線之差 )
有好多野我覺得講者無心, 聽者有意的. 例如有時上司會話下屬: ''你點睇野架, 禁都睇唔到'' or ''都唔知係咪你記錯架'', 講出來時其實真係無特別用意, 但下屬有時聽完會覺得上司已不再信任佢, 尤其下屬對那位上司忠誠度很高, 會特別在意的 有時自己又會好衰唔抵得頸激下個上司, 當然事後諗番起是好芝麻綠豆的小事啦
有時要平衡各方利益都有時幾頭痕, 上司出了order要做某樣野/目標, 上司的直屬下屬(我唔係直屬, 他們某程度上又係我上司)有時唔想做禁多野or實在太忙, 會睇漏/做漏了一d野, 事件穿煲了, 我就會食哂, 初初都會唔高興, 現在都慣了.
外判公司員工的身份好尷尬, 我個位係for一單合約only, 要做好呢份工對我0黎講真係唔難, 到公司多左一份合約, 公司叫你幫手睇埋, 又勉強做到. 如是者公司又多左一單合約, 公司又同你講你個位好難請到人, 又叫你頂住先. 真係頂唔順推甩了一單, 公司又神勇地投了單新合約回來, 又同你講你個位好難請到人, 你頂住先啦... 若只做管理睇幾單job係可以, 若要做埋幾單job的前線工作就好勉強, 幾單job都會做得唔好. 有時工作又要兩頭瞞, 如去A上家度做野唔可以比B上家知. 我有時會調亂幾單job d野or記錯左d野, 有時上司會話我神又係我, 鬼又係我, 我反而覺得我係人似唔人, 鬼唔似鬼多d
最頂(引)係我d下屬一操fit左之後, 就會被調走到第二個合約度做, 永遠我都要train人, 我個部門成日比同事笑話似training center . 我都笑笑口成日同老細講你成日叫我頂, 我都想頂你好耐, 係頂你唔頂個頂.
雖然好似好多問題, 但我仍好鐘意呢份工, 因為人工唔錯, 同埋我好鐘意我那位上司(同佢合作), 雖然成日有argue, 好多時都係因為佢想我好, 想做好件事同埋因為我真係有做錯野. 側邊有人有時會同我講那位上司壞話, 但我都會話佢係好上司, 佢都有上頭, 佢都有壓力的, 佢唔掂/孭左鑊我地都唔會好過.
有感而發, 發左好多野出了0黎 |
.gif)
顯身卡
.gif)
(當然係知道上司/公司冇左你好唔掂時先有用, 唔係益左佢)