新手種薄荷一問

我聽講薄荷好易種, 所以買左一包種子諗住試下,
但放左0係d泥度都成一個月啦,
佢地好似仲係冇咩反應咁ge!
咁係我播種ge時候播得唔好呀, 定係我太心急呢?

依你所說應該係10月落種

絕對係可以架, 播種時間無問題, (其實薄荷咩時候播都得, 因為香港唔會太凍到落雪come晒)

有興趣聽下你點樣種, 請提供多點資料

你買左邊種薄荷種子
我都係聽人講好易種
就買來玩下   老實講
好似已經用左幾種薄荷種子 ( 台灣牌，大陸牌一堆 )
最後可以種出來只有 Royal 牌種子
唉
已家先生出第三層葉   
不過已經冬天到了

多謝你地ge回覆呀!
我買ge係台灣牌, 但我已經唔太記得個牌子名啦!

我地通常買左一d野食呢,
都會有一d塑膠兜ge,
我將呢d兜ge底部開左一d小孔, 方便排水,
之後就用黎播種!
播種ge時候就將小小泥鋪面,
依家我只將佢地放左室內ge地方,
好少將佢地放出室外,
咁做係咪唔多好呢?
平日見到d泥有d乾ge時候, 就會淋下水, 保持泥土濕潤。
依家我會諗, 但唔知係咪無放出外面, 所以佢地唔肯發芽呢?
如果放返出外面, 佢地會否生得好d呢?

We I just grow in water in my office without soil?