新手要從何開始？

我嘅新屋旁邊有一塊細土地可以種植，上手種咗棵芒果樹同埋米仔蘭， 不過佢無打理， 所以我要從頭做過，以前無種過嘢，都唔知點開始．．
想請教吓大家。謝謝

選D自己鍾意O既,
然後睇下書上網搵下資料,
該品種要點種,
再選擇比較容易栽種O既,
買齊所需O既,就可以落手啦.

視乎你塊土地有幾「細」，如果有返10呎 x 10呎8呎，我諗你都會需要一把起碼3呎長，好實淨o既，最好地盤果庭剷，同埋一把好實淨o既泥扒連鋤頭。因為我試過10蚊店買，兩吓就luen或斷或甩柄，結果都係去返花墟俾貴少少買。同埋一張矮凳，如果唔係會腰斷。

乜種子乜植物都可以唔買住，如果你塊地本身係普通果d黃泥 (通常即係近似黃花沙, amend it)，就去苗舖買袋泥炭土又好，科學泥又好，深啡色或黑色o既，買幾多視乎你塊地幾大啦吓。再買d 肥料，種o野食的話都係有機啦，好似有古早肥、油渣 etc，我有用魔肥又有用油渣都未知邊d好，求其叫做有d咁啦。請各網友賜教。

跟住去你塊地，將所有泥土翻鬆一次，將石頭拎走，雜草連根拔起，確定d泥ok 喇，加肥料 (叫基肥o卦)再加泥炭土撈埋，幾多可能要問其他網友，我係求其覺得d泥唔死死實實，疏倒水又某程度上保倒水就算。其本上你玩完呢步都仲咁有mood，你就可以開始你o既農民生活喇。我就係懶做呢d，種咗少少o野之後而家要逐忽起返個地嚟鬆土。唉

以上係我估新手都主要係種d睇得或食得o野o既做法，如果你要種d難度好高o既，就唔係我果範lu。

謝謝各位。塊地有3Ｘ11 呎，我想種啲簡單嘅嘢試吓， 好似香草、番薯咁。依家塊地有啲沙石仔， 係咪要全部剷走？有無邊隻泥介紹呢？

如果香草果D, 通常都喜歡乾爽D, 所以D 沙石仔其實係有用架,
如果你覺得沙石真係太多, 可以溝番D泥.
至於泥,通常種花那些我會用黑泥.
農作物那些我會用翠筠有機靚土.
兩種我都會再隨意溝D沙,珍珠岩,蛭石等.
我都唔係好識, 所以通常我會睇下書,
比如ROSEMARY,書話佢中意乾爽D,沙質D咁我咪溝多D.
所以睇O岩自己想種O既,再比番個適合佢O既環境LAW.

沙石仔，睇吓幾大粒啦，你覺得唔妨礙生長或對生長有用o既咪留lor。

我覺得要先留意塊地向咩方向、日照有幾長，有咩會遮到陽光。

主人喜好緊要，但亦要配合環境。

等我做開荒牛翻好塊地先， 再請教各位

加油，種好塊田啦, btw, 係咪全日照呢？通常聽倒人話有塊地我都諗係冇遮擋tim。^^